(手動貼堂)
你分化你係鬼勇武休息冷靜停一停等埋2026特首選舉先又有五毛對家好緊張唔投票益建制唔投票有咩做和理非上場用選舉證明民意俾全世界等埋人權法請認清大局理大同學撐住等埋特首選舉唔好衝動衝動就會輸我地就快贏區選會大炒建制你睇又有分化撚建制好心急知道就快輸了香港人加油香港人復仇五大訴求決一不可我要真普選星期日要投票黃之峰有PLAN B今次選舉係最後防線好公平公正記得唔好著黑衫唔好戴口罩唔好俾藉口對家拉你坐48會無得投票忍一忍先呢3年唔好示威唔好令自己無得投票唔好激嬲政府可能會取消選舉咁就會俾建制贏哂
2019年11月24日 星期日
2019年11月21日 星期四
唔啱聽系列:蘋果垃撚圾 黃媒做藍野
蘋果先係篤灰爆poly逃生路線,繼而今日a1列出被告全名單。
逃生路線單嘢已下架唔駛搵,所以現存睇到既蘋果報導都同其他媒體講法差唔多。
列出被告名單畀梁振英笑了。
驚被自殺被消失?呢份係正式提堂名單,提堂已經進入正式法律程序,與純被捕人士不同,雖然名單係公開,但有冇需要整理左擺係a1?而且一向好多被告離開法庭時係遮面,群眾亦自發開遮幫手擋。
六月衝立法會個陣,梁繼平露面發言,人人爭相叫del片,又話hkfp係鬼,但同今次事態唔同,梁繼平係自願上鏡預左畀人知,反而今次蘋果顯然篤灰仲有人攬?
雖然其實一向法庭新聞都會寫埋被告個名,但最大問題係平日以黃媒自居,關鍵時刻做藍野,出賣支持者。唔持平都算了,蘋果不嬲都明刀明槍話你聽佢係唔持平嫁啦,不嬲傾向示威者,難道又會今日突然想持平?傳媒求真相,係,但都要考慮揭露真相會否帶來更大的傷害。蘋果日報,所謂既民主大報,報導既野帶黎乜野後果?一個傳媒咁樣做,比起帛金kol更仆街更無恥
仲有蘋果係有份呼籲人去支援去守poly,然後係人逃走既時候直播你公開你?胡定欣冇撚野呀.jpg
(以上由我whatsapp對話貼返出黎,懶得打完整文,總之大意係咁)
2019年10月27日 星期日
Day 3: 金刀比羅宮
第三天
住hostel有個好處,鬧鐘一響就要馬上彈起身唔能夠嘈到其他人,所以無法賴床。
每次自己去日本都勤力到得人驚,又唔食飯(或冇時間食),又勁早起身。
早餐:seven新發賣的握壽司,日本米真是超棒棒
七半到琴平,一出站就有大鳥居迎接。清靜閒適的小鎮。
「金刀比羅宮位在以烏龍麵聞名全日本的香川縣。它最遠近馳名的特色是「1368級階梯」,更使他被稱為「最難被參拜的神社」。」算是行山吧。
雖然很早,沿路商店很多都未開,但已有人在下山。
100yen租了竹杖,回味竹杖的感覺。
有感時間緊迫,不斷向前衝,遇人過人,35分鐘便到了本宮,呵呵。藍天也出來了。
向最高的奧社前進,半個鐘後到了,好快,我今日應該有時間食飯了。
夏天來的話一定很熱。幸好明智地帶上了竹杖,輕鬆很多。
快到頂時迎面而來幾個下山的叔伯,阿叔意味深長地對我笑一笑,我才發現他們是剛開始上山時被我爬過頭。最後竟然遲過佢哋,太失威了。一定是因為我在本宮晃了十分鐘之故!
我覺得稻荷大社的參拜道好似更長。
有很多寫著「光復香港」、「香港人加油」的繪馬,香港人真係無處不在。繪馬大部分被打上了交叉或畫到花晒,掛繪馬個木架上亦有簡體字寫住「中國強盛」。首先「香港人加油」明明好中性,無分藍黃;第二,亦最重要,屌你老味你想許願咪自己課金買一塊繪馬黎寫囉,五百yen都唔肯畀,痴撚線,仲要直接畫花埋人地掛繪馬個木架,神明唔會保祐呢啲冇規冇矩嘅人。
有很多寫著「光復香港」、「香港人加油」的繪馬,香港人真係無處不在。繪馬大部分被打上了交叉或畫到花晒,掛繪馬個木架上亦有簡體字寫住「中國強盛」。首先「香港人加油」明明好中性,無分藍黃;第二,亦最重要,屌你老味你想許願咪自己課金買一塊繪馬黎寫囉,五百yen都唔肯畀,痴撚線,仲要直接畫花埋人地掛繪馬個木架,神明唔會保祐呢啲冇規冇矩嘅人。
下山還竹杖時老闆娘以為我要借,點知原來我已經行完還得。
烏冬店旁的商店「岩座」在賣藍染手機殼(蔣之介商店出品),一見鍾情,價錢唔好提(後來發現其實賣得比官網還要平)。還有三段式變化,三個pattern都大愛,真是夢寐以求的款式啊。
這款還只賣剩iphone 7,真好彩。要不是店家將手機殼擺了在店外我就不會看到也未必會逛這店,簡直是命中注定的相逢。
還屌了塊藍染洗面梘(藍色工房出品),也是後來才發現賣得比官網平一截。
不想花時間找吃的,岩座旁的烏冬店大嬸在努力招客,所以食了。天婦羅即炸,而且竟然有雞蛋天婦羅。棒棒der!
