- 試完車, 排隊準備考. 我排第二. 排第一既同學考緊了, 我推前D架車擺係起點位置, 由於我冇學過46, 冇人教過我倒車, 再加上我愚鈍, 所以盡左力架車都係擺得好衰, 歪晒, 此時發哥竟然出聲教我擺車, 叫我軚盤扭右然後先倒車. 哇原來車係咁樣倒, 真係岩岩先知... 發哥見我終於擺返正架車後就走左. 多謝發哥!
- 第一位考生, 瘦小的中佬, 有點驚青, 不慎左腳著地, 噢, 可能不合格了, 見到前人衰左, 我更驚惶, 下個仆街既可能係我! 中佬考完, 輪到我了, 嗚啊, 媽啊, 好想瀨屎啊. 掉那媽頂硬上, 風嘯嘯兮易水寒, 壯士一去兮不復還, 死就死啦嗚啊!
- 左右望, 確定一波, 開車, 順利停車. 慢慢放極力子, 再開車, 左轉, 上二波, 屌, 窒窒地, 扮冇事, 繼續揸... 右圈平穩過渡... 最後一圈, 進入直路, 扭到油門超級大爆上22km (肯定過22k... 我畀左好重油...), 衝過感應器, 達標! 即刻收油剎車, 如果唔係就要撞水馬 (因為真係畀左好重油). 剎車啦! 喝! 仆街又剎得太柒, 死撚左火. 衰收尾啊唔好啊. 唉死左火都冇辦法. 我扮冇事, 落車, 推車離場, 考試完成.
- 要等全部人考完先走得, 我同發哥同埋中佬一齊係場邊睇第三位考生黎送死. 第三位考生係女同學, 兜完右圈後停車時死左火, 左腳都落埋地. 仲要搞左好耐都撻唔返著架車, 好似我早兩日練車個陣咁. MOLAMOLA, 佢應該玩完了.
- 五個人都考晒, 一齊返房等成續. 我第一時間向V報KAI音. 雖然本來都預左可能炒, 但個刻都係好sad. 炒撚緊啦, 死左火喎. 接過黃紙成績單, 咦, 合格喎, 喔喔喔喔喔, 合格啊竟然! unbelievable! 雖然幾乎每一項都剔左輕微錯誤, 手掣使用不當, 腳掣使用不當, 油門控制不當, 離合器控制不當, 軚盤控制不當... 但係合格啊!!! 哈哈哈哈哈哈!
- 開心向V報喜, 佢係咁叫我問其他人成績. 下唔好啦, 如果人地炒左咁好尷尬喎. 雖然結果我都問左. 死左火好耐既女同學都PASS左, 佢都覺得好驚喜好難以置信好匪夷所思. 似乎呢位考官好鬆手, 有失誤都PASS到, 於是我問中佬掂唔掂, 佢扭頭過黎, 望住我, 竟眼泛淚光, 勉強講出一句"唔得啦..." 後, 淚開始滴落黎! 啊對對對唔住啊... 仆街喇我整喊人, 真係該死.
- 路試排期, 排到去七個月之後... 等咁耐... 本身想由棍波轉做自動波, 強制試都PASS得咁勉強, 我出到街應該舞唔掂棍波. 但係原來轉自動波要畀多$1550, 職員話因為我冇揸過自動波, 所以要上返個3個鐘既銜接課程. 下, 我識揸棍波, 點會唔識揸自動波啊, 就算上堂都唔駛三個鐘咁多啦... 唉好麻煩, 千五蚊都唔野少, 我再考慮下轉唔轉先... 不過PASS左老強總算過左一關, 可喜可賀. 同女同學交換電話, 相約遲D路試一齊出街. 女同學同肥過電單車既衛蘭同名...
- 下一次揸車, 又係幾個月後既事了.
FB/IG: 台灣留學爺/爺去的不是旅行是江湖
https://www.facebook.com/yeahtraveltw
https://www.facebook.com/yeahtraveltw
考車回憶錄:
2. 強制試
考車blog:
1. 轉自動波?
2. 每天都要練車。
3. 今天很乖有練車。
感謝你的分享！ 柒頭我又有勇氣返去練車同炒車
回覆刪除