馬來西亞熱辣辣熱辣辣好熱好熱

- 對於這五日四夜的馬來西亞遊, 我沒太多深刻的印象, 老老實實還覺得有點悶, 當中一大原因, 是太熱了, 熱得甚麼都提不起勁, hp值也跌到接近0.


- 基本上沒去甚麼歷史或宗教景點, 吉隆坡的獨立廣場, 火車站, 中央市場那邊沒去, 粉紅清真寺也沒去. 本來想去的, 但在36度猛烈驕陽下, 無論我本來如何雄心壯志, 一踏出酒店大門也馬上鳩縮. 結果都是在大街小巷晃晃, 吃點東西, 在商場歎冷氣.

車站名都有冠名贊助

每去一個東南亞國家都會買隻象，加埋手信，都可以組成家族了

- 吃本來也是此行一大目標, 可是食物沒想像中那麼超~好味到要翻兜的感覺 (也是好吃, 但冇想像中咁好吃), 而且也是因為太熱, 熱到沒甚麼胃口, 有天頹廢到連晚餐都沒吃.


- 不過吉隆坡的冷氣點其實算多, 那年在柬埔寨, 又係咁熱, 但全部舖連風扇都弱弱的, 相較起來吉隆坡和檳城的商場冷氣算好涼好涼了, 路經商場時可以感受到從h&m噴出的冷風.(話說發現馬來西亞和香港的h&m都很喜歡霸佔商場最外圍的舖位, 想入商場得先走進h&m. 雖然係商業策略, 不過員工好慘, 地板特別多塵, 下雨天仲慘, 水漬斑斑)

有個叫lee min ho(我估係李敏鎬掛)既人出席商場function ，搞到咁多人追星

- 檳城的人很親切友善. 我們站在牛干冬街的新冠華雞飯店前看地圖時, 老闆主動來幫忙, 還介紹了好些食店和景點. (但是他沒有介紹同一條街那間著名的雞飯店, 我是小人, 心裡猜度佢係咪因為自己也是賣雞飯, 所以不介紹別家的... 可是我真的很多謝他啊. 老闆, 謝謝啊)

牛干冬街 新冠華海南雞飯 (source: google map街景截圖)

- 然後是檳城姓氏橋巴士站旁的單車店老闆, 人超好, 我沒租車只吃了個椰青, 他也噓寒問暖, 我飲完椰青水他還給我將椰青劈開遞上小匙讓我挖椰肉吃, 吃完他還著我們不用急著走再坐一下也沒相干.

- 檳城酒店職員和的士司機也很樂於聊天, 兩次坐的士, 司機都很好聊, 會主動介紹沿途風光景點
.

- 除了壁畫, 還有marking george town的鍛鐵漫畫, 感覺到檳城是個用心的小城. 加上隨處可見的繁體字招牌, 老舖, 講廣東話的華人, 洋溢舊香港的風情. 可是還是太熱, 熱到冇心機和興致在街上閒晃了. 可是不在街上晃又沒甚麼好做, 結果覺得有點無聊. 如果不是太熱, 我會更喜歡這裡.

柱後面班人其實圍住個羊欄，裡頭有幾隻活生生既羊。商場入面竟然有羊。

林黛都有，嗚啊

- 在吉隆坡的日子我也同樣覺得無聊, 就是商場林立, HEA下食下. 但由於太熱, 好難hea.

戇鳩仔, 攬住成車餅過世, 成個毒撚咁

睇下, 人地車緊兩條女喇爽歪歪

四白眼, 撞邪咁樣

- 馬來西亞好多電單車, 九成棍波, 司機八成係男人. 但明明成日都塞車, 用棍波都幾麻煩. 唔知點解唔興自動波, 可能貴d?

呢架車型棍子

- 雖然馬路總係源源不絕有車駛過黎, 馬路有d難過, 但佢地車速都算慢, 又好禮讓, 就算鳩衝出去過馬路佢地都會讓你, 唔會響安. 即使沿路邊行, 但行得太出, 搞到d車過唔到, 都唔會響安, 只係慢駛直至個行人發現自己阻住條路而彈開, 如果條友好唔sensitive一直唔知自己阻住, d車真係keep住慢駛都唔會咇鳩佢. 真係好有耐性.

如果大雄住檳城，一定成日跌落坑渠。呢度周圍都係大坑渠，好容易就會行得太出阻到d車

- 檳城機場搭巴士出downtown時路經駕駛學院, 見到d學神就諗起當日既自己, 無限感慨.


- 馬來西亞咁熱但不論男女都好少人著短褲. 或著係宗教問題? 著短褲個D又真係多數都係華人喎.


- 馬來西亞都幾多女人包頭, 而且會著成SET罩袍, 好似仲嚴格過伊朗. 仲有全身黑色包淨對眼既女人, 伊朗甚少會見到, 但馬來西亞間中會見到, 或者係唔同派別既關係.


- 呢度物價幾低，港幣八蚊十蚊都有個海南雞飯。反正酒店不貴，我地都住豪d，晚晚住靚野，其中有兩晚仲住超級靚野，八百幾蚊晚雙人apartment ，check in時親切的男職員仲免費upgrade 左四人間畀我地，簡直物超所值。打開門個下wow左出黎，個單位有三個廁所兩間房，破左我旅行住過最大房既紀錄，真係好想係度長住。

連衣機都有，洗左兩晚衫，巧方便唷，唔駛手洗好感動

有微波爐仲有焗爐

廁所1號

廁所2號

遙望雙子塔及墳場美景。其實有興趣參觀墳場，但後來冇左回事

Tvb劇無處不在

- 這類幾天即食東南亞旅行似乎不太適合我, 14年的印尼之旅, 15年的秦國之旅, 乃至今次, 都沒能讓我留下深刻印象, 感受不多. 但這也不代表我不會翻炒馬來西亞, 我重臨那天應該就是登神山之時了. 我覺得終有一天我會去的.


- 感受到以往的旅行經歷真有帶來看不見的成果，希望經驗值能令我成為一個更好的人，但也得注意別太離地。


- 如果說旅行是修行, 又或是練習, 那我的修行還未夠. 太熱會躁底. 所以今後我還要多多修行, 加倍練習. YEAH.