仆街了儲左25齣戲未寫，遠遠追唔上睇戲既速度，得閒睇唔得閒寫，毫無寫作紀律可言。
十年，謎情追兇secret in their eyes，爆漫，天空之蜂：核爆8小時，Party 無限耆，Carol，選戰偽術師，About time，單身又如何，焦點追擊Spotlight，丹麥女孩，ROOM，身後戀事，荷李活黑名單，暗色天堂，選老坐，銀河街道搞搞搞，樹大招風，Zootopia，齊齊整整我們仨，初纏戀后的2人世界，小兄弟尋雞記，少年滋味，新宿天鵝，烈火戰車
十年
1月1日睇，那時還不知道此戲引起很大迴響，只是對劇情有興趣就去看，結果意料之外的多人，只買到第一行的位。我還以為是因為一月一日，大家身痕想看戲乜戲都殺所以才全院滿座。
老實說這戲其實不算很好看，所謂對十年後的想像，其實很多已經發生ed，發生ing，戲只是循那路向再發大再誇張化，但對於少看新聞的人來說應該新鮮。但十年確有其價值，價值大到值得領金像獎。
敬重台前幕後，朋友說是時勢使電影人不得不以政治為題材，拍了十年，以後他們的路可能會很難行。
謎情追兇secret in their eyes
nicole kidman, julia roberts
報仇其實係囚禁緊自己，法律唔能夠讓所有罪有應得既人得到懲罰。
爆漫
因為是我喜歡(而且少數有追完)的漫畫，電影版不得不捧場。
又係染谷將太。
高木幾似高木，真城就爭D，爭D唔緊要，我接受，始終二次元同三次元好難一致，但係美保完全唔似美保，我唔接受。
完全唔覺得小松菜奈有一忽似美保，樣又唔似兼且唔靚，氣質又唔似，對眼又冇神采，佢仲要出名眼神死，美保根本唔撚係咁撚樣，好撚嬲。求其整個齊陰長髮著校服就當係扮緊美保，COSPLAYER高質好多倍。離譜。嬲既主因係佢真係太唔靚，靚女我會冇咁嬲。
仲有劇情改撚到美保變左凡夫俗子，冇晒仙氣，向現實低頭，屌，咁樣黎崩壞我個美保，過分。
睇字幕見到超英雄傳說個英文名係BAKUMAN。啊，原來爆漫有這個含意嗎。這是我看這戲的唯一得著。
天空之蜂：核爆8小時
由東野圭吾小說改編，捧捧場。
好多不合理既情節，但又拍得幾好睇。寧要不通，莫要平庸，果然係金科玉律。
中學時我都背過摩斯密碼，而家淨係記得點樣打SOS同埋DIU... 睇完戲想背返。
Party 無限耆
放下身段意淫到盡的羅拔迪尼路，WOW~
好笑，作為一個CHEAP人我鍾意CHEAP野，嘻嘻。
Carol
rooney mara好靚，眼神識講野，暗暗發誓有佢既戲都盡量去睇。
但套戲其實有點悶，不過畫面很唯美。又，同事對此戲相當不滿，他看過原著小說，小說是以Therese的視覺出發，電影則偏重了Carol (大概是因為演carol的是cate blanchett吧，尊卑有別，人家要爭奧斯卡)，而且小說情節沒電影般順利。
選戰偽術師
講玻利維亞總統大選。想起早兩年講智利公投的"向政府說不"。
戲在LA PAZ拍，見返那些我去過的地方，好懷念。仲有印加人，南美口音的spanish，真係令人懷念。
About time
VERY GOOD! 100分!
有意思，有歡樂，有趣味，有靚女，有感動
有愛情，有父子情
咁正正子既一齣戲，明珠930播個陣我叫家人睇啦，佢地話冇乜特別，普通...
