這次旅程去過唔知幾多個城堡了, 而這城堡, 範圍很大, 有公園有博物館仲有動物園。
軍事博物館個阿姐好好人, 係我冇(帶)學生證兼冇特別要求既情況下, 佢都主動賣學生飛畀我。至於呢個館, 好大, 行極都有, 有驚喜。
反正沒甚麼事幹, 票價又便宜, 就去了看起來很小的動物園, 結果又係極驚喜, 又係行極都有, 而且動物種類極多, 光是狼已經有幾個品種, 獅子老虎豹豹熊人通通都有, 而且同樣地, 多於一個品種, 還有草泥馬白虎以至我在阿根廷見過的巴塔哥尼亞豚鼠(兔豚鼠)和一些不知名動物也有, 真的喜出望外, 仲有幸直擊大烏龜交配, 動作很緩慢, 交配的雌雄二龜隔離仲有隻第三者係度等, 我以為佢等緊陣間到佢上場, 點知原來係因為交配的雄龜行動太慢兼腳短, 完事後要從雌龜背上下來相當困難, 所以那隻第三者就在旁邊候命, 待雄龜下來時可以踩住佢個殼當踏板, 啊好溫馨啊。
壁畫藝術館的阿姐很熱情, 送了我們一本書和兩個襟章。
坐巴士去公園島, 車上剛巧有檢票員。
公園島可以租單車, 我懶不想踩, 打算租雙人單車由v主力踩好了, 點知原來雙人單車好難踩, 好重, 平衡唔到, 完全踩唔到直線, 我們試車時差點要仆街, 情況太滑稽, 租車姐姐都忍唔住笑, 最後只好跟平時一樣, 一人一架普通單車。這公園很適合踩單車, 人很少, 公園大, 又有單車徑。
這島所謂的沙灘, 其實只是河邊的碎石灘, 不過算是長長的一條灘, 又有得玩飛索過河, 都算開了眼界。
後來發現有得租滾軸溜冰鞋, 好想玩, 香港邊有地方踩啊, 可恨那膽小的v假借"踩左單車唔踩其他"的理由, 拒絕跟我一起溜, 其實擺明係因為佢唔識踩驚仆街怕失敗, 真懦弱, 懦夫。他不踩的話我自己踩又無聊所以結果就放棄了這個踩roller的大好機會。
晚餐在酒店附近吃了一家好好味又便宜名叫zavicaj的餐廳, 吃烤肉吃到很飽。那個眼闊肚窄的v, 又話想食烤魚結果只吃了一塊就說飽飽, 害本大爺要執手尾食兩塊魚。
沒有留言:
張貼留言