酒店的免費自助早餐幾多野食。
去了附近的cong市場,就是街市,好熱鬧,好有人氣,好平民, 我喜歡,怒拍了很多相。
越南都會燒衣 |
包裝好精美的蒜頭 |
繼續包裝精美 |
拜神 |
Sinh cafe的大巴一點半準時來到,也是sleeping bus, 但比上次河內去順化那架新淨得多舒適得多, 至少今次我雙腳一伸都冇頂腳. 一點九開車,說是四個鐘才到, 但結果五點已經到左,我第一次遇到早點這狀況, 巴士成日都係晚點, 看來sinh cafe信譽良好的確有原因。
途經峴港, 不愧是個有國際機場的地方, 是暫時見過最先進的越南城市. 但我好像沒拍到有多先進...總之D樓新好多啦.
海灘 |
到了會安, 一下車便有摩托車兜搭,每人要五十萬,沒上車, 覺得自己會行得到過去,結果很快就到ancient town,但行晒成條街都只係得三兩間酒店,一間full左, 一間要usd17而且lobby先有wifi,冇住繼續行, 後來行埋去對岸,再折返,加加埋埋行左幾乎成個鐘, 最後竟然又撞返頭先個兩個摩托車司機,好柒, 畀佢撞見我地背住大包周圍搵酒店仲要搵咁耐都未搵到. 結果這次還是跟他走了。
Usd15雙人房,還不錯。後來發現原來呢間野係Tripadvisor都幾高分, 叫phuoc hotel.
下了一點雨,又過對岸找吃的。cao lau, 白玫瑰,炸雲吞。
cao lau就是撈麵, 沒湯的粗麵, 麵有嚼勁, 有幾片豬肉和蝦作配料. 我還是比較喜歡湯粉, 撈麵有點dry.
白玫瑰其實是腸粉皮裡面包了些肉和蝦之類的餡, 然後掐成玫瑰形, 所以我覺得這就是蒸腸粉無誤. 由於腸粉這東西, 我由細食到大, 加上昨天已經誤點了一碟跟蒸蝦米腸