Day 20 台北：印尼一條街，袖珍博物館，花園夜市，饒河夜市

離開農場，又回到鬧市，早睡早起的健肝好生活結束了。跟阿伯阿姨說再見, 唔知第日仲會唔會返黎搵阿伯呢。

坐火車途中見到有間幼稚園叫皇宮幼稚園，外形真係城堡咁款。之後見到有間店名叫上仟人髮型屋。

輕鬆去到旅館，真係幾抵住，多人間七十幾蚊港幣，近松山火車站和饒河夜市，地理位置很好，不過房間收唔到wifi，要出去交誼廳先收到。

約了台妹，先去台北火車站對開的印尼一條街，是之前在新聞見到的，不過好似假日先多舖開，我地去到得兩間有開。食印尼炒飯，唔錯，間舖入面仲有得唱k（印尼歌），仲要真係有人唱緊。

她說天仁茗茶的奶茶特別好喝, 我們在台北車站買了, 果然不錯, 特別有茶味. 下次來台灣也要喝.

搵公車站，台妹行錯路，之後仲陸續有來，哈哈。

同一號公車，一分鐘黎四架，哇，駛唔駛呀。但結果我上個班車係多人到冇位坐。

落車行去袖珍博物館，佢又行錯了，佢好依賴手機gps但佢個gps唔多準（Nokia windows phone 注意）。

博物館幾好睇，估唔到係商業大廈入面。又有個d蓋章簿賣，但真係幾好賣，低成本，係一個商機。

行去地鐵站，又行錯方向了，忍唔住取笑佢，次次條路都係二揀一但佢每次都揀錯。

花園夜市，搭左好耐捷運去到竟然冇開。
改去饒河夜市，唔錯，我幾鍾意，小食款式也多，有幾檔都擺左d龜同青蛙係度養，挺有趣。

分別的時候到了，應該會再見吧，台灣咁近香港。

與同房的韓國女孩聊天，佢普通話非常唔錯，仲識睇簡體字。佢gap year黎台灣working holiday ，在附近餐廳返工，時薪110，返10-3，幾個鐘，夜晚就係我地住既旅館返工，打工換宿，所以佢住係唔駛錢，佢星期六仲上門教韓文，時薪500，真勤力。另外有個韓國男都係呢間旅館打工換宿，但佢唔識韓文只會英文，好似話係加拿大長大。

當晚旅館好多人一齊去晒夜店，據說係有個香港人第二日就開始環島所以請大家飲酒。我唔鍾意嘈吵的地方，沒去。