從琴電站去jr站,網上說要走十五分鐘?怎麼可能,望都望到啦咁近,結果只行了三分鐘就到。
時間很充裕,1130到了。坐低食下薯條,日本啲薯條位真係靚,望住仿歐式建築的jr琴平站,陽光柔和,超級藍天,舒心。
巴士去機場經過大片田野鄉郊,各種美麗綠色,還見到「讚歧富士」飯野山。讓路過的我心情舒暢,謝謝住在鄉郊的人。
通常離開日本時天氣都好得很,像是精神奕奕地歡送我,歡迎我下次回來。thanks
機場family mart目擊一男子將架上全部四件蛋治掃光光。
完!好耐未試過完成成個trip嘅遊記不爛尾!本來只想打幾個point輕輕記錄下,結果打了這麼多,哈哈哈!
機場family mart目擊一男子將架上全部四件蛋治掃光光。
完!好耐未試過完成成個trip嘅遊記不爛尾!本來只想打幾個point輕輕記錄下,結果打了這麼多,哈哈哈!
Day 2 豐島、小豆島
第二天
早餐:wyman表示令人不能自拔的Family mart蛋治。我第一次食,確係幾好,香滑。
八半便早早出門的一天。本來打算小豆島一日遊,為了感受一下《第八日的蟬》和《為了n》,但鑑於某程度上認同友人對高松的感想,而他又力推豐島同時力踩小豆島,所以臨時改行程,先去豐島再(堅持)去小豆島。又話說,我係前幾日見朋友去,先知呢期有瀨戶內藝術祭,仲要原來係三年一度,我真走運。不過本來就算冇藝術祭我都(堅持)會去小豆島,嘻嘻。
高松去豐島的船不多,及早出門先去看高松港旁的高松城和玉藻公園,原來高松城一早冇咗,得返石躉。
怕客滿上不到船而早早去到港口,結果載客量幾十人的小船都坐不滿。
天陰,瀨戶內海灰色,海不常藍。想起年初去濟州牛島,海也是灰色。上ig碌一碌,都是加filter變藍的海,這樣好嗎?
十一點已到豐島美術館,派籌竟已派到1245,原來真的應該預約。
餐廳也全都full booking,有間頹飯但不想吃,沒料到島上連便利店也沒有(我沒見到,小豆島也是),應該買定family mart啲嘢黎食。
路過一藝術品但沒進去,是一眼望晒那種很小的房間,藝術我又不懂。
去了徒步20分鐘山路距離的藝術品,名叫「竊竊私語的森林」,原來是深山裡掛了一堆風鈴叮叮噹噹那樣。感想:⋯⋯
行20分鐘山,完全遠離其他景點是為了這個?其實風鈴聲又不是不美妙,都有feel嘅,大概是想先要你行廿分鐘勞其筋骨然後累了之際就聽到這精靈的聲音吧。但我心裡期待更強的彩蛋。藝術真是⋯
開始構思以後行山掛個風鈴喺袋。
午餐:蕃薯雪糕
豐島美術館,因為我事前完全冇search呢個館係咩黎毫無概念就去左,所以入到去好驚喜。雖然網上圖片很多但我不穿橋了。
有令我諗起清真寺,都係好舒服嘅放空地方。然後覺得日本人平時好繃緊好慘,要特登起個建築出黎先有機會放空,伊朗啲人唔需要美術館,已經日日都過住呢種do nothing嘅生活,係公園就地訓覺同野餐。
小豆島
雖然友人對小豆島作出嚴重指控:藝術祭啲藝術品好散,交通配套好差,很出名但配不上,雷聲大雨點小,好少去日本會嬲,但今舖堅失望。
不過我還是要親自去去。本來我還想在小豆島住一晚欣賞星空,但看到價錢後我就很廢地卜返住高松算。又,本來打算去寒霞溪行山,但花了半天在豐島所以不去了。
港口旁的手信店很好買。
小豆島沒想像中荒蕪,人口似乎不少,是個安靜的小鎮。
果然很不遊客向,要穿過住宅區才到景點但沿途沒甚麼指引,人影也沒有。要是沒有gps我一定會以為行錯。
見到名為「天神神社」和「放哉紀念館」的地方,相信是可逛的景點,結果原來都是墳場。
地圖寫到「迷路之町」好多野食咁,但幾乎全部午休。放棄午餐了。
本來打算潮退時份才去天使之路,但唔食嘢的話Hea唔到咁耐,小豆島又真無冇乜野做,還不如早點完成行程回高松。本來打算去高見山,不去了。
比預定時間早到很多,一個人出門總是會這樣。天使之路仍未露出海面,但遇上夕陽,也不錯。
