Day 16 倫敦: 歌聲魅影, 唐人街, london bridge

酒店早餐很頹廢沒值得留戀的。

跟同酒店的阿根廷女拼的士, 慳一半錢。今次的士起錶貴, 最後22里拉。

機場幾大, 但沒我想吃的那種烤雞。

今次搭atlas global, 飛機座位極唔好坐, 椅背同座位成九十度, 張凳又硬, 好難訓, 連我呢個咁易訓既人都訓唔著。好似坐大陸動車硬座咁, 頸緊膊痛。

終於去新國度, 期待, 而且不用自己一個, 可以有所依賴, 很安心。

從機場搭a1巴士出市區, 職員說有現金可以去車站買票, 去到車站另一職員說要返去票務處買票, 買完票回到車站發現竟有職員在售票, 被老點了。車也剛好滿了, 又要等下一班。

Baker street下車, 第一個映入眼簾的是福爾摩斯cafe, 真高興, 是好開始。

在her majesty theatre 會合v, 有伴了。衝去睇歌聲魅影, 兩點半, 剛剛好。聽唔明, 不過舞台畫面還是好看, 值得看。

China town, 好細, 估唔到倫敦這大城市, 華人又多, 個china town規模都咁細, 食左個菠蘿雞尾包, 冇味, 唔好味, 根本唔係平時香港食開既味。

沿泰晤士河走, 安靜閒適, 倫敦能給人安心的感覺。

London bridge 個樣出乎意料的平凡。

在london bridge附近跟v的倫敦親戚吃晚餐。大魚大肉好感動, 每人一隻生蠔, main dish還吃 三十幾磅的beef of Wellington , 加埋都成四百港紙了,  有人請真好。v親戚係咁問我夠唔夠飽, 我話好full, 佢唔信, 我諗我個樣實在太餓。感謝他們招待, 這應會是本次旅程食到最貴的一餐。

住v親戚的家, 三層大屋, 間屋大真係好, 就算唔執屋都大把位。

倫敦很漂亮, 古典味濃, 整潔, 比巴黎好三十倍。 郵筒和紅綠燈等設施又跟未回歸的香港同款, 好親切。倫敦是個好地方。

Day 15 伊斯坦堡: taksim新城區, 有頂大市集grand market

明天早機, 所以今日住機場附近的酒店, 點知都離機場有段路, 交通只能靠的士, 用左25里拉好傷心。

最後一日係伊斯坦堡(雖然之後仲會黎轉機), 未做既事做埋佢。伊斯坦堡沿海, 將似都出名食魚, 今日決定食魚。

搭車去舊城區, 邊坐邊釣魚, 下車後頭先坐我隔離既男人問我做乜咁tired, 之後問點解香港人咁強調自己唔同中國人, 佢話之前識既香港人都係咁, 然後又show電話裡同亞洲面孔既合照, 仲有wechat裡既大量中國人contact畀我睇, 話佢成日帶人去玩, 今日佢得閒可以帶我去玩。呢個人似可信, 不過我冇興趣。

叫左舊魚, 好似罐頭油浸魚咁, 同想像中的煎魚好唔同, 仲成20里拉。後來發現煎魚, 叫埋黎食, 味道就是煎魚。

去新城區taksim, 就是充斥連鎖店和較光鮮商店的步行街。

去完有頂大市集坐電車回程, 懷疑被摸屁股一下, 之後極謹慎。後來有人讓座, 這裡還是有很多好人。豈料坐下後, 視線跟站我面前的男人下體成水平線, 目睹他褲襠慢慢凸起, 男人也發現我發現了他勃起, 面露尷尬之情, 不停拉衫尾想蓋過下體, 不果。後來他下面又軟回去, 軟回去不久又站起, 他又不停扮摸肚腩拉衫尾, 其實我好驚, 因為佢企正我前面, 離我極近, 無啦啦勃起唔知佢想點, 但離座企起身又驚畀人摸屎忽。不過見佢個尷尬樣又幾好笑估佢應該冇心。不過還是不想再遇到。

本來打算電車轉巴士回酒店, 經方才一役後, 不想搭公交, 就去了機場坐的士, 排我後面個男人同我一齊上同一架的士, 唔知做乜, 我估拼車, 不過我還是很有戒心, 問佢去邊佢又話maybe xx hotel, i don't know。呢個乜撚野答案黎, 個男人仲克林頓咁既樣, 又meimei嘴笑, 我疑心重覺得佢唔知係咪有陰謀。點解我已經揀搭的士都仲係遇到奇形怪狀既事。的士先駛到我的酒店, 個男人竟同我一齊落車, 屌, 做乜撚野, 估佢可能未有地方住搵緊酒店, 不過我還是很怕他知道我住哪間房所以我錢都冇畀就跑左返房。唔係有心走數, 但佢同我一齊落車真心驚。

題外話, 第一次搭的士去酒時, 我未上車就問定司機幾錢, 結果要25里拉, 今次冇問就咁上車, 跳錶, 10里拉咋仆街。

明明說吃厭了土耳其菜, 晚上肚餓時卻想吃烤雞, 真犯賤。

漫長既一日終於完。圖為在taksim吃的rice pudding。

Day 14 棉花堡

七點幾在棉花堡所在小鎮pamukkale找早餐, 呢個鎮好細, 是十分鐘就走完的程度。正好找到一家便宜的小店, Turkish pizza 也只是7里拉, 比其他地方便宜一半, 不過本人不喜麵包類製品, 要我獨自食完整個pizza太辛苦, 就亂點了一砵蕃茄芝士蛋, 老闆親自下廚, 一見我按電話又馬上遞上wifi密碼, 感覺親切。雖然個蛋有點鹹。

