金門大橋，有行人路可以走去對岸，半小時左右，不太久，很多人騎單車。其實我覺得條條吊橋都好似青馬大橋，都係咁上下樣。
回程坐big bus,就是開蓬觀光巴士，坐上層開蓬位好似玩緊過山車，d 風狠狠打落塊面，好凍，坐左一陣頂唔順，縮返入有車蓋的地方。
搞左咁多野先至兩三點，買樓下便宜fish n chips返房食，間野好多人，應該係窮人飯堂。好好食，但極度熱氣，係我食過最熱氣的食物之一，食左一塊半炸魚喉嚨已經發痛。
在旅館hea一會後行去韓國街，行去都幾遠。韓國街不大，日本餐廳比韓國的還要多，也有日本書店。
吃了滑蛋雞飯，太乾，有待改善。貪平食呢間，唔怪得好似冇乜客，隔離多人好多。
巴士usd2一程，憑巴士票尾可以個半鐘內免費換乘，但司機次次都唔睇，所以我每次坐車都係拎住同一張巴士票博大霧。
有次坐坐下巴士，司機忽然落車去廁所，乘客都習以為常的樣子。又幾好，香港司機點敢，實畀人狂屌，但司機急尿去柯其實好合理。
 |
| 好熱氣但好好食的fish n chips |
沒有留言:
張貼留言