小豆島作為無甚目的隨處閒逛的地方其實不壞,也沒有想像中荒蕪,島上產業和公司也不少(豐島就真係荒蕪喇)。但如果想去超出徒步距離的地方就真的太不便,我行咗咁耐都冇乜見過巴士經過。不難想像年輕島民對大城市的嚮往。
回到高松,連鎖烏龍麵店-めりけんや(Merikenya),吃名物讚歧烏冬,幾煙韌,想要湯烏冬點錯了撈烏冬,用生雞蛋撈幾有趣(後來才知道應該加埋醬油落去撈)。天婦羅很普通。
趕在八點收舖前衝入loft和tiger,沒有斬獲。反而遠遠望見loft旁的扭蛋機時,突然想起同事幾個月前想要的chucky扭蛋,走近一看竟然真的有。很奇妙,之前一直都有看扭蛋但沒想起同事也沒見到chucky,一想起就找到了,之後也再沒遇到chucky了。
今天還是想吃烤肉,但今次呢間pikopiko精肉店係自己燒,燒來燒去都覺得不完美,上網查晒點燒燒幾多秒都唔係我心中嘅效果。下次都係搵返師傅燒埋嗰啲烤肉好了。不過都係好食嘅,件牛就是靚,糟蹋唔到。店內可食薯,可惜忘了買。
想再挑戰骨付鳥,去了「蘭丸」,雖然店是1am收,但十點半去到已經完售。改去天下一品,令人懷念的味道。
日本好似已經冇蜜瓜薯賣,遍尋不獲。
回hostel梳洗執袋後研究明日行程,原來金刀比羅宮上山要兩個鐘?琴平去機場的巴士兩個鐘一班?我三點登機,咁我咪要五半起身,六點出門,七點開始上山,九點開始落山,預鬆啲食飯亂逛蕩失路時間,一定要搭上1220的巴士?
呢一刻已經係凌晨一點半。
Day 1: 栗林公園、瓦町
Day 1 栗林公園,瓦町
因為預計到今年的假會早早用光,但又想散心,所以早於五月已經買了十月去高松三日。結果時機真對,這局勢下真的需要離開抖抖。
一直無心去查究竟有乜景點,只記得健吾話多好野食,但我連食乜都冇查。
機場搭無人駕駛時狀態只是「預備登機」,去到閘口竟然已經得返地勤在叫final call。
我又唔記得帶筆。
帶了原田舞葉《歡迎回來,旅人》,很適合在路上看,原田舞葉一直有描寫人物太片面的問題,這本算比較有血有肉,雖然劇情很狗血兼肉麻,但我覺得是她暫時最好睇的作品,還看到傷風。
歡迎回來,日本。
得三日時間緊迫,前一日諗咗第一日行程,一下機就迅速柯尿洗屎忽(很重要這是回到日本的儀式),馬上搭巴士,售票員找錢給我時溫柔地輕托我手背,可惜我洗完手是濕的,我自己都覺得好嘔心,希望他不要留下陰影。
去栗林公園,四點半(好彩唔係四點)最後入場,我四點零四分到。
超少人,因為下著不小的雨。回想過往我一個人去日本園林經常都是下雨,不知是因為日本本來就多雨,或是因為我堅持下雨都照去。
要小心泥濘的關係沒法好好賞,而且下雨天灰灰的景色大打折扣。大雨關係只挑了西區(因為大啲),選對了邊,看到我想看的風景,我就是為了飛來峰的景色而來栗林公園。
芙蓉峰景色也好,呢個峰因為樣似富士山而命名,不過我站在峰上其實就睇唔到山的形狀。飛來峰亦是為模仿富士山而建,太多翻版富士山令人納悶,明明他們都是正版的自己。
Hostel就在商店街旁,設施又新風筒是dyson,日本而家啲床位Hostel咁正嘅,仲正過當年啲太空倉。
「夢路」烤肉店吃名物橄欖牛,師傅烤很棒棒,巧巧味牙。
另一名物骨付鳥,第一名那間「一鶴」排隊排到出馬路,唔食住。
商店街亂逛,雖然條街好長,長到我冇行晒,但明明只是八點幾很多店已經關門,人流稀少好冷清。
友人剛去完高松話其實都幾悶,果然所言非虛。
八點半回去骨付鳥,不用排長龍了,等十分鐘入座,一個人也是坐四人枱。骨付鳥其實就係燒雞髀,有分斬左(母雞)同冇斬(雛雞),斬左好似日式啲但因為我驚太大隻好飽,所以揀左唔斬。結果發現母雞與雛雞大小好似冇分別。後來上網睇啲人話斬左會好韌,想肉嫩多汁就揀唔斬,好彩。