都係入戲院睇好好多，專心
單身又如何
那天地面濕，冇得考車，又要再排期，好撚煩，我灰鳩，於是去看喜劇。
都唔錯，輕輕鬆鬆。
焦點追擊Spotlight
唔算特別好睇，人物仲多到令我有D混亂，但佢有價值，值得拎奧斯卡最佳電影，十年拎金像獎都係同一原理。
傳媒人睇應該好感慨，成立一個小組長時間追查一單新聞，老細又支持，仲要唔係一搵到料就出街，係搵齊料先一次過出街鋤死教廷。香港想做篇專題都難，而家要做即時新聞了。
丹麥女孩
真係應該拎最佳男主角。
Room
有點失望，或者該說與期望不符，看了TRAILER以為會集中講逃出後如何走出陰霾，結果齣戲講左成個鐘先逃出到，逃出後著墨不足。可是雖然明知會成功逃出，但還是睇到好緊張。
雖說女主角為了拍這戲花了很多心機，又同個細路相對左好耐，又住左係個間房一段時間，但我覺得她還是不夠那細路耀眼。
總結，戲冇bonus畀突我，冇驚喜，穩打穩紮。
身後戀事
好悶，睇到想走，不停有D過左生既靈體出場，其實講黎講去都係想帶出move on既訊息，劇情也拜託move on一點吧。
另外諗起藉著雨點說愛你。
仲有坐隔離個對男女，以為用道氣講野就冇人聽到？以為唔會嘈到人？傻西瓜。
荷李活黑名單
好睇，感動，真人真事改編，一個編劇因政治問題被封殺，但係佢邊度跌低邊度起返身，繼續匿名/頂爛市寫劇本，無論情節幾鳩流佢都偏要寫到好好睇，終於拎埋奧斯卡，黑名單名存實亡。
用支筆黎抗爭，真係令我好感動。
暗色天堂
林嘉欣冇得輸。
如果熟聖經會更好睇。
驚覺自己好open，覺得林嘉欣畀人嘴一啖咁小事都要告人，但明明如果不情願被嘴都係非禮。
選老坐
我堅持齣戲叫選老坐。坐館坐館坐館。
戲幾有意思，值得睇。
本土諷刺味濃，而且好淺白，畀港豬睇
王宗堯戲唔得，洪卓立好肉地，姜皓文我鍾意。
可是要逃出困境還是得投靠事頭婆嗎？
銀河街道搞搞搞
唔係我杯茶，唔明有乜好笑。
綾瀨遙食野個樣係正既。
樹大招風
同我期待既好唔同，有意思，但唔係人人受。不過觀乎坊間評論，電影人普遍給好評。
又有姜皓文，wow。
就讓一切隨風。
Zootopia
好睇，幾有意思
黃子華好襯個角色
睇戲時，隔離位條濕鳩仔以為細細聲就嘈唔到人，係咁同條女講野。我霍地站起來，啤他，然後坐過兩格。豪華戲院大撚把位唔知點解佢要痴住我坐，屌。
我反思點解世上有咁多摟屌男有拖拍，應該係男人不摟屌女人不愛，摟屌的男士就是有女，真吹脹。
腥港巧多呢挺冇公德既人
早兩日向西有個post講飛機上面瘋狂哭泣既細路，竟然極多人留言屌返向西轉頭。痴閪線的，我強烈反對劣質人類繁殖，簡直劣幣驅逐良幣，我終於明白點解形勢惡劣叫做弊傢伙
因為劣幣係幣傢伙。
齊齊整整我們仨
第一次睇電影節，本來仲有幾齣戲都想睇，但買晒又好頻能，晚晚睇睇完又夜歸第二日又要返工唔夠訓又冇精神睇下一齣戲，加上大部分戲既題材都好沉重，我唔想連續一星期密集式咁沉重，所以都係唔買咁多。
呢齣黑色幽默，(好似係導演本人)真人真事改編，講伊朗反政府人士被逼害逃亡去法國，逃亡唔代表改變唔到世界，搞地區工作一樣可以影響生命。非常勵志。
我主要係想睇伊朗個部分，諷刺味重，中間加插好多無厘頭輕鬆笑位，笑位有點像hea爆辦公室，可能呢個係中東style 。
D人笑到哈哈聲。
雖然夜晚九點幾先開場，我等到變化石，整整石化，不過好睇既，值得既。
初纏戀后的2人世界
電影節
超級cult片，亂鳩咁黎但又幾好睇。
王家衛監製，葛民輝導演
杜可風d鏡頭係咁搖係咁fing
葛民輝口水過多，但有d位幾好笑。
呢d戲一定要係戲院先睇得晒，係屋企唔會有心機睇。
草蜢首初纏戀後的4人世界幾好聽
小兄弟尋雞記
電影節，買飛時我話要小兄弟尋難記，之後先知自己睇錯字。又係既，好地地點會有人去尋難咁同自己過唔去呢。
尼泊爾戲，山區貧苦細路，母雞就是資產，毛澤東，共產黨
極多空鏡，過場唔dissolve 直接sharp cut。
我覺得套戲太長。
少年滋味
電影節，導演張經緯
感覺像看了一齣比較長的鏗鏘集，挺好看。
會送老子像給兒子當生日禮物的爸
中學prefect 質疑便服日為何仍要紮頭髮，換來老師反問 警察打人岩唔岩
鄉下朋友想給萬人迷朋友多點愛
小學生對從事演藝事業的comment 是 因為個職業係自己揀，所以有自由
新宿天鵝
電影節
第一次看園子溫的戲，OK喎呢齣我接受，又唔係好血腥，不過V睇到郁身郁勢，話以後唔睇園子溫。
歌舞伎町百態。
不要低估自己的力量。
睇完差唔多12am，全場跑住衝出戲院趕車。
烈火戰車
考到車好開心，考完幾日都仲回味緊電單車帶畀我既喜悅，於是睇返齣烈火戰車感受下快感。
好感人好感動，雖然好娘，但係電單車題材我要加佢200分，所以好感人。
炒車好恐怖，仰天噴血。
其實D角色唔抵可憐，自己死要面，又衝動。
好有教育意義，叫人珍惜眼前人，唔好掛住鬥車。
~~~~~
2023年5月13日更新:
做功課要派問卷，目標六月初最少收回200份-.-
會有人做好心、做功德、做愛心幫我填嗎👀
https://www.surveycake.com/s/z7Pax