在棉花堡下的池塘看阿伯撚鴨, 佢勁大舊硬法包丟落水畀鴨食, 係我諗緊d鴨夠唔夠牙力時, 阿伯分了一舊包給我齊齊撚鴨。我掟包時唔小心掟中隻鴨個頭, 自此以掟鴨為目標, 相當仆街。為左贖罪, 我順道撚麻雀。d麻雀有個共通點, 就係每隻都唔會將塊包就地正法, 而係先鬼祟張望一下, 再極速叼住塊包飛走, 一副想獨食的樣子。

八點幾走進棉花堡, 時間尚早, 人不多, 第一下踩落去感覺好爽好冰涼, 本來36度的天氣熱到個人好攰舉步維艱, 不過一踩到冰涼的石忽然又回復hp值了。大自然實在令人大欽敬, 乜美景都有, 以前睇過白色雪山, 白色鹽湖, 白色冰川, 白色瀑布, 這次是白色石灰岩。回想奇石林的顏色也相當amazing, 光是綠色就有很多不同色的綠色, 一層層, 淺綠深綠墨綠青綠, 層次分明, 很好看。棉花堡的水的那種淺藍色很漂亮, 加上周圍都白色, 感覺很仙境, 不過後來人多, 仙境馬上下凡, 大打折扣。

由於實在太熱,  諗住快快睇埋隔離既遺跡就走, 點知睇完搵唔到第二條路落返去, 要再行一次棉花堡, 朝早行同正午行真係好唔同, 回程呢次我淨係覺得好逼人好熱好吉腳, 曾經冰涼的水也被曬到暖, 我只想盡快逃離, 如果唔吉腳會享受好多。

今餐目標係唔食土耳其野, 於是食了意粉, 其實我都唔特別鍾意食意粉, 可見我真係好唔想食土耳其野。

見到藍色同綠色可樂, 好靚。後來在車站還見到橙色可樂, 唔知有冇黃色?有的話就真係彩虹七色出齊了。

在吃意粉的餐廳hea了兩個鐘, 有開冷氣都唔涼, 真係太熱。之後再去另一有冷氣的中菜館hea了兩個鐘, 又係開住冷氣都唔涼。

台灣老闆娘說, 很多中國人都吃不慣土耳其菜, 有個家庭發現這裡後幾乎每餐都來報到。又曾有個五年級小朋友在這裡一口氣吃了三碗飯, 因為土耳其的飯量很少, 他經過多過連日的土耳其餐洗禮後, 很想吃飯。

五點幾轉去 neveshir 車站hea, 這車站頗有規模, 三層高, 有餐廳, 又多凳, 地下個層仲幾陰涼。陣間坐車成晚流流長, 為免餓死, 勉為其難在車站食左個轉轉牛肉飯, 飯同肉都好油, 不好吃。後
來回想, 我在伊斯坦堡的第一餐, 是我在土耳其吃過的kebab中最好味的。

等待的時間太長, 長到我連書都看完了, 今次睇講北韓既書: 沒有您, 就沒有我們。好不容易, 終於等到十點上車, 車上有雪糕食, 又有tropicana飲, 好感動。咁小事都要感動, 我平時日子有過得這麼慘嗎。

連續兩晚睡巴士, 沒洗澡, 跟桌上的麵包一樣不停被蒼蠅纏繞, 天氣太熱, 沒事幹終日無盡地等待, 吃厭食物, 這一切都讓我想盡快離開土耳其轉換新環境。一想到即將能回伊斯坦堡, 心裡欣喜, 因為這表示土耳其之行要到尾聲了。

尤其剛閱畢一本關於北韓的書籍, 勾起我對高科技事物的眷戀, 例如我踏入外表老舊的車站廁所, 發現裡面意想不到地又大又多位又光猛還有新淨的吹手機, 頓時萌起安全感。

Day 13 哥樂美: uchisar castle

尋日對香港男女話 uchisar castle 唔錯, 我就去看看。搭巴士15分鐘就到, 不過半個鐘先一班車。

城堡其實係一大舊石山, 裡面挖幾個窿做唔同房間, 同之前博物館睇既差唔多, 不過登上城堡頂景色好好, 見到晒成個鎮畀山石包圍。在城堡hea坐打發時間, 坐隔離既婦女同我傾計, 熱情友善。

因為想打發時間兼唔想等巴士, 我決定行6公里返去downtown。其實條路根本唔適合人行, 冇景好睇之餘亦冇預位畀人行, 路邊一係就碎石爛地, 一係就種左樹。 我已經行係白界出面, 貼住棵樹黎行, 都畀車咇, 做乜姐, 我都已經係界外啦, 仲想點, 車路咁闊自己揸過d啦。

行左半個鐘後, 有架車主動停低載埋我, 真係太好, 我都行到唔想行。

曝曬過後又係時候去餐廳hea。之後諗住租電單車, 點知原來土耳其咁嚴格要有駕駛執照先租得。於是又陷入無事可幹既境地, 返酒店睇書。

晚餐的燒雞翼飯我很滿意, 因為有八隻雞翼咁多, 仲燒到脆, 而且有飯。

八點搭車去棉花堡, 又向新地方進發。
被編排坐第一行, 景觀係好, 但司機成日講野同開燈, 仲有紅綠燈同對面線既車頭燈都好刺眼, 好難訓。

Day 12 哥樂美: 小山丘, atv sunset tour ( Swords Valley, Rose Valley, Red Valley, Cavusin Village, Love Valley)

晨早五點起身上酒店天台睇熱氣球, 以為要早d黎霸靚位, 點知得我一個, 睇黎冇人好似我咁無聊唔坐熱氣球都特登早起睇升空。酒店天台景觀好好, 係正升空地點對面。滿天熱氣球既景象好壯觀亦好假, d波好似key上去咁。 我懷疑驗眼機入面個熱氣球就係以哥樂美做主題, 如今親眼目睹, 感覺不可思議, 真係唔搭都要睇下。