係好食嘅,塊皮好香口,肉醃得好味,但太貴成1000 yen,雞髀在香港又不是罕見東西。「骨付鳥在華人圈看來可能沒什麼特別的。可是日本女性在1950年代前,都沒有機會在外用餐時拿起雞腿大啃特啃。丸龜市有居酒屋老板在荷里活電影中看到女星豪放地啃雞腿的模樣,便執意在日本推廣,創作了先煎後烤、風味十足的骨付鳥,成為了丸龜市知名的B級平民美食。」
2019年10月12日 星期六
Kay isn’t me
謝安琪演唱會
好好睇喎,主題:被誤解
1,同一般演唱會最唔同係冇chit chat,冇乜所謂啦,我係黎聽歌。歌單好有心機,概念統一。今晚live水準不錯
2,冇chir chat齋唱歌所以個騷咪短啲囉,其實都唱左23首歌(fyi鄭秀文演唱會24首)
3,一見到隊band就令我萌起,12個中小提琴,4個大提琴,1支(睇唔到單定雙)簧管,1長笛,1小號,1伸縮號,2套鼓etc
4,成日都影管弦樂個邊,如果影多啲鼓個邊就更好
5,juno的歌變了謝安琪style仲好過原版,睇下謝安琪cover都幾好
6,山頂位音響果然很大聲,但個人喜好覺得啲鼓聲震到入心好正。歌聲冇被蓋過,係有幾句對白聽得唔係好清楚但其實無阻整體理解,而且全場對白都係得好少咋嘛
7,又話好多人去廁所,我又唔覺,同平時差唔多
8,你們的幸福全場自動波開閃光燈
9,謝安琪唱到獨家村哭了🤧仲深深鞠躬
10,完場 全場離開時不斷叫光復香港時代革命,有鐳射筆格劍,一直叫到場外都仲叫緊
11,我的香煙借給你抽兩天,圓滿
2019年9月17日 星期二
Day 10 比斯比克
4/8/2019
對吉爾吉斯的第一個感覺,是這邊的人比較靚仔。第二感覺是, 他們好撚蠢。在機場買sim卡,靚仔職員不知為甚麼搞了很久, 他拿著v的passport 入資料入撚左好耐, 然後問我地邊度人係咪chinese定korean, 我地話British ,其實passport 咪寫左,如果佢睇唔明passport可以早d直接問我地, 佢似乎唔識點入british,我地話uk、england、 Manchester united,佢都唔明,早知一早話korean算, 我地而家再講korean佢又唔理我地, 誓要入到British,駛乜咁執著姐,張卡係咪都咁用嫁啦。 總之搞左好耐。
酒店房夠大,正,好好hea。
作為中亞最歐化的城市,這邊的街和建築果然歐式,綠樹林蔭, 像歐洲小城。天氣還是熱,但路人比烏茲別克多少少(只係少少), 都叫有活力左。
重投大商場懷抱真是感恩,馬上吃了kfc,令人感動的味道啊。 居然還在mango(當地類似h&m的牌子)屌到了牛仔褸, 只售hkd119。
慢慢行返酒店,周圍都係修葺過好colourful的花圃, 到處都可以是港女打卡勝地。經過一個遊樂場, 冇人會喺玩機動遊戲時尖叫或發出聲響,全部人靜音模式, 果然擁有戰鬥民族的基因。
吃在超市買的韓國杯麵,hkd10左右跟香港seven差不多, 又是令人懷念的味道。
Papa john旅行時見得多,第一次食,pizza幾好,雞翼有雪味。
中亞人都幾鍾意食壽司,好多壽司店(卷物為主)。
Day 9 希瓦, 烏爾根奇
3/8/2019
今天天空有雲,真漂亮,更涼快了。
在古城的最後一天才買博物館票去參觀, 大部分都是清真寺外觀的建築內放了一些展品, 感覺似乎是近年為發展旅遊業而做的,有qr code說明,閘機也新,不過其實我只想看建築。
在餐廳天台午餐,吃到中途竟然下雨, 侍應幫忙搬我們的餸菜去樓下,但飲品遲遲沒搬過來,回天台一看, 他們已在收拾其他吉檯的餐具,完全無視我們桌上的茶和酒, 真奇怪,不可能沒看到那大茶壺和還有大半杯的啤酒吧? 莫非以為我們喝完了? 見到我走上天台他們又很殷勤幫我搬飲品去樓下, 雖然他們很nice,而且手腳從未停止工作, 但真的不知道他們腦袋是怎樣運作,也不明白他們在瞎忙甚麼( 餐廳根本冇乜客)。
去Urgench逛了一下,市集規模很大很local, 原來這國家是有椰菜和其他蔬菜賣的,為甚麼沒見過相關菜式?
