Day 73 伊瓜蘇瀑布（阿根廷）

忘了跟進我的病況，其實在抵達布宜的第二三天已經大致痊癒了，病了半個月終於病完。

這天一早就check out 去機場，可是遇到一點阻滯，多去旅行看看世界，你才會知道on9真係可以無極限。

是咁的， 我們在網上book 左間雙人房，但唔知點解出黎record係no of person =1, 但冇所謂啦，真係卜左雙人房，亦畀足雙人房既錢。CHECK IN 個陣職員都知我地係兩個人，佢又照畀我地住，一直相安無事住左成個禮拜，到CHECK OUT 個陣先同我地講話我地入住人數比BOOKING 多左個人，要加錢。

那媽， 間房雙人房黎既，收錢係計間房，唔係計幾多人住嫁嘛。如果我兩個人屈蛇單人房都話ok u win, 但而家我地兩個人住雙人房都要加錢？！仲要住咁多日都唔講，CHECK OUT 先黎講（仲要中間續過一次房佢都冇講），有乜野就應該一早講清楚先，邊有得人地住完先話要收錢，你早響我知你咁煩我就唔係度住唔畀咁多錢你賺啦嘛。

個職員又唔識英文，我地同佢解釋左double room 住兩個人是完全合理的道理，佢又聽唔明，那我們唯有逃走，拋下一句we are busy we've got a flight 便奪門而出。d職員又冇追出黎wor。其實我覺得佢地係搵藉口想收我地錢，check in個陣就乜都ok，check out個陣就趁你趕時間走先黎問你要錢博你頂佢唔順又要趕飛機就畀錢了事。間房就有兩張床，唔好話畀我聽個間係單人房，而且唔通一個人就唔可以book雙人房？間酒店叫hotel americano, 位於布宜諾斯艾利斯，我們今世緣盡於此。

雖然臨走遇到不會變通的人，但我對布宜諾斯艾利斯的愛不會因為個別事件而減少。

的士 酒店去機場: 62 peso

鏡頭一轉兩個鐘後我們飛到了伊瓜蘇，我在機場廁所嘔了，沒甚麼，就是想嘔一嘔，希望這一嘔，可以順道把霉氣吐走，不要孽隨身。

因為想去完瀑布回來就乘車去巴拉圭，所以一出城立即去巴士站直衝去伊瓜蘇瀑布，我來了，讓我親身感受你的壯麗吧。

園區很大，無知的我還以為一去到就會見到瀑布。坐了兩次小火車，再走了一大段路才到瀑布頂：魔鬼咽喉。

可以的話，人生在世真的要去看一看伊瓜蘇，實在太震撼了，這瀑布是多麼大，而我竟然能與他如此靠近，他就在我面前不到幾米。站在這特大瀑布最上游，看著水不斷往下衝，就像置身幾千倍大的馬桶（抽水力超強一沖水就boooooom一聲巨響那種），不停有水沖下來，君不見黃河之水天上來！booooooom!!!水聲極大，不停的boom隆隆隆boom隆隆隆。 好個魔鬼咽喉，形容得很有意境，我這等凡夫俗子此刻卻只聯想到最強馬桶。

有沖過廁的人都知道，有時沖廁水力太猛會有水花彈出來，伊瓜蘇也不例外，水花無間斷四濺，濺得高高的，我抬頭望著數以兆計的水點從天空向我灑下來，避不了，一下接一下，照單全收。好不容易擠過人群來到欄杆邊，前方再無人阻擋我的視線，但水花不停向我奔過來，打得我渾身是水，除了水點甚麼都看不見。終於有幾秒，風停了，水花沒吹過來了，我還沒來得及細嚼眼前帶著彩虹的大瀑布，水花又來襲，魔鬼真是不合作，但正因如此他才是魔鬼啊。

壯麗和震撼就是我對伊瓜蘇的感想，有些美景，即使已經看過圖片看過影像，親身來到還是不減新鮮，伊瓜蘇就是其一，他的名字在當地土語是大水的意思，的確一如其名，超級大水。

看完魔鬼咽喉已經快要關門，趕不及去下游看瀑布的其他部分，沒關係，命運使然，看到魔鬼咽喉我已心足，而且過幾天我還會去巴西從那邊再看一次另一角度的伊瓜蘇，哈哈。

回到城裡，原來去巴拉圭的尾班車已經走了，只好在城裡住一晚，明天進軍巴拉圭。