本來打算租電單車享受自駕既樂趣, 不過路過見到有atv 2 hour sunset tour就報左, 80里拉。

Tour 六點先開始, 日頭冇野做, 抬頭見到巴士站後面個山頂有人, 想起之前睇blog見過人話呢座山風景好好。上去, 真係唔錯, 睇到成個鎮同附近山谷, 呢個位都好適合睇日出日落同熱氣球, 不過都係個句,又斜又曬。

吃飯, 遇到一對香港男女。今次吃吃羊肉, 但覺得普通, 可能我真的厭倦土耳其菜了, 餐餐都有麵包。

好不容易hea到六點, 報tour個陣話一個導遊會帶三, 四人, 結果原來得我一個報名, 單對單。不過單對單, 導遊同我坐同一架車, 監實我揸, 成日叫我slowly slowly。揸左去一堆山谷, 詳情睇返標題, 我已經睇呢d石睇到冇乜感覺，熱情消失得相當快。呢個tour幾岩我, 揸下車過手癮仲可以睇埋日落, 好過報最大路既green tour, green tour 係1日團, 車你去睇山山石石。我覺得green tour睇到一半我就會厭所以冇報, 我的決定相當明智。

掙扎食唔食晚餐, 因為真係冇乜野想食, 又要唔平, 令人更冇興趣食。 不過尋晚冇食晚餐既經驗係好快會餓, 所以求其食左d。

唉聽日又check out, 既感頻能, 又覺得唔走留係度冇野做好悶。矛盾。

叫導遊幫我影張揸車相，諗住英姿煥發好威威，點知佢影埋晒d角度腿張開咁，唉

整整, 膠化。

我不知道變的是我還是誰, 以前愛讀的作者,   好像一個個膠化起來, 姓區的, 姓葉的, 名衡的, 名強的, 很膠很膠。一路走來始終如一實不容易, 對任何人也是。

Day 11 哥樂美: 哥樂美露天博物館, 愛情谷

我坐的是metro公司的巴士, 跟車小弟不停派野飲, 果汁還要是tropicana, 不是大陸航空公司的cheap雞匯源, 而且還有雪糕吃, 真不錯。巴士也無驚無險地去到終站,再換乘免費小巴去哥樂美。網上說的掮客都沒出現。

等小巴時遇到一個有香港身份證的大陸大叔, 他住觀塘, 在菲律賓開廠, 兩個月回香港一次, 已經出來旅行幾個月了, 接下來還會去東南亞。根據他的廉價情報, 伊斯坦堡的城堡旅館很便宜, 土耳其廉航例如飛馬航空等, 出發前早大半年買的話會比巴士更便宜。仲有佢大力推薦巴士公司suha, 話suha既車好好坐, 好似飛機business class咁。我普通話差到一個點, 係佢講講下要轉channel講半鹹淡廣東話。

到了哥樂美, 去酒店, 我走了行久還未見酒店, 問人, 對方說多走150米, 我又走了很久還未到, 再問人, 對方說多走150米, 我又走了很久還未到, 再問人, 對方說多走200米, 然後我終於到了。

間房都睇到奇石, 景色好震撼, 大自然好厲害, 有種好彩有黎既感覺。

這downtown比想像中小, 沒想到旅遊重鎮規模咁細, 有點uyuni的感覺。整個城鎮的景色都一流, 被群山群石包圍, 確實值得一遊。

忽然發現我在伊斯坦堡每餐都是吃雞, 決心午餐要吃牛。吃了個陶罐盛著的燉牛肉, 陶罐被一層麵包蓋著, 像酥皮湯, 我用食酥皮湯的方法, 一野叉爆個皮, 服務員大驚, 馬上來教我正確食法, 就係將成個皮蓋揭起拎開。哦。
後來服務員免費送西瓜給我吃, 真好。

哥樂美露天博物館, 話就話距離一公里, 但路又斜又曬, 行左好耐先到。所謂博物館, 其實都係石, 不過係保存得較好, 山洞裡的教堂壁畫和廚房石檯等都還在。以前d傳教士為左逃避羅馬入侵, 匿在係度闢d山洞出黎住, 仲整埋教堂, 宗教同生活對佢地黎講應該同樣重要。

徒步愛情谷, 在goreme去博物館途中的tourist hotel旁有條小路進去, 走了一會, 在人跡罕至的山坡上見到一個church既ticket office, 入場費5里拉雖然不貴, 但個church看起來不太吸引, 沒進去, 賣飛個阿叔好似好失望, 懷疑佢全日都未發市。

其實我都唔知自己到左愛情谷未, 個d好似蘑菇或烏龜首級的石隨處可見, 但我又好似見唔到d人既熱門影相地。算, 呢d石, 宏觀睇就得。

本來打算沿著小路回downtown, 但中途走錯一段, 之後又行極都未到, 太熱太累之下放棄了, 原路行返轉頭。

其實我來土耳其前, 未食過土耳其雪糕。剛到伊斯坦堡那天吃過一次, 我一早籌備定佢耍我時我點樣耍返佢, 香港朋友說, 無論點都唔會夠佢玩。我跟店員下了單, 他就直接筆雪糕, 然後將雪糕交到我手上, 我愣愣地接過雪糕, 問香港朋友, 下? 買左喇? 冇玩我既?
我覺得佢唔玩我先至真係玩緊我。