本來打算逛商場打發時間,但原來商場只是華強北/ 羅湖商業城的模樣。結果很早去了機場在cafe hea。離開烏茲別克了,雖然一直聞說這裡很很靚, 而且是雙重內陸國,無奈今次太熱,嚴重影響感受,不過真係靚嘅, 好幾個清真寺比伊朗更宏大壯觀,確實值得一遊。
先飛去塔什干轉機,真麻煩。然後終於來到行程的第二個國家— 吉爾吉斯。
Day 8 希瓦
2/8/2019
氣溫居然只有30度,太感動了,khiva果然是個好地方。 古城外走走,坐上很山寨的摩天輪, 雖然不太高但極簡約車廂加上風嘯嘯,轉到上頂時居然有一點淆底。 10som似乎是任玩,負責人都沒意思要趕我們下來, 但我們因為淆底所以玩一個圈便走了。
回城內坐在大街旁的tea house飲茶,又有風又有陰間真舒服,看人來人往,風景真好, 悠哉得不真實。又出現平行時空的感覺。
去城外火車站附近逛逛,沙塵滾滾,都時地盤, 一兩年後再來大概已是另一番面貌。
又回到城內,買了真handmade 磁石,檔主埋頭在畫,不太理我,我靜靜地慢慢揀買邊塊, 唔會chur住晒,唔會望到實,最好既消費模式就係咁。
本來打算日落時份(8pm)去天台餐廳晚餐, 但v嚷著肚餓早了出來,結果太陽還如日中天,天台熱到不能坐。 次次都係佢肚餓壞事。食物送上檯才發現竟然走清新輕盈風,好食。
今天仇老爺爺大結局,我也剛好追到最後三集, 不用等就馬上可以追完。好睇,睇得出劇本係用心寫,好多野想講, 好多(我睇得明嘅)八九十後網民/時事in joke,有點像看較長的YouTube片,輕鬆唔沉重, 容易的起心肝追看。 雖然曾經親眼目擊游學修謝票時當眾打喊露不但沒用手遮掩沒表現尷 尬沒一絲抱歉還邊打邊r嘴角,令我內心受到極大衝擊, 但仇老爺爺確實是個好作品,年紀輕輕就得到自編自導自演的機會, 還有很多超大卡士,真不得了。
Day 7 希瓦
1/8/2019
坐五個半鐘火車去希瓦,頭等是四人包廂,幾好坐。 同廂是一男一女意大利人,他們也知道香港的事。
今次又有酒店司機接送,爽歪歪。開車幾分鐘便見到好有氣勢的古城 城牆,我們住在古城內,酒店又靚又大。
城內逛逛,只是一分鐘我就知道自己喜歡這裡, 終於遇上喜歡的地方了,之前一直只感到熱熱熱, 沒有很喜歡的感覺,一度懷疑自己個人壞左,原來只是未遇上。
雖然布哈拉也是古城,但希瓦更加古樸,即使到處仍不停興土木( 大概是因為年初國家才開放旅遊,現正發展中), 新建的建築大都沿用泥土色的物料,酒店外觀要麼平實如泥屋, 要麼精緻像清真寺,完美融入古城,維持古城的風貌統一, 要不是有小招牌標示,根本分不清是餐廳/酒店/博物館。
城內仍有不少民居,滲透日常生活的氣息,街上會見到嬉戲的小孩、 洗地毯的母子、圍埋一齊做木工的少年、 將床鋪大剌剌擺在路中央睡覺的人,即使到處都是工藝品檔攤, 商業味也不濃,擺攤的人不會死chur,不太叫賣, 遊客駐足觀看也未必有人理。
這裡藍色磚塊較少,城市主色就是泥土色, 加上經常沙塵滾滾風塵僕僕,實在很有感覺。
呢度啲單車係靚野黎,隨便一個街童架車都係碟剎,握把還裝了牛角。
呢度啲單車係靚野黎,隨便一個街童架車都係碟剎,握把還裝了牛角。
買生果,店娘隨手拎起個桃,掰開請我地食, 見我地望住哈蜜瓜又切兩塊請我地食。 買左幾粒生果都只係盛惠幾蚊。
感覺很棒棒,能在這裡待三日兩夜真正確。
Day 6 布哈拉
31/7/2019
早上坐酒店的車去火車站,跳錶(佢自己部手機)只係13蚊, 早兩日黎個陣搭的士開價40。
火車車程個半鐘,今次到埗有民宿接送,唔駛畀人開天殺價。
民宿開業僅一年好新淨,正正子。坐落於清真寺旁, 轉個彎就到個隻,好高大的清真寺突然就出現在眼前, 心裡叫了一聲哇,驚喜。
午餐,羊肉串粒肥膏係香得黎燶邊入口即溶個種, aryan乳酪鹹鹹地太頂肚飲唔到好多。明明呢餐食得唔係好多, 但又飽了,似乎開始失去食慾。
