大概是星期日的關係, 昨晚幫襯的中餐館沒開門, 於是去了吃english breakfast 。自從離開英國後就沒吃過英式早餐, 既然布達佩斯物價為窮撚帶來曙光, 我也沒有不吃的理由。這份早餐, 三隻蛋三塊煙肉三條腸咖啡還要任飲, 不過原來連tips盛惠13歐。失策了。
走過自由橋, 跨過多瑙河, 來到布達城堡山腳。
布達城堡這幾天有 folk art festival, 像藝墟, 由山腳至山頂沿途都是賣手工藝品的小販攤檔, 民族服和皮製品很漂亮。
山頂景色一流, 布達佩斯的確如傳聞般漂亮, 果真是多瑙河上的明珠。城市古典而不落後, 繁華而不商業, 不像某東方之珠和上海灘, 兩岸雞乸咁大隻地閃耀著的都是各大企業的名字, 美景在前都不忘提醒你正身處金錢掛帥的社會。
因為太美, 我們立刻就決定晚上再來看夜景。
國會大廈的設計原來參考了西敏寺, 怪不得感覺有點相似, 不過我還是覺得西敏寺較宏偉壯觀。
國會大廈對面有個博物館, 本來以為它是national museum, 進去後才發現是民俗博物館。館內參觀者很少, 卻有大量模型公仔, 令我覺得有點恐怖。
彈珠機博物館其實是機舖, 內有大量經典波子機及柏青哥(我覺得兩者是不同的), 還有一些古老射擊機保齡球機足球機, 大開眼界。全部機入場後任玩, 唔駛另外入coin。(呢度兌錢匯率仲幾唔錯)
之後冇乜搞作, 酒店附近又有戲院, 於是又睇戲。paper town, 女主角唔算靚但幾有型, 但戲份其實不多。男主角個樣真係好毒。內容都係典型既青少年煩惱, 要走出 comfort zone, 唔好跟框架做人, 要做自己真正想做既事。
重返布達城堡欣賞日落, 在小食檔食了好貴(加埋都成30歐)兼超級鹹但又幾好味的豬手和腸。
~~~~~
2023年5月13日新增
做功課要派問卷，目標六月初最少收到200份-.-
會有人做好心、做功德、做愛心幫我填嗎👀
https://www.surveycake.com/s/z7Pax
沒有留言:
張貼留言