後來在另一檔觀摩過別人被耍, 挺歡樂, 我決心一嘗被耍的滋味。
這天再吃, 有被耍了, 大喜。

Downtown冇野好行, 又熱, 結果縮左返房, 晚餐求其食西柚飲可樂算。開始食厭土耳其菜了。

來土耳其前已經知道土耳其的可樂有多款顏色包裝, 但來到後一直沒見到, 也就忘了, 今天竟見到兩名單車少女在喝紫色可樂, 衝埋去問佢地邊度買, 後來我發現幾乎間間士多超市都有。

Day 10 伊斯坦堡: 馬賽克博物館, 蘇菲亞大教堂

夜晚坐巴士去哥樂美, 日頭又冇乜地方想去, 去左藍色清真寺隔離既馬賽克博物館, 好細, 買飛又冇得找逼人畀exactly個數, 心情不佳。

在蘇菲亞教堂坐了很久, 發呆, 世界各地都有大量人對宗教好狂熱, 願意咁花心思整個咁靚既教堂。

Kebab house, 在tripadvisor排第一的餐廳, 又在這裡hea了很久, 野食幾好味, 有kebab以外的選擇, 我吃的ottoman chicken係雞肉包住菠菜芝士蘑菇既卷, 幾特別。侍應上餐時還說吃過不喜歡可以換菜, 咁好服務?唔知係咪真係會換? 食完我繼續坐係度hea, 侍應免費送茶同甜品畀我, 然後問我可唔可以幫手係tripadvisor留言, 佢仲睇實我打字... 唔怪得間野可以成為第一名, 不過係幾好味既, 服務也好。

逛了一會手信店, 睇下有冇d cheap 雞戒指買黎扮結左婚。睇唔岩。雖然真係見到有假鑽戒九蚊港幣一隻。

本來計劃行程時打算找個機會去試試土耳其浴, 但經過昨天的怪叔叔事件後, 寬衣解帶去澡堂的興致已蕩然無存。無事好幹, 於是回酒店看書。後來有個上海女孩來一起鳩坐, 她要等晚上的航班。她很樂於跟酒店職員聊天, 這是我還沒大興趣做的事, 有點羡慕她。後來老闆帶我們去街尾一間酒店的天台睇風景。

去巴士站, 我不想再逼電車, 所以call的士放縱一下, 四十幾里拉。

巴士站好多車, 但搵極搵唔到我要那架, 想放棄, 問了幾個職員才知道泊了在後面。去旅行要感恩的事特別多, 簡單如搭巴士, 都要費盡工夫才成功登車。

一上車就問兩個年輕人架車係咪去哥樂美, 他們人很好, 送了支水給我。坐附近的大媽也很好, 成日對我笑咪咪。我見她們問跟車小弟拿膠袋, 也跟著拿了一個, 然後她們不知為何爆笑起來, 大媽用動作表示這袋是嘔吐用的。我知道這是垃圾袋/嘔吐袋啊, 可是這有甚麼好笑? 不過她們後來又請我吃小餅乾, 所以剛才應該不是嘲笑我吧。

然後我扣安全帶, 她們發現我扣, 又莫名爆笑, 搞甚麼, 好像我每個動作都能讓她們樂不可支。她們應該挺喜歡我吧…

網上很多人說, 巴士會駛去一個中途站,  厄人話到站, 厄左d人落車後就sell貴價tour同埋收貴價車錢先肯車人去終點站。 雖然都是錢可以解決的問題, 但我還是有點擔心。
明早再算。

Day 9 伊斯坦堡: eminonu碼頭, 王子群島buyukada

約了昨天認識的香港朋友吃早餐, 他們今天要走了, 一個回港踏入職場, 一個去希臘。如果人可以用少些時間返工就好了, 返工真的很浪費生命, 一年裡能有一個月休假已經心滿意足。

說回那個早餐, 我們入座前, 服務員甚麼都說有, 結果他倆點了三文治, 然後服務員才拿出一個大法包說, 弄三文治的麵包沒了, 如果用這個包來弄可以嗎。雖然大家都感到無奈, 但還是是但照要。結果三文治出來的造型相當好笑, 餡料好像夾硬塞左入一個唔應該入既包裡面, 這法包根本不適合用來做三文治啊。我們都呆撚左, 因為估唔到個output咁特別, 女生還不禁面露既失望又唔撚係掛的表情, 服務員還問她是不是unhappy, 哈, 雖然如此她還是迅速將整個包吃光了。

另外, 女生點的lemon tea變成了peach tea, 我的mushroom omelette 變了cheese omelette , 明明點餐時服務員都有覆述一次, 為何結果卻不是我想像那樣...

他們說昨既晚的旋轉舞夜景船河團中伏, 音響很吵耳, 一班人坐埋一張大圓檯一齊食飯, 餸並非碟頭, 而係好似香港咁, 一大碟大家齊齊夾, 這跟團友們的期望有極大落差, 他們都以為是每個party自己一張檯仔, 點知結果好似去飲要同陌生人同檯咁, 而且有些外國人不太習慣跟其他人一起夾同一碟餸。最後明明報名個陣話活動完左會車到佢地返酒店, 點知去到旅行社就掉低佢地。不過總括而言都可接受喎。

在廣場鳩行, 他們帶我到一間便宜的手信店, 當我看見很多只需1里拉的漂亮小袋我便失心瘋了, 買來做m巾袋想必一流!