布哈拉同之前兩城一樣都係39度,但體感熱好多, 可能因為呢度冇乜樹?我今日對熱有新體會,與其話係熱, 㷫應該更精準,感受到地面既熱氣慢慢由下而上爬升, 好似畀人擺左落鑊咁。個人冇乜汗,雖然熱但並無好想除衫, 而係想搵塊布笠住自己,與陽光隔絕。
呢個trip搽左我一年份量既防曬,個頭都曬到痛痛地, 百密一疏搽漏左耳仔,甩皮了。
而家對規模細d既清真寺已經看不上眼,公園的樹樹冠好細,好曬, 都冇人既。上左個觀光塔,然後返酒店,頂唔順了, 條街冇人係有原因。
五點九再出動結果仲係好熱,行超市,食左個好食既doner, 爆汁。
晚餐食乜冇所謂,最緊要有冷氣。
再逛清真寺,晚上情侶約會勝地,每晚在千年古蹟約會真有意思。
早兩日開始追《仇老爺爺》,一口氣睇左好多集,劇本有心思, 好多in jokes,莫名地多大卡士,好睇。
Day 5 撒馬爾罕
30/7/2019
行去第一任總統之墓,途中經過巴扎,小販太熱情叫賣, 我最害怕這種,趕緊走過,我只想冇人理地逛逛。
共產國家總喜歡讓人瞻仰領導人遺容, 不過通常都要排隊兜幾個圈又check袋好大陣仗咁, 呢度個棺木就放在路邊,突然毫無預警就睇左,不過也就只有棺木, 都冇條屍既。
貴族皇陵,特別藍的建築,美,是ig打卡勝地。 最入面的殿內有人在頌經。還未遇到一個喜愛程度、 冥想指數超越伊朗伊斯法罕星期五清真寺的清真寺。
未夠十一點,是日行程就完了。食阿塞拜疆菜,又是龐大華麗的店、 總共兩檯客。餸菜像土耳其,係好食既。
在路邊攤買左杯唔知乜當地汽水,係藥水味,好難受, 飲左幾啖就頂唔順。渾身都好難受。
行了一個鐘,返到酒店,我決定唔到傍晚都唔會再出街,熱撚死。 v竟然三點在酒店外的公園跑步半個鐘,太可怕了,這是人類嗎?
晚餐是old city restaurant,應該是幾日以來最多客的餐廳, 計埋我地竟然有五檯客。係好食既。
飯後散步,遇上美麗的東正教堂和孔子廣場,這裡竟然也有孔子, 真不得了。不過興建的人應該不會中文,繁簡字混雜。
是日步行15公里。
下一站布哈拉。
Day 4 撒馬爾罕
29/7/2019
坐火車去撒馬爾罕,三個鐘,我應該訓左兩個半鐘。 火車站坐的士去酒店,司機叫價40,大豪客v沒還價。 不過司機駕駛技術超卓,冇倒後鏡但完美倒車( 話說烏茲別克人泊車技術麻麻,但好似好鍾意倒車, 係畀重油倒足成條街咁遠個種)
覓食,有間餐廳門口掛住kfc牌,我地以為係kfc, 原來只係一間有炸雞賣既店( 烏茲別克既menu上kfc就等於炸雞)。 店員面對唔識俄文既我地,方寸大亂,然後有個年輕店員走埋黎, 深呼吸好認真咁講:konichiwa。 結果我一句hello又打亂左佢陣腳搞到佢好慌張。哈哈。
炸雞好好食,肉質竟然係爽口但好嚼,炸漿也剛剛好,好香, 完全同(全盛時期)kfc係兩回事不過亦好好食。
撒馬爾罕是古城,我以為會似摩洛哥馬拉喀什,點知呢度都好新, 不過確實比塔什干有古老味。
頂著暴烈的太陽步行前往市內最大景點神學院,熱死, 熱氣由地面沿著雙腳上升,頭頂又無遮無掩,好難受。 發現樹蔭真係好重要,只要企係樹蔭下即刻舒服好多, 未必有風但真係突然陰涼左兩度。
由一個樹蔭走去另一樹蔭,終於去到神學院,真係好大好宏偉。啊。 面對咁珍貴既建築我應該感到震撼並且仔細欣賞, 但我個腦已經熱到迷糊,例行公事地影相和逛逛。同樣地, 一個個穹頂內都是手信店,馬賽克瓷器瓷磚餐具地氈絲巾都好靚, 我明明鍾意買磚,但呢一刻突然唔想買,覺得買左返去都唔知擺邊, 去年摩洛哥買的東西還在膠袋裡。呃, 希望我呢一刻既理性唔會成為日後既懊悔吧,呵呵。 然後見到好靚既磁石,模仿清真寺牆上的圖案,藍色,木製, 品質還不錯,點知叫價45, 仲係檔攤前擺左幾支畫筆係度聲稱係handmade,親, 這顯然不是handmade啦,扮晒野。唔買。
