忽然發現自己已經冇乜台幣，經過一番精密計算後，結論還是得去兌點錢。
離開農場時阿伯給了我一袋百香果，正好可以做我的免費早餐。
十點出門，台北車站兌錢，再搭車去野柳，上車都已經十一點，去到野柳已是十二點。
還記得小學中文書其中一課是關於野柳，這情意結令我更想去看一看，當年去台灣沒時間而且友人說野柳的石像乳頭她沒興趣...好吧本來我完全不覺得那些石跟乳頭有任何一部分相似，但我實地視察過後有點認同...好像豬和狗一類動物的乳頭... 真是他媽的可悲, 我竟然覺得石長得像乳頭. 另外石也像月球表面，這說法應該比乳頭之說正常一點。
著名的女皇像沒想像中震撼，好細，而且還被圍了起來不能靠近，拍照也要排隊，真沒趣，不過有其他不用排隊的地方也能把女皇頭正面拍得好。
有些石的名字好像太刻意，甚麼菠蘿包石，粒粒石都係咁既樣嫁啦，不如我幫d石改個名叫饅頭石，奶黃包石，大把名堂大把噱頭。
兩點三返去等公車，兩點半有車回基隆，三點到基隆等左陣車去金瓜石，坐車途中落狗屎，去到金瓜石已經四點四，冇雨。
聽到有人話最遲四點半入場因為五點收，我才想起景點係會有關門時間，黎之前沒想過會有太遲到達的問題。即刻衝入去第五礦洞，是以前用的採金洞，唔錯，感覺有點像板門店的地道，可能地道都係咁上下樣，但板門店那個更窄和更陰森。
極速行完礦洞便衝入博物館，都係講金，有舊好大既金擺係度畀人摸。本來諗住黎食排骨飯 因為友人食過話唔錯而我又順路，不過我去到佢已收檔。
唯有去九份搵食，諗住食完就行山，九份隔離有條登山步道上基隆山。九份多人多到癲，逼到畀人推住行，行左一陣又冇賣排骨飯的店，因為好想快d離開多人既九份所以求其食左古早味丸，都係豬肉丸咁。呢個所謂既午餐，成五點半先食，我一個人旅行的生活真是很糟糕。
逼完一輪出返黎已經唔多想行山，加上行完可能太晏就作罷，此時正好開始天黑，順道睇下夜景，是尋晚韓妹介紹的，都唔錯，但又唔覺得勁靚。
回基隆，去夜市，這裡賣飯粉麵扒肉圓棉花冰之類要坐下吃的東西比較多，小食不算多。昨天台妹說營養三文治是很受台灣人歡迎的夜市小食，就是炸包夾生菜火腿鹵蛋，味道不錯。
水煎包，一便宜（twd10)，二未食過台灣的，三有人排隊買，反正我有空也排排看，個個都一買就買幾個，得我要一個。餡都是菜，冇乜肉，正常煎包味，以前在大陸吃過更棒的。
排骨米粉，想食排骨既慾望已被勾起，食唔到不罷休。
連吃三樣飽肚野，輕易飽肚。超級無定時無定量。
回松山，特登唔去平時個出口，試下由另一個我認為岩方向既出口出，結果錯了，但原來呢個出口係連接出名多女女去掃平衫既五分埔。好大好多舖，開到好夜，十點都未收，我冇行晒，覺得款式一般。
回旅館跟一個台灣人聊天，他是地產從業員，但是他卻不給自己找個房子，在這旅館住了一年，但他又覺得這旅館不便宜，可是他沒多談他一直住這裡的原因，好像說住慣了省得找。台北樓價好像跟香港差不多。呢位台灣人睇好多香港電影，佢講得出好多香港地方名，旺角，銅鑼灣，佢仲知九龍塘有時鐘酒店。
 |
| 野柳 |
 |
| 九份 |
 |
| 基隆廟口夜市 |
沒有留言:
張貼留言