Day 26 都柏林: dublin castle, Guinness 酒廠, st Patrick's cathedral, temple bar

坐兩小時巴士, 來到愛爾蘭都柏林, 終於離開英鎊區, 好開心, 都柏林的東西標價跟英國差不多可是單位是歐羅! 太振奮人心。

不過, 剛到埗就遇到兩個不友善的人。

話說v係我未話要一齊旅行之前已經卜左酒店的single room, 我地去到問reception個女人可唔可以畀錢加床或者轉雙人房, 好聲好氣問佢, 佢無啦啦發脾氣, 話全部房full晒, 又話單人房冇得加床, 勁惡話我 can't stay here。問下姐, 做乜姐佢。

又話說呢個女人唔畀我住, v就陪我就去搵第二度住啦, 咁去左問另一間酒店, reception 個男人話有位, 我地話咁我地而家上hotels.com卜房,因為上網卜有discount, 跟住個男人無啦啦扯火, 話u can just book here! no hotels.com!

我地話而家都仲見到hotels.com有得卜你間野喎,

而呢個時候有班人入左黎lobby, 個男人一見人多就急啦亂啦手足無措啦, 躁底啦, 然後佢勁嬲咁話, no！it's cancelled! 冇得卜, 你要卜就係度卜!

我唔知佢係咪因為commission 問題所以唔畀我地hotelsbcom卜, 但老老實實我梗係為自己嫁啦, hotels.com 卜可以儲晚數喎。咁惡做乜姐, 自己multi tasking唔到係度發老脾。

咁撚惡梗係唔撚幫襯佢啦屌, 結果去左呢個男人隔離間hostel住八人間, 平好多, 15歐, 如果住個男人間酒店要11x歐。

Hostel 職員好人三百倍。

終於安頓好後, 去城堡。好新, 冇乜野睇, 入面仲擺滿新世代藝術品供人買走。

健力士啤酒博物館, 幾有趣, 好多野睇, 有得聞, 有得飲。不過好多洋人飲醉, 要緊握扶手先勉強落到樓梯。乜咁易醉, 飲一兩杯咋喎, 唔飲得就咪飲啦嘛。

慶祝黎到歐羅區, 晚餐豪食四十幾歐阿根廷烤肉二人餐, 份量好多, 好豐富, 可惜根本唔係阿根廷味, 只係歐洲味。

侍應好nice, 係來自哥倫比亞既妹妹, 佢黎呢度學英文。之後係temple bar又撞到佢, 好有緣。

Temple bar都好多醉鬼, 有個姐姐係咁係我地後面大叫。