V行前面,我在後面慢慢影相,一落單就有當地鬼仔求合照, 見佢幾靚仔就影下,點知佢捉到好緊,下次唔影。 此時一個滿口金牙既肥大叔見到我地合照,於是又想影埋一份, 我覺得如果同鬼仔影唔同佢影好似好衰,於是影左, 然後佢再叫埋妻女黎一齊再影。之後見阿肥叔逢外國人都影, 有個鬼佬畀佢摸到怕,肥叔放過鬼佬後發現了v,求合照慘食檸檬。
發覺烏茲別克人最常見既工作係剪草同淋草, 淋草係淋到花圃變左水稻田咁。
前進去下一景點帖木兒之墓,途中入cafe涼冷氣回血。 烏茲別克的可樂總是超有汽,d汽強到頂親心口。
墓係靚但規模不及神學院,審美疲勞了。這邊一樣有「 handmade」 磁石賣但只售20而且也沒自稱handmade,屌了, 唔屌磚屌個磁石開心下囉。
四點半回酒店避暑,叔叔不行了。五點再出來,很多餐廳沒開門( 或者未開門?),最後吃了俄國菜,等左好耐,上菜都係法國速度。 呢度d餐廳經常都超大間華麗裝潢但係得一兩檯客, 作為客人係愜意既。
超市,有個年輕職員觀察左我好耐, 然後調整呼吸chok聲講anyong hasaeyo,哈哈
酒店外就是公園,夜晚好適合散步,好多當地人踩單車、談情、 聊天,仲有好多人睇書,個樣似溫書,咁黑都睇到書,真勤力。
是日步行15公里。
Day 3 塔什干
28/7/2019
早餐想食pie republic ,點知星期日係晏啲先開。先去隔離食少少野,等夠鐘再返去。
Pie republic 真係幾好食,竟然有抹茶latte,而且好飲,唔會太奶, 又有綠茶澀味。
清真寺,好大,好新,新到令人疑惑如何將一個古蹟保養得這麼好, 卻又不同於大陸那種廉價仿古品,這裡仍有古雅氣息, 同時有種一塵不染的感覺。其中一座入面變左賣紀念品( 後來發覺當地好多清真寺都係咁)。紀念品算靚。
參觀清真寺,入內只需戴頭巾,著短褲都得。 展品係公元七世紀既可蘭經,仲有好多其他可蘭經。 公元七世紀個本保存得幾好,再次令我思疑究竟係咪真係咁古老。
行去巴扎,本以為位於一座建築物內(像伊斯坦堡),原來是露天, 而且不是賣遊客向的東西,大部分是賣無牌子的廉價衫褲鞋襪、 日常用品,像花園街女人街,連尿片和m巾都擺出來賣, 前者還可以一塊塊單買。
搭地鐵,昨天沒看到美得驚豔的車站,今天再挑戰, 有一個我覺得幾靚,天花板是仿清真寺穹頂, 但來不及拍下車門便關了。車廂沒冷氣但關了窗,自來風非常涼爽, 感覺身很棒,如果香港地鐵都開窗,會不會也有這個效果?
午餐的店就在地鐵站對面,真是感恩,大救贖, 每個能夠避開炎熱的地方都是我的好歸宿。 這家tripadvisor的高排名店,原來是法國菜, 上菜速度與法國看齊,因此在餐廳坐了很久。 超厚超大份的牛扒只是hkd80左右, 這份量在香港要賣2xx了,80蚊花園餐廳都食唔到。 兔子肉很嫩,好食。呢間餐廳好味。其實這餐吃了很少( 牛扒主要是v食我只食了兩啖),但唔知點解好飽, 可能又飲湯又飲茶飲飽左。真健康。
塔什干一過正午,太陽就猛烈到不行,曬到頭皮發麻, 人類不適宜出門。這裡沒有商場,無法hea住避暑, 只有很多龐大而看不出是住宅或是甚麼用途的建築,商店很少, 士多和餐廳不多見,如果不事先search定餐廳地址, 恐怕行一個鐘都搵唔到野食。然而在這樣的荒漠世界, v竟然成功消費,在lee買了tee,在打半價, 130hkd一件很便宜,可惜我沒興趣。 他還在另一間店買了七十蚊的褲,質量不錯。 其實從沒見過當地人穿這些牌子貨,店裡也總是冇客, 但每間店都很多店員(仲幾靚女)而且有冷氣,不知店有沒有盈利。
終於行到帖木兒博物館,是冷氣啊。話說,烏茲別克雖然熱, 但室內地方大多還是會開涼快的冷氣,有些地方(例如柬埔寨、 摩洛哥)熱到hihi都只用微弱風扇, 坐到我條褲濕晒大髀啜住張凳。真慶幸烏茲別克不是這樣, 人愈大愈討厭熱天, 也或許是因爲知道捱了熱後也沒有甚麼精彩事物在等候我, 捱熱也變得沒意義。