又去左佢地房hea, 目送佢地坐上開往機場的小巴後, 我沿著電車軌走, 走到了eminonu碼頭, 睇下呢個橫跨歐亞既海峽, 遠眺亞洲。

逼電車到kabatas, 坐船去王子群島。假期關係, 條船好撚多人, 企左一陣有人讓座畀我, 真好, 也幸好有位坐, 因為船程原來都成個半鐘。

王子群島有四個, 我去了最大兼最遠兼最多人去的那個buyukada。一落船, 屌, 人頭湧湧既盛況可媲美長洲, 而我在島上迷失三小時後, 覺得這個島實在冇野好睇, 首先個島賣點好似係有得坐馬車, 有樹有洋房有閒適的感覺, 可是! 也就真的只是這樣了(較特別的好像是烤魚, 因為近海)。

加上最錯是我在假期這天來, 人超多, 路本來已經窄, 再加上大量馬車在走動, 行人可走的路少得可憐, 當前面有人走得較慢或停下來拍照時, 就不得不走出一點點來爬頭。有次被推著bb車的一家大細塞著, 被逼走出了少許, 立刻就被馬車車長(定係叫車伕？)喝了, 結果他又西面, 我又無奈。雖然我沒走在行人路上是我不對。

而且也正因為如此多馬車, 整個島都瀰漫著馬味, 地上偶爾還有屎(雖然馬匹們屁股下方都有塊墊屎用的屎片, 可是有時架車太chok屎就蹦跳出來了, 我也見過車長在路邊暗角倒屎)。所以, 除非你很想坐馬車或很喜歡馬兒或很想看生猛躍動的新鮮屎, 否則可以不用來這島。

本來我來到發現唔對路, 打算坐一個鐘後的船離開, 結果唔小心踏上了環島的路, 盡是斜路, 又上又落, 行到好筋疲力竭, 都仲未返到落碼頭, 最後又走錯路, 去了海邊一個可以下水的地方。我覺得算是島上最有趣的地方, 係海邊整左條落泳池既梯畀人落去游水, 但個度又大浪, d人都唔係好游到水, 只能在岸邊浮下浮下。

在一條窄巷遇到班頑童, 偷偷在玩類似沙炮的東西, 我不知道, 走過時剛好那炮就爆了, 極響亮, 我的耳失聰了數秒, 更令我對這島沒好感了。

最後仲有件事, 就係除非體能甚佳, 否則最好打消在島上踩單車的念頭, 因為上斜位又多又長, 少d力都要落地推車。加上要跟大量遊人和馬車爭路, 踩下停下的很難風馳電掣。

說了這島那麼多壞話, 終於我要說回程的事了。在回程的船上遇到個由敍利亞來工幹的人, 人很好帶我去搵位坐, 最初我話come from hk, 他不明白, 問china? Japan?我求其答佢yes japan (驚排華不想與china扯上關係), 然後他找電話來google translate阿拉伯文變日文畀我, 可是我不懂日文, 溝通唔到後不想理他, 但他繼續鍥而不捨, 後來他問我有沒有男友, 結左婚未, 又問不明所以的怪問題, 問any problem to talk to me, do u have love, 又話我beautiful, 話i like u, 又話自己可以做我tourist guide, 佢仲拖我隻手去搵位, 我吹到頭髮亂了佢又撥我頭髮, 很驚啊。

我疑心重不知他是想厄蝦條還是真心助人, 就扮聽不懂他說甚麼, 然後趁他去找他弟時溜掉了。
很驚驚, 因為在船上, 未到站, 溜掉後還一直害怕他會找到我, 煎熬了半小時船一靠岸我就狗衝, 下船時發現其實那不是我要下船的站但我見到有地鐵, 就照樣下船換地鐵回酒店了。

