Day 33 波士頓：哈佛，麻省理工，唐人街

凌晨四點幾抵達波士頓，天黑黑的，但地鐵已在行駛，明明條街漆黑一片人影冇隻，唔知點解地鐵車廂好多人。

哈佛大學，紅磚牆，很典雅。麻省理工就cyber好多，但沒了哈佛那種人文氣息。

來到大學還是要做大學生會做的事：爆房訓覺，仲訓左個幾鐘。

實在太睏，在車站附近的唐人街找了間茶樓坐他兩個鐘，很頹廢。

話說美國一向有小費文化，tips 係默認會畀，但我地成日側側膊。今次埋單時部長竟然企正係度話要收小費，一直企住係度睇我翻銀包直到我多放兩元在桌上才願走，面皮真厚。後來跟舅父母說起，他們說這很正常，有些侍應還會追小費追到出門口。
不喜歡這種小費文化，點解一定要畀tips。

回到紐約，舅父母帶我們去越南餐廳，又要他們破費了，自從來了紐約，幾乎餐餐免費食好野，很安逸。美國食野真係好貴，餐價再加稅和小費，食六蚊野實際上分分鐘要畀九蚊，很誇張。

明天離開紐約了。