Day 88 巴黎飛威尼斯

巴黎火車站的售票機只收硬幣，今次去機場，兩人加埋19歐，邊有咁多散銀，又冇職員，信用卡又invalid（我地三張卡都invalid，又見到人地張卡都invalid，部部機都係咁），買不到票，只好直接入閘（有個位隻門冇鎖可以自出自入）。去到機場又好順利咁搵到個位唔駛票就可以出閘。

之前布宜諾斯艾利斯地鐵又係咁，總係有個位畀人自出自入，唔知係咪特登。

在機場見到很出名的macaron品牌laduree，1.85歐一粒，因為慳了19歐車費所以買兩粒試下，但我覺得同普通巴黎餅店的味道沒分別，一樣都係不是超甜幾好味。

兩小時飛到威尼斯，整個威尼斯都是橫街窄巷，走錯路，鑽了半小時才抵達酒店。也好，算初步探索了威尼斯。在這裡，根本沒辦法直線走到目的地，每條街都短短的，走廿步就要轉彎到下一條街，而且更有很多掘頭路，極易迷路，甚富挑戰性。

威尼斯挺漂亮，很有特色，河道縱橫交錯，城區只有窄小的行人路，沒有車輛，甚有古舊美，澳門的威尼斯人實在不能相提並論。

威尼斯物價比巴黎低，可是兌換率很低，一百美金只換到六十五歐。

感覺意大利人很容易西面。 去兌換店問價，問完唔換，佢就黑面。 又有次去另一間兌換店問左個價ok，但當時身上不夠錢就先回酒店，轉頭再返去，佢話頭先睇錯個價其實係冇咁高，於是我地唔兌，佢又黑面，明明佢自己做錯仲黑我面。

反而傳說中很高竇的法國人都幾nice（除了嫌我們點餐點得少的時候），西班牙人也nice。