我下船的地方是kadikoy, 那裡有個漂亮的海達爾帕夏火車站, 可是那時已是八點幾, 我又剛受驚只想盡快回酒店所以沒去。

打算坐電車, 入閘後發現架架車都逼滿人上不了, 乾脆不搭直接走路回去。這裡假期真的超多人。

求其在住處附近買個doner回房吃, 餐廳服務員說我beautiful, 我又驚了, 現在聽見beautiful這字就害怕, 即使你說我港女讚下都唔畀/疑心重/ 淫者自淫/ 荒謬把自己看得那麼高, 我就是驚, 尤其獨自旅行更要提高警覺, 始終安全至上。要是誤會了誰, 只好在這裡道歉, 雖然他們不會看到。

~~~~~

2023年5月13日新增

做功課要派問卷，目標六月初最少收到200份-.-

會有人做好心、做功德、做愛心幫我填嗎👀

https://www.surveycake.com/s/z7Pax

Day 8 伊斯坦堡: 藍色清真寺, 托卡比皇宮

好不容易, 等到恰著左無數次後, 終於ch3ck in同起飛, 飛兩個幾鐘去atyrau轉機, 又等過, 唉好漫長, 平機票於係咁。

排左半個鐘隊埋到counter先知未有得drop bag, 要等多一個鐘, 嗚啊, 好難過啊。

等到太陽都升起, 終於夠鐘上機。

土耳其機場排隊入境條人龍極長, 去到行李輸送帶時已見陳敏婷寂寞地躺著。

坐地鐵, 正要買八達通時有個準備離境既backpacker送左佢張八達通畀我, 入面仲有10里拉 (後來才發現10里拉已經可以搭到好多程車了), 一到埗就遇貴人, 心情很好。

在地鐵上也一直見到人讓座, 這城市的人應該還不錯吧。

先去巴士站買票, 因為這幾天適逢開齋節假期, 很多本地人出遊, 我也不期望買到, 結果竟也順利買了。

地鐵轉電車去舊城區, 電車好多人, 極逼, 但d人會讓座, 同埋玩唔識既bb, 感覺好一家親。

酒店check in後其實很想直接睡覺, 但又不想太頹廢, 決定出去行一個清真寺然後食野跟住就返歸。

點知在藍色清真寺遇到兩名不是情侶的香港男女, 排隊時他們剛好在我前面, 於是就一起玩了。唉他們一個才剛大學畢業, 一個下年先final year, 我比他們大三四歲了, 已經淪為跟人地阿哥同齡了。我的青春小鳥啊。

他倆很有趣, 雖然不是情侶但男的不停為女的拍照, 女的不停稱讚男的拍得好, 女的膠膠地, 我也很膠, 男的對住我地兩枚膠真惨, 哈。

因為有了朋友, 就不自覺一起在清真寺喧鬧了, 好像有點不敬。可是這清真寺也確實太多遊人, 一點也不清靜, 沒有寺裡應有的肅穆。

然後我們一起去了皇宮, 不是想像中的宏偉, 展品也不太多, 有點失望, 倒是庭園不錯, 休憩一流。

他們真的很愛拍照 (也或許只是我拍太少), 所以成功消磨了很多時間。

他們晚上報了名去遊船睇夜景和旋轉舞, 好似三十幾歐, 我對旋轉舞興趣不大, 所以沒一起去, 在他們的apartment旅館hea了一會便去覓食。(那apartment很不錯, 才四十歐, 位置方便, 房間又大, 而我要一個人要硬食房租。

晚餐在酒店附近吃, 份量很多, 烤雞幾好味。

Day 7 阿拉木圖: 蟻俠3d, 機場

今天已經找不到事幹了, 於是又去了戲院看電影。
蟻俠3d
本人一向冇興趣睇呢類乜乜俠, 加上俄文配音冇字幕, 所以毫無意外咁訓左, 唯一記憶係蟻俠不停縮細變大縮細變大。

睇戲前食左個高貴午餐, 鋸扒扒, 百幾蚊港紙, 質素卻很好, 在香港這價錢只能吃扒王之王的垃圾。為了看餐牌學會了兩個詞語:
Skirt steak 牛坑腩
Rump steak 牛後腿

看完蟻俠繼續沒事幹, 去cafe hea, 店裡在播迪士尼和大力水手的短篇卡通, 很好看, 小時候我經常看, 其實呢d舊式卡通真係做得好好, 唔需要對白, 單靠畫面已經交代晒要講既野, 就算呢兩套野係俄文配音我都唔撚駛驚。

然後, 去機場, 凌晨兩點九先飛, 漫長的等待。

總結我覺得阿拉木圖:
幾幽靜。
街上人少。
很多噴泉, 空地和公園。
天氣乾燥等級: 究極級。
超級熱。
地鐵站設計同用料好有智慧, 相當涼爽。
D人幾nice。
侍應好勤快, 不停過黎收碟收垃圾。
很多人有買錯胸圍戴錯bra的問題, 唔係離罩就係bra帶過緊。
又話阿拉木圖係蘋果之城盛產蘋果, 我又唔覺特別多蘋果賣, 反而見到好多蕃茄。
哈薩克不愧為世界第九大國, 土地似乎多到用唔晒, 超市常見空置貨架, 頭幾晚住既hostel房超大之餘房外亦有好大片空置空間, 係其他地方仲唔間晒做房租出去?這裡是地方太多用不著。
雖然我好似日日都搵唔到野做咁, 但其實去阿拉木圖唔係咁悶, 仲可以去埋周邊既 canyon, big almaty lake, kolsay lake, 好似係全球最大旱高山滑雪場, 不過我地懶只去了一個湖, 現在是夏天, 滑雪場又沒開, 纜車又維修, 所以先成日冇野做。

Day 6 阿拉木圖: central state museum, 睇戲

再戰central state museum, 有開門了。行到最後一個展館時個阿姐先話要ticket, 仲同坐係博物館門口條友講我地冇飛, 個款好似不齒我地逃票咁, 明明我地入黎個陣已經特登係counter徘徊都冇人理我地所以才以為不用票免費入場。其實門票也才3.2港紙。

去共和國廣場旁的商場的cafe hea。

想找間賣本土菜的餐廳吃doner但行到返酒店也找不到, 於是回酒店小休。

在酒店樓下的超市買野, 走個陣保安要check我個袋。黎過呢間野咁多次都冇試過要check, 佢又唔係我一入門口個陣check, 搞乜啊。

