Day 29 布魯日, 布魯塞爾

坐一小時火車去布魯日, 據說這小古城是沒有天花板的藝術館, 我覺得這城是美的, 不過這麼說又有點過譽。

望著宏偉的大教堂喝朱古力, 是賞心樂事, 唯該杯朱古力味道尋常像沖劑。

比利時的godiva有朱古力士多啤梨, 吃了一顆, 2歐, 朱古力好味, 但鋒頭不敵士多啤梨, 好大粒好多汁好鮮甜。至於godiva的飲料和雪糕香港也有就不試了。

試食了另一家店的水果軟糖, raspberry 味, 簡直震驚了我的味蕾, 好 難 食 好 藥 水 味 口 感 一 塌 糊 塗 。

我需要水。

而這刻我才發現, 在這裡找超市比找朱古力難二十倍。

無處不在的, 除了朱古力, 還有H&M. 小小一個布魯日, 竟然有起碼三間H&M, 真係隔幾條街就一間, 有這麼需要買衫嗎. 

覺得布魯日太商業, 沒甚麼好玩, 很快便回到布魯塞爾, 到了圖書館一遊, 然後喝了老牌朱古力店mary和neuhaus的hot chocolate, 兩個都好喝, 但 neuhaus的味道略勝而且好玩好多。我們堂食, 侍應送來一壺朱古力, 一小壺奶, 還有一只吉杯, 奶的份量可以自行控制, 挺好玩, 而重點是那壺朱古力份量極多, 已經兩個人一齊飲都飲極都有, 好抵玩。

循例一試當地名物青口, 18歐包埋前菜甜品飲品, 仲好大兜, 不過我實在覺得當地人同我既飲食文化有好大條鴻溝, 一次過食咁大兜青口, marginal returns應該大幅度 diminish吧, 大兜都冇用, 而且d青口有沙so9sad。

也試了另一當地名物 fruit beer, 有好多種味同牌子, 香蕉, 蘋果, 檸檬, 熱情果, 椰子, 紅莓, 朱古力等, 由於據說香蕉代表正能量, 我就試香蕉, 睇下喝下去有冇幸福既感覺。感覺就係香蕉味jolly shandy。另外試左檸檬, 都係似 jolly shandy。

我覺得布魯塞爾係個好有活力既城市, 好多人係行人專用區玩bmx, 甚至打乒乓波,好不熱鬧。