七月九日大道是世界上最闊的街，果然很闊，過馬路過幾次先去到對面。是條很繁榮的街。
五月廣場，有座粉紅色的博物館，主題應該是關於五月革命，可是只有西班牙文看不懂。
Puerto madero 碼頭，貴價地段，工商銀行office都在此。河邊有很多不太貴的高級餐廳，還有好像是中國人開的自助餐店，似乎阿根廷的自助餐店很多都是中國人的地頭。
Florida 步行街，都幾好行，好多食店，體育用品店，又有戲院，都幾平民。整條街都是黑市兌錢的人，雖說黑市，但他們看起來大都只是普通市民，有些是附近的商戶，會帶你去他的店裡兌錢，也有些直接就地在自己銀包裡拎錢出來跟你兌，也有些會帶你上樓係某間乜都冇既房度鎖埋門秘密同你兌（其實兌個陣都驚驚地，佢門都鎖埋wor，不過前面都有人兌緊錢，應該冇事掛）。我三樣都試過，因為同佢地兌，匯率好好多，官方係1：6，同佢地兌可以兌到起碼1：9，有些還高達1：9.8，咁兌法d錢見駛好多。
後來得知人們肯以這麼好的匯率跟我們兌美金, 是因為阿根廷PESO與美金脫了勾, 他們想要多點美金保值,
來到阿根廷是應該看場足球賽的，感受下群眾的熱情。行左好耐先搵到河床體育館，但周圍封晒路，埋極都埋唔到去體育館門口，踢場波都封晒路，真係好大陣仗。
終於搵到入口，但搵唔到邊度買飛，係附近流連左一陣，終於有賣黃牛飛既人埋黎兜搭，二百蚊一張飛，又唔貴wor，官方售價好似成五百的。
六點先開波，d 人四點已經入場，好神心。細個睇電視，見阿根廷聯賽d觀眾係狂dum野落球場，個場d垃圾係多到冇理由仲踢到波。而家冇呢支歌仔唱了，我入場時要畀女保安摸身，佢仲dum左我支水，場內飲品都只可用發泡膠杯裝。不過d人仲係會掉d紙落球場。
個場都唔full，畢竟呢場只係普通聯賽，但氣氛都好好，d 人著晒波衫，又有人打鑼打鼓，成班人一齊唱歌。不過露天場真係好撚曬好撚曬，曬到在場的男士們除晒上衣，曬到我就黎張不開眼看球賽，曬到我對本已曬壞了的手出水泡。球迷要有排除萬難既決心先至會坐係呢度支持自己心愛的球隊，我尊敬佢地。
但係河床呢隊波真係好廢。個波搓極都唔過半場，仲成日後傳畀龍門，連開角球都開返去自己半場，我爭d以為波其實係咪要咁樣踢。但係河床又好符碌咁開場冇耐就入左一球，全場開心到企晒起身。但係呢場波實在太悶，兩隊都毫無進攻意慾，河床個款直情係想帶住一球拖到完場，連在場球迷都忍唔住向主隊喝倒采。
半場打成一比一，睇個勢河床都唔似會贏，我驚如果河床輸波d人會暴動，加上場波悶出鳥來，所以我地都係走先。事後查返，河床輸一比三，屌，主場都輸。以前河床是阿根廷勁旅，而家淪落至聯賽十六七位（全個聯賽先得廿隊定廿一隊），情何以堪，但都仲有咁多長情球迷支持，都可謂得天獨厚。
去河床附近的中國城。次次中國城都係市中心既，唯獨布宜既中國城咁鬼遠。
中國城都幾多食肆同超市，在超市買了久違了的綠茶和菊花茶，然後去中菜館吃飯：串燒，水餃，蕃茄蛋湯，水煮魚。嗯，都係最鍾意食中菜，無論外國野幾好食，我都唔會想餐餐食啊，只有中菜我是餐餐吃都不會厭。人在外還是山長水遠來吃中菜，真犯賤。去得太耐旅行，好想返香港啊，好犯賤好犯賤。
病好了很多，布宜果然是個好地方。
 |
| 河床雪條 |
沒有留言:
張貼留言