問了酒店職員後找到了, 吃完因為沒事幹所以去睇戲。冇乜戲揀, 岩時間既得minion同terminator, 揀了睇前者。因為講俄文唔知對白譯成點, 單睇劇情我就覺得都幾無聊, 而觀乎其他觀眾反應: 冇笑聲, 一片死寂, 仲有阿叔同細路訓著, 相信唔只我一個覺得無聊。btw個3d眼鏡幾靚, 套戲3d效果都好過晒我係香港睇過既3d戲, 係關個眼鏡事定真係套戲效果做得好?

睇完求其食左間叫 Shakespeare 既 bar, 門口寫住two beer or not two beer, that is a question. 挺有趣。

明天晚上要飛了。

Day 5 阿拉木圖: 大學, central state museum, 共和國廣場, kishlak烏茲別克餐廳, kok tobe, safran中東餐廳

行去大學望兩望, 太熱, 路過見到cafe即狗衝。小休後頂著36度高溫好不容易終於去到博物館卻發現今日休館, 沮喪, 同樣既事究竟要重覆幾多次, 昨天就發現另一博物館和spa休息(但唔知點解三間野休館時都打開門兼有職員當值, 何不直接關上大門?)

共和國廣場, 就是一條柱子。

整個早上好像一事無成, 要去吃東西紓緩下, 但搵左好耐搵唔到要去的餐廳, 後來終於找到很滾動。

哈薩克的店員真的很勤快, 食過咁多間, 間間都係一見你檯上出現用過既紙巾就會即刻埋黎收走。

本來打算坐巴士去medeo滑雪場, 但等不到巴士, 改去戲院又冇戲想睇, 於是回酒店了, 才三點幾, 極頹廢。

五點幾重新出發, 在酒店call的士去昨天因纜車站收皮而去不成的kok tobe小山丘, 車費才三十二港紙, 覺得抵屌, 點知原來司機以為我地要去山下纜車站, 唉我不是要去山下啊昨天見到纜車維修緊所以我今天才要叫車嘛。後來司機車我們上山但車資變了80港紙, 算了。

下車後發現原來仲有段路先到山頂, 一係坐shuttle一係行上去, shuttle來回廿雞港紙就殺它。然後終於正式到了kok tobe了, 很滾動, 今天終於成功去到一個地方了。

山上有一堆動物籠子算是小動物園, 當中竟有草泥馬。還有些機動遊戲, 攀石牆, 繩網陣, 餐廳, 在這裡俯瞰阿拉木圖景色不錯, 好多本地人都攜老扶幼咁黎。

下山, 原來99和95號巴士都到呢度, 一早識就不坐的士了。去Safran餐廳, lonely planet的top choice, 好味又不算太貴。

在阿拉木圖的日子感覺很漫長, 因為冇乜野好做。聽日去完博物館都諗唔到去邊好了。

Day 4 阿拉木圖: 中央公園, daredzhani格魯吉亞餐廳

早上先去移民警察局辦手續, 凡係哈薩克逗留多於五日就像去這裡蓋章, 其實好多此一舉, 入境個陣搞埋咪得囉, 又要人特登去移民警察局搞多次晒時間。好彩唔算搞好耐, 半個鐘左右。

搞完好肚餓, 食野。回旅館hea, check out, 去abay找酒店(因為想試下住其他區所以轉住處), 經過前日冇開的eco tourist travel, 是日有開, 職員好好, 印左成疊酒店資料畀我地。跟團抵過包車一倍, 跟團每人4500哈幣, 包車兩人27000。不過團只在星期六日出發。

找了住處, 諗住去坐纜車, 去到發現冇開。行去lonely planet話全城最好味咖啡個間cafedelia, 途中熱到核爆, 終於達陣坐低飲住ice coffee不想再出去。後來還是鼓起勇氣去central park。

真係好熱。central park好大, 有好多彈床, 呢個城市d人真係好鍾意彈床, 無處不在。玩左久違的碰碰車, 好鬼慢, 撞得唔夠過癮。以前d有線碰碰車好驚險, 抬頭會發現天花板好多火花, 而家d碰碰車變晒無線, 冇火花了。

言歸正傳, 玩緊碰碰車時職員係咁拎部單反黎影我地, 影足全程, 我既一顰一笑佢地影晒, 我以為佢係想撩我畀錢晒相, 點知冇, 唔知佢影黎自己j定係想貼出黎畀大家一齊j。

食d字頭的餐廳, 又名ab restaurant, tripadvisor排第二, 格魯吉亞菜, 幾好味, 感覺似羅宋湯煮三文魚。我都係鍾意食有汁有湯既濕野多過dry野, 同埋鍾意佢碟碟餸都落芫荽。

話說想買牛奶, 買左兩次都係乳酪, 好失敗, 買個奶都咁困難。

Day 3 阿拉木圖: issyk lake, turgen waterfall, 哈薩克超級聯賽

早餐冇乜選擇, 於是去了kfc, 等炸雞等了很久, 員工為表歉意, 派出經理親自將雞送到我們面前, 並免費多送一件雞, 相當有人情味。

明明約了司機十點, 結果條友十一點三先到。不過見佢終於黎到, 又揸benz, 就算了。

揸左去小商店, 俄羅斯樣的司機同導遊兩個食早餐, 每人食兩大條doner肉卷, 戰鬥民族的食量。見佢地飲駱駝乳酪, 我地又飲, 哇酸到核爆, 係普通乳酪既酸味乘一百倍, 喝不下去, 大概洋人飲廿四味都係呢種感覺。

在小商店找不到廁所, 只好找了個隱蔽角落尿, 早知上淘寶買定個立可尿, 男人柯尿真係好方便, 大爺我好妒忌。

Issyk lake, 好靚, 有九寨溝咁靚, 而且沒有商業感, 遊人都係local, 似乎得我地係外地人, d人一家大細黎嬉水燒野食, 好歡樂, 比九寨溝更有活力, 有活力得黎又冇咁喧鬧, 相當好, 值得一遊。

瀑布, 下車後要再走一公里山路才到, 有些路還要踏水而過, 我的goretex鞋大派用場。見到d俄羅斯樣的人著拖鞋/布鞋跑落山健步如飛完全唔驚跌, 好犀飛利, 果然流著戰鬥民族的血。

其實只是想看issyk lake, 但因為包車一日行程包埋去瀑布先至去, 幸好瀑布還不賴, 比想像中好。

買了瓶馬奶來試飲, 嗚啊跟駱駝乳酪一樣味道, 超級酸, 喝不下去。

回到市區, 在central stadium旁吃東西, 好奢侈, 又食牛扒。

