Day 2 深圳去吉隆坡：亞羅街，新峰肉骨茶

如家酒店好貼心，有免費車去機場(0430，0530，0630，0730)

去機場食面點王。好耐冇食過面點王，令人懷念。不過機場面點王比平時貴又少d選擇。

深圳機場wifi幾快。

尚算準時起飛。

1530左右到吉隆坡。

搭機場快線由晴天搭到變落狗屎再停埋雨，似乎呢度各區天氣好唔同

Monorail 轉彎時架車側得好勁，有過山車feel。

吉隆坡馬路好難過，車速唔快甚至幾慢下，但車龍源源不絕無間斷，唔知可以乜時間踏出第一步。

酒店房係apartment ，仲免費upgrade 一，超級大，兩間房，三個廁所，仲有洗衣機，巧開心

窗外美景, 有墳場

亞羅街夜市：黃亞華燒雞翼幾好味，未食前以為係蜜汁燒，結果係類似豉油加蜜汁，好似rm3一隻全翼，好平。燒魔鬼魚，肉質較厚實，紋理一條條，皮幾脆，但我覺得，也就是魚嘛，rm30，鹹柑桔好味。

街邊蔗汁椰汁唔算好人工甜，好味

新峰肉骨茶，就是有點鹹有點藥材味有點排骨的湯，唔太熱，唔覺得呢間特別好味。Feeling 失望。

想係酒店附近搵超市，行左好耐無功而返。頭先見到咁大間房咁正個廚房，仲雄心壯志話要買好多野返去食返去煮。