此情此刻，鼓動真我，鄰家怪嚇，少女

此情此刻

雖然劇情老套，卡士又唔吸引，copy又娘("是他是她，也是你和我。"，真係好娘)，但好睇喎，睇得出係個用心既小品。

特意係有特色天橋同地方既拍：銅鑼灣轉轉轉天橋，志明與春嬌既偉業街天橋，赤柱。

呢個年代，無可避免要探討社會現象，呢次講既係收樓重建，物非人非，留得到幾多？就影相凝住美好一刻。係好老掉牙，但真摯，冇浮誇造作，有時唔駛一定要好華麗好美輪美奐，有感情有感覺最重要。

能夠係戲院聽沙龍，非常好。

最近睇創世紀，發現葉佩雯做戲有少少進步。

其實我鍾意陳靜，個嘴好有趣。

呢套係值得支持既港產片。



鼓動真我

朝早一學完鼓就帶埋碌棍去睇，特別有感覺。

低成本製作，一樣做到劇力萬鈞既效果，情緒完全進入電影。

後段估唔到劇情會點，捉摸唔到藝術家既思維。

魔鬼教練黎講，我諗起安西老師。

打400拍隻手究竟要有幾快？

好睇但我一向好驚人手指流血，好驚慌，驚慄片黎。



鄰家怪嚇

幾驚。
驚，但又覺佢搵戲黎做，間屋咁唔對路，仲行入去，咁戇鳩。又拖慢黎做，後面我有d唔耐煩想佢快d完。

雖然真係幾估唔到佢想點，特別既，但逐個行入屋真係太戇鳩，不過氣氛都營造得幾好睇。

竹內結子老了。

老婆極戇鳩，睇到心都煩，個鄰居咁撚奇怪仲同佢來往，避之則吉啦屌，唯有解釋做佢好寂寞有人讚佢整野好食就鬆毛鬆翼囉。



少女

好睇，一貫的湊佳苗，社會批判+少女情誼+因果。

少女既心思細密好令人感動，好遺憾我係個粗枝大葉既愚鈍人。

好鍾意看似不相干最後發現一切都環環相扣既格局, 我鍾意呢味野, 例如解憂雜貨店。

兩個女主都靚。

抬頭吧黑暗過會是晨曦。