帖木兒博物館有兩層,不算很大,沒甚麼展品,很空曠。 展品也不是甚麼有價值的東西,要麼是傳世數量多到唔恨的小器皿, 要麼是解說用途的模型。沒甚麼特別。
回酒店歇一歇,看看新聞,看撚狗片段, 身在外地感覺好像在平行時空。以前讀過一本講伊拉克圖書館的書, 我驚訝地發現在keep住打仗的地方,人民一樣如常生活, 會買餸會返學會去圖書館借書,就是偶然交通因混亂受阻, 或是誰人不幸受傷或死亡,生活還是得繼續, 消化了眼前狀況後就能接受這樣的日常。 沒想過有天我會將香港拿來跟戰亂國類比。
吃了幾餐當地食物,想換口味吃comfort food,點了六件件壽司,大約10hkd一件,味道似爭鮮, ok la,就可惜ebi sushi原來是熟蝦而非生蝦。想當年去哈薩克, 為慳錢只叫了一件三文魚壽司,如今奢華度是600%的增長。 牛油果壽司卷意外地好吃,中華沙律也不錯, 韓式冷麵則變了當地style的蕃茄湯底和拉麵。 另外menu好難睇,那些英文都是日文韓文的拼音。
明早離開這個中亞最大城市(咦原來這樣已是最大嗎)。
是日步行12.5公里。
Day 2 塔什干
27/7/2019
雙重內陸國成就解鎖
又乾又熱的天氣,又大又冇人的地方,重拾當年去哈薩克的感覺, 烏茲別克街道跟哈薩克沒兩樣。
一大早就一直走,街上除了我們幾乎沒有人, 大佬38度誰會在街上走呢?太陽直射頭頂,地面反射陽光, 還感受到熱氣從地上血起,刺眼到眼睛很累,又乾澀, 但沒有流太多汗,大概像沙漠沒雨下的原理。
終於走到清真寺,好大好新好靚,但冇乜人,不熱鬧。好熱, 冇心情細賞。
熱到舉步維艱,再走了很久終於到電視塔。 可能是全城最高的建築物,這裡最不缺就是土地, 一般建築根本用不著起太高。
平民地道的抓飯,好吃又便宜,才廿幾港幣。
用yandex打車,好平,而且極速有車,幾蚊港紙, 不一會又將我們載回今早起步的大街。 cafe休息完慢慢行去applied art museum ,上網睇到好多人話靚,點知行到去又裝修緊不開放, 不負摸門釘kol之名。
打車去獨立廣場,又係裝修,喔。沒有太失望, 因為個腦除左熱字之外都唔係好諗到野。
搭地鐵,聽講地鐵站好靚,我想像係莫斯科咁靚。 加上今年初烏茲別克開放,發展旅遊業,地鐵站也容許拍照了, 令我有期待。點知個站唔開燈,幽暗,唔係好驚豔, 空曠感同設計似哈薩克地鐵站但人地仲新仲靚。 坐左幾個站都唔覺得烏茲別克地鐵站靚到做景點級別, 某d站係幾靚既。
返酒店休息,再去東正教堂,入到去見有當地女士冇戴頭巾, 我冇戴又冇人話我,咁應該唔駛戴, 不過出返黎見有人係手袋拎條頭巾出黎戴好先入去。 似乎烏茲別克唔係太嚴格。
食tripadvisor排名第一既店afsona, 好食又抵屌,大大盤kebab都係110港幣, 最驚豔竟然係粒肥肉,烤到個邊有焦香,入口即融,好撚好食, 仲震驚過d瘦肉。
同場有個講英文男食客係咁纏住女店員唔知講乜,似乎係個煩膠。
步行街有地攤同表演,好熱鬧,有燈飾,d人又打乒乓波又踩單車, 好健康,可能係全城最熱鬧既時候。呢度d人單車技術幾好,d車( 應該係租既)個款係靚野,唔係大圍既鳩流貨色。
是日步行22.3公里。
Day 1 塔什干
26/7/2019
事隔四年,搭乘同一班機飛往阿拉木圖,離開一下紛亂的地方, 去別人活膩了的地方。
事隔四年,搭乘同一班機飛往阿拉木圖,離開一下紛亂的地方,
朝早九點幾上機,轉兩次機,夜晚十點幾(香港時間一點幾) 終於到塔什干。air astana 幾好坐,睇左小飛象真人版、袁詠儀吳鎮宇主演既《家和萬事驚》, 成套戲都家嘈屋閉,最尾完得好突然,而且黑色幽默效果不佳。
阿斯塔納機場(國際個邊)禁區內有capsule hotel,下次可以一戰。
訂閱:
文章 (Atom)