Day 27 都柏林: trinity college, national gallery, national museum

飲左杯好難飲既starbucks, 淡到好似我沖三合一咖啡粉唔小心落多左水咁。

食左個唔好食既可麗餅, 個皮唔脆, 林滋滋, 唯一可取係 nutella醬始終如一地好味。

係連鎖店butler chocolate cafe飲左杯好好味既朱古力, 仲送一粒朱古力添。

圖書館畀遊客參觀, 但淨係入到門口附近既reader room睇d user睇書, 我連書架都未見到。我心諗, 又要開放畀人參觀, 又開放得咁少, 我想睇書, 唔係想睇人睇書, 咁小家就乾脆唔好開放啦。

仲要係門口寄存袋先入得, 搞完咁多野原來只係入到門口眺望。

睇戲, hot pursuit, 鳩下笑下個幾鐘。今次完場戈個場又係杯盤狼藉極度污糟處處爆谷。

其實有d想睇once既musical, 但發現時已經開左場, 三十幾歐。

去v酒店common room坐, reception個女既人又黎同我講多次話要make sure我知道唔可以stay in the room, 又係咁問我住邊。好煩。仲直情唔畀我入v間房, 我話只係去廁所都唔得。我都已經答左佢住邊啦, hostel名都講埋, 佢都仲要覺得我會屈蛇。我又唔係過夜, 晏晝流流連房都唔入得。住客唔可以帶朋友入房, 實在太特別, 呢條所謂既非訪客不得入房條例擺明係針對我一個, 能夠被blacklist, 我覺得好榮幸。

還好我住的旅館職員人好, 而且住客幫襯隔壁izza店有半價優惠, 窮人恩物, 三歐食了個pizza, 然後早早睡覺。