Day 28 都柏林: trinity college old library, chester beatty library; 布魯塞爾: 尿童

昨天因為人多沒進old library, 上網看過相後我後悔了, 所以今天一早又去過。十點未夠, 唔駛點排。

一走進圖書館long room, 確實震懾了我, 這是我見過最靚最壯觀最震撼最似我dream library最似風之影個遺忘書之墓(遺忘書之墓應該再髒亂再多點高聳入雲的書架)的圖書館。太棒了。這裡也是harry potter 的拍攝場地之一。

Chester beatty library 其中一個展館是亞洲書法藝術, 有大江山物語。另一展館講儒釋道, 解說雖是英文卻寫得很不錯, 將好難翻譯既中國文化概念譯得相當好, 學左個生字: oneness=天人合一。

循例一試愛爾蘭名物beef stew with Guinness. 感覺是很普通的牛尾湯, 失望透頂。

飛去布魯塞爾, 愛爾蘭航空landing做得極好, 完全冇轟隆冇凳親冇個種個轆撼落地既感覺, perfect 池! 又話說我好鍾意睇空姐空少做安全示範, 有時有d航空公司冇真人示範變左做video我會唔開心。不過愛爾蘭航空唔只係真人示範, 個空少仲要做到跳舞咁, 好好睇, perfect 池! 愛爾蘭航空, perfect 池!

呢兩晚會住hilton (因為v見到特價就狗衝點知睇錯美金做港幣以為好好好平, 不過而家都唔算貴既, hilton雙人房港幣1000), 好感動! 苦盡甘來啊！是hilton! 窮撚第一次住! 可能特價房關係, 間房賣相極為普通, 不過掛左d裸體畫係房畀人j, 作為拜金港女, 見到任何掛係hilton既晝已經濕晒。仲有樣野令我好感動, 就係間房有我已經好耐冇見過浴缸！

Hilton位置超好, 就在火車站旁, 安頓好已是晚上十點, 出外走走。滿街都是朱古力店和waffle店。拜見了很喜歡的尿尿小童, 自從小時候在世界之窗見過尿童我便對他一見鍾情。中六時鄰座同學有支尿童筆, 按掣便會柯尿, 我把玩了一整天, 該同學說, 我將尿童一年份量的尿都尿出來了。

如今終於有幸拜見尿童本尊, 但他竟然比想要像中細粒很多。我不是說他那粒蛋很細, 我的意思是整個雕像的體積很細小。真失望, 我一見鍾情的撒尿童子, 竟是這麼小, 我還籌備好要擺何種pose去扮飲尿, 結果他根本尿不進我的口。唉。唔怪得話童子尿珍貴補身, 原來唔係咁易飲得到。

才剛到埗一會已經吃了當地三樣名物 薯條, waffles, 啤酒。窩夫幾好味。

市政廳前的廣場好多人席地而坐, 好熱鬧。

連 boutique 的著衫公仔都是古天樂色, 果然是朱古力國。