Day 82 巴塞隆拿：la boqueria food market 市場，西班牙廣場，[sants montjuic: 美術館，奧運場館，加泰羅尼亞塔]，casa mila米拉之家，casa terrades 特拉德斯之家，casa batllo 巴特羅之家

喜歡逛不同地方的街市，這街市有很多賣糖均和朱古力的檔口，西班牙人真嗜甜。

米拉之家，特拉德斯之家，巴特羅之家都是gaudi的建築，只進了巴特羅之家，其餘兩個只是在外面看沒進場。gaudi 果然名不虛傳，間屋設計好得，屋內都是曲線，波浪，很有童話的感覺。gaudi的設計除了美觀還很實用，通風，採光全都有細心設計過，真的鬼斧神工，美觀與實用兼備，值得一去，要看過gaudi的室內設計才更能感覺到他前衛嶄新的概念。

晚餐，餐廳外負責拉客男跟我們就說可以免費多給我們一條腸，我地落單個陣都有同樓面講出面條友話free畀我地，但結果埋單條腸係要四歐，我地梗係唔就範，拉客男就幫我地同落單那位樓面和一個大粒野講，佢地三個人大庭廣眾咁討論左一陣，全程個大粒都搖頭，拉客男就鵪鶉咁，最後拉客佬死狗咁返黎，好唔好意思咁話條腸減兩歐畀我地，即係我地要畀兩歐。算啦，見佢好慘咁。畀完錢出黎，拉客男又向我地道歉，話減左個兩歐其實係佢幫我地畀左。

哇，如果屬實，佢老細真係好小家。職員之間又冇傾定點樣派優惠畀客，人地成條腸食晒先黎話要錢。我是小人，有懷疑過佢地可能係成班夾埋做戲。但據我所見，我傾向相信佢地真係冇共識，老細狗賤，拉客男個樣真係好慘，明畀人恰。

點解成日埋單都有阻滯。

全黑色的明信片，附上一句‘巴塞的晚上‘，我覺得很有型就買了。

tapas 腸和炸薯。

豆與腸，係因為百度旅遊寫有味餸叫香腸煮豆，但結果百度那款唔係呢款，呢款個豆，同開罐罐頭豆倒出黎冇分別。本來就只有一條腸，係拉客男話可以送多條畀我地，所以呢度就有兩條腸。