去central stadium睇波, 哈薩克超級聯賽, kairat對kaicap, 氣氛好好, d人亦落力進攻, 好睇過當年係阿根廷睇河床, 個個求其中場搓波等完場。

去了旅館附近一間好多人既壽司店, 食左一舊三文魚壽司咁大把, 300蚊, 唔知係咪我叫錯, 舊三文魚唔係魚生, 係煙燻到熟左好似跟沙律個d咁, 好失望。

Day 2 阿拉木圖: gosti俄羅斯餐廳, panfilov park, zelyony bazar, central mosque

本來打算報團去issylk lake, 點知eric未返, 就去附近食早餐先。

Eric返黎, 報價好貴, 結果冇去, 去了circuit睇下有冇馬戲睇, 冇開。路過 魔幻世界有過山車跳樓機但冇人玩。

地鐵站好涼快。

去abay站搵旅行社, 說是市中心但也沒有特別繁華, 唔係上網查定都唔會知旅行社位於這條相當不起眼的街, 不過冇開門。走訪附近的星級酒店也沒有想要的local tour, 都係跟eric算。

去吃tripadvisor排第一的gosti俄羅斯餐廳, 裝潢好有格調, 連廁所甚雅致, 實木廁所板, 粉色牆壁, 古典燈罩。侍應們全部俄羅斯樣,  女的著到愛麗斯咁, 好靚女, 又勤快。

野食唔貴, main dish二千幾至三千, 加埋湯, 甜品, 飲品, 兩個人都係11000, 除開每人都係220港紙, 這種質素, 相當抵屌。

去旁邊的pangilov park, 裡面有個可能係世上最大既木製東正教教堂, 靚, 色彩鮮艷, 諗起莫斯科的洋蔥頭。我入左教堂先發現全部女人都包了頭, 但冇人話我。這教堂似乎是結婚和影婚紗相的勝地, 我不慎不停攝鏡, 諗住跑開一邊避鏡頭, 點知原來人地拍緊video, 影出黎應該全程見到我係側邊 sosad 。

Bazar和central mosque也是迅速走過, bazar沒想像般大型, 只是三層小商店, 主要賣衣服。清真寺女士要包頭先入得, 我裝入去見到裡面好大冇乜人, 有兩個人好有情調咁睇緊書。

又見到那些騙遊客的小把戲, 移動三個碗, 叫人賭個波係邊隻碗蓋住, 又係好多媒圍係度喪賭。呢個把戲同巴黎一撚模一撚樣。

回旅館小歇, 再去附近吃東西, 吃了馬肉扒, 味道就是肉。

Day 1 阿拉木圖

昨天八號波, 還擔心今天會delay, 結果蓮花迅速減弱, 飛機也準時起飛, 準時到達。朝早十點左右飛, 六個幾鐘到阿拉木圖。

機上鄰座深圳男子正要去土耳其玩, 一點也沒將排華放在眼內, 輕鬆道 "沒事啦, 人多的地方不去, 人少的地方也不去", 活在大陸真是不簡單, 平日生活要比排華麻煩更多吧。

在機場坐79路巴士土abay地鐵站, 坐了很久, 成個鐘。巴士開很慢, 似乎很悠閒, 有時停站很久, 但總是車門未關好就開車。
因為冇報站, 有時帶站既地方亦會有人上車, 所以都唔知應該幾時落車, 幸得熱心婦女主動相助在abay站附近下車, 哈薩克人應該也不錯吧。

地鐵站電梯好長, 防空洞style, 設計極似莫斯科。搭一個站去bay站落, 一出站便。發現哈迪斯, 馬上狗衝。十舊雞big meal餐, 2200蚊, 好味但好飽而且哈薩克物價黎講都幾貴。

Hostel係某棟樓既最高兩層, 好大, 好空曠, 地方多到冇頂駛咁, 係香港實間多幾間房出黎。間野幾好住, 又平, 叫sky hostel。

Hostel老闆eric介紹附近景點, 方向有點奇妙, 佢話東面既右邊係北 :O

在附近走走, 發現沒甚麼好逛, 公園, 零星的
餐廳, 很小的市場, 一個冇乜野的商場和超市, 但感覺到這城市的寧靜悠閒。

晚餐吃了三串串燒, 一個doner, 青蘋果汁, 加埋都只係1700, 好抵又好食, 服務還很好, 我每用完一張紙巾姐姐都走黎收, 令我有點不好意思。

大辭職日。

日子過得很快, 做左一陣廢青, 又返左一陣工, 今日就已經到左大辭職日。好快就會去完旅行, 做完廢青, 又再返工到2046, 唉。

呢份工幾特別, 冇諗過自己會做呢d。其實返短期工都唔錯, 當working holiday咁, 乜都試下。同事都好特別, nice得黎好擅長角色扮演, 一做野就上身咁on fire人格出左黎, 一收線又變返笑騎騎, 真係功力深厚。

有得見識下, 又可以逼自己面對討厭既電話, 其實一日重覆做八個鐘, 好快就麻木, 冇咁抗拒, 都係好事。

Day 6 大阪

- 去心齋橋郵局寄明信片. 日本每個郵局都有分局限定的特別版明信片, 而且不同季節還有不同款式 (上網查 "日本 限定 明信片"就能找到一大堆相關資料), 這主意真不錯, 給好友寄一張限定版明信片感覺比隨便一張普通明信片更有意義又特別. 日本人在發明俘虜人心的點子方面實在無懈可擊. 可是有一個很大的缺憾, 就是這些限定版明信片都不是方形的, 一定要將它們放入方形信封裡才能成功寄出. 我後來才知道, 所以我那張沒成功寄送, 浪費我一番心機. 可是我覺得, 普通一個遊客大概不會知道這規矩吧, 怎麼不乾脆明信片連信封咁賣呢?

- 由於那時正值年尾, 郵局還有幾款賀年印章, 以供撰寫賀年卡之用, 有文字, 也有該年生肖: 羊子, 日本人的心思真是纖細到不行, 連蓋章都有.

- 黑門市場, 好多遊客. 還有很多送貨/幹活/來買餸的單車人. 由於黑門市場路窄, 單車經過時行人要靠邊走. 我聽到有人抱怨怎麼路這麼窄還帶單車過來. 我覺得, 好像是我們這些外地人害人家不方便了, 明明人家才是主場啊, 應該是在地人抱怨我們這些人明明路很窄還擠過來才合理吧. 壽司不貴, 很好吃, 很鮮美, 特別是拖羅, 好後悔掛住慳錢冇食多D (結果臨走仲用剩好多錢-_- )