Day 6 阿拉木圖: central state museum, 睇戲

再戰central state museum, 有開門了。行到最後一個展館時個阿姐先話要ticket, 仲同坐係博物館門口條友講我地冇飛, 個款好似不齒我地逃票咁, 明明我地入黎個陣已經特登係counter徘徊都冇人理我地所以才以為不用票免費入場。其實門票也才3.2港紙。

去共和國廣場旁的商場的cafe hea。

想找間賣本土菜的餐廳吃doner但行到返酒店也找不到, 於是回酒店小休。

在酒店樓下的超市買野, 走個陣保安要check我個袋。黎過呢間野咁多次都冇試過要check, 佢又唔係我一入門口個陣check, 搞乜啊。

問了酒店職員後找到了, 吃完因為沒事幹所以去睇戲。冇乜戲揀, 岩時間既得minion同terminator, 揀了睇前者。因為講俄文唔知對白譯成點, 單睇劇情我就覺得都幾無聊, 而觀乎其他觀眾反應: 冇笑聲, 一片死寂, 仲有阿叔同細路訓著, 相信唔只我一個覺得無聊。btw個3d眼鏡幾靚, 套戲3d效果都好過晒我係香港睇過既3d戲, 係關個眼鏡事定真係套戲效果做得好?

睇完求其食左間叫 Shakespeare 既 bar, 門口寫住two beer or not two beer, that is a question. 挺有趣。

明天晚上要飛了。