再戰美麗城, 今日有開門, 早餐食甜酸雞飯同辣子雞飯, 好味。食食下見到有新鮮出爐既炸波, 又食下, 超級好味, 係甜酸炸雞, 個脆皮漿介乎脆同硬之間, 有拔絲既感覺。呢件野, 可能我見識少, 我係香港都冇食過, 太好味了。
去到national museum發現逢星期一休館, 聽日再去。
st stephen's basilica, 我留意到大門雕左十二門徒, yeah。
中央市場比我想像中新淨寬敞乾淨, 根本就是超乾淨。匈牙利的folk style衣物真的很漂亮, 但我冇買, 因為我知道自己不會穿。旅行總係見到好多好靚的當地著名手製品, 奈何很多對我來說都不實用, 只好用眼睛看過就當擁有。
買了一小盒鵝肝醬, 才十幾港幣。
很健康地買了一堆生果, 然後回酒店小休。
布達佩斯真係個令人振奮既地方, 食野仲平過香港, 仲要相當有驚喜。呢度既名物係牛肉湯goulash, 仲有鴨同鵝肝等。
其實呢個月領教過歐洲多國廚師手藝後, 我對匈牙利菜都不抱期望, 豈料今日在酒店附近用膳, 那鴨胸一咬下去, 煎肉的脂香喚醒了我五億味蕾, 肥美的鴨肉在我的上下顎間彈跳, 充滿魅力的肉汁在口腔內四射, 皮也煎得香脆!
隨肉附送的草莓醬亦毫不馬虎, 以由原粒草莓樁爛而成, 每一碗醬都肯定經歷過千錘百鍊及千"樁"百鍊, 每一口都感受到師傅的一思不苟! 在毫無期待之下嚐到如此佳餚, 更覺驚為天人, 好想像美味天王主題曲般大叫: 好好味啊! 冇得頂啊！
如果這塊鴨胸是個女人, 我一定要將她娶回家!
逛了逛劇院, 拜見我喜歡的李斯特, 然後又覓食。地點依然是酒店附近, 今次吃魚。魚湯 炸魚 魚湯 烤魚 鯉魚 catfish walleye魚, 多款組合, 也相當好吃, 湯夠濃郁魚有味道, 比英國的fish & chips好多了。pasta上還竟然有一堆豬油渣! 極好味, 同香港的豬油渣一樣咁香脆! 原來匈牙利人會整豬油渣, 好有品味啊! 太好味了! 可是不知為何這麽優秀的餐廳客人卻不多。
今天真是美食日啊。
(鴨胸在飯上, 被塊葉遮住左)
(餐廳掛了一串串蒜頭, 讓我想起驅殭屍)
沒有留言:
張貼留言