- trailer很吸引, 事先張揚說結局會180度逆轉, 而且還會令人想看兩次
- 係幾好睇, 大量八十年代日本金曲潮物，歌好聽
- 我廢，我大概估到阿邊個有野，但就黎結局先完全估到係乜一回事。一齊睇既v表示佢晨早已經估到，巴屎閉。
- 其實諗返轉頭蛛絲馬跡真係多，我冇v頭腦咁清醒，對數字同時間咁敏感。
- 但個結局弱左d，件事唔夠震撼，不過都真係愛的成人式，經一事蔡一智。
- 比起小說，用畫面交待呢個故事更有難度，好易有穿崩位。
- 其實結尾都回顧左大量hints，都唔駛再入場睇多次了吧。
- 前田敦子最近拍既耐齣戲我都睇左(但唔係為左睇佢)，同佢算有緣吧。
- takkun takkun takkun~
秒速五厘米+星之聲
- 今次應該係第三或第四次睇
- 我好少翻炒，秒5例外，難得戲院重映，一定要十卜十卜
- 依然唏噓的同時也覺得青春離自己好遠了
- one more time one more chance 真係太match
- 雖然睇過秒5幾次，但星之聲係第一次專心睇晒。科幻野唔夠寫實既秒5咁有共鳴。叫個中學生去揸戰機，諗起eva。
踏血尋梅
- 雖然我話過唔鍾意真人真事電影拎人地既傷痛黎賺錢，不過呢套我又真係想睇... 我係個知行不合一有口話人冇口話自己懶高竇企道德高地既賤人。
- 春夏做得幾好
- 金燕玲好好睇，
郭富城同佢講香港失蹤人口個幕, 金燕玲由黑面到眼泛淚光到爆喊係一個shot直落。仲有問譚耀文有冇煙, 然後邊抽泣邊食煙都係一shot過。唔知佢ng過幾多次，但非專業既我覺得ng得愈多愈難拍到神韻。眼淚都喊乾左，拍鬼拍馬咩。
- 佳梅屋企個櫃貼左當年蘋果日報送既叮噹28歲生日既貼紙，簡直經典，當年蘋果接連送左幾款叮噹贈品，又白板又貼紙咁，個陣西九龍中心仲搞左叮噹生日會，我都係台上其中一枚豆釘。但我上網搵極都搵唔到叮噹28歲生日既資料，當年蘋果送左咁多野，我竟然連一幅網上圖片都搵唔到。
本人家裡角落的叮噹28贈品
- 兇手真人同白只好似樣
- 殺佳梅個段有點過長
- 原來男友係李逸朗，我淨係知有佢, 但睇完都唔知邊個係
- 我覺得神童開唔錯， 佢係哪一天個夢遺達，仲有那夜凌晨姦屍個mk boy
- gag位(煙剷警花講fb)唔得，老土，夾硬吱你笑咁
- 抬頭望望這天空，這人生可輕易嗎
當碧咸遇上奧雲+是誰打破了
- 有日無聊手痕，上百老匯個網睇有乜野bc Sunday ，竟然畀我見到當碧咸遇上奧雲！ 我心情好激動，好想大叫出黎，但個陣返緊工！
- 話說中學個陣有次睇 u+已經好想睇當碧咸遇上奧雲 (但我唔記得當時點解會想睇了), 但場次又少好似仲已經落埋，中學個陣我又好少會去戲院睇戲，結果冇睇。呢齣2004年既作品而家竟然再播！仲要畀我發現到！命中注定啊嗚啊！好興奮，個刻真係好想兜口兜面同人分享呢份喜悅！但個陣返緊工！但個陣返緊工！但個陣返緊工！
- 再認真睇多兩眼個簡介，啊原來導演係黃修平！現在紅了啊嗚啊！我簡直獨具慧眼啊佢未紅我已經睇中佢！嗚啊！好想大叫啊！
- 我覺得好睇過狂舞派同哪一天，感情真摰d，對白冇咁做作。
- 有鄧萃雯，苗僑偉，顧紀筠，米雪，仲有尹志強！嗚啊！
- 有句感覺良好抽楊利偉水，當年我都好鍾意玩感覺良好呢句野。唉，已經好多年前了，人生。
- 鄧萃雯戲中有提到街市買活雞既價錢，佢好似呻緊貴(我唔記得了，好似係掛)，我唔記得佢話幾錢但個價低過而家非常多。
- 最尾竟然變左hehe，咁峰迴路轉既。心裡面"吓"左一聲。
- 影後分享會有黃修平同兩位長大左既主角。黃修平揹住書包，衣著簡單平實，個look完全係我心中導演既形象。兩位主角長左同款冷衫，唔知係咪突登貫徹hehe既感覺。
- 畫質好差，原來十一年前既畫面質素係咁？定係其他原因？上網見有人話睇vcd，畫質都好差。
- 睇得出拍得好用心，笑位都多，但內容零碎鬆散，可能代表青春就係咁東一忽西一忽掛，不過我鍾意呢個題材，所以都係覺得幾好睇。
- 播當碧遇上奧雲之前，播左鮮浪潮短片《是誰打破了》，好睇，個死肥仔好好肉地，好想搣佢。雖然佢冇乜表情咁讀對白，但又竟然冇違和感。
- gem當年既yes card都出埋 (係咪導演私人珍藏？)，四張卡拼埋做一幅大相個隻，死肥仔你真識食，姐姐我睇見當年未劣化既gem又好興奮。好睇。Trailer link：
http://www.freshwave.hk/?a=doc&id=80
沒有留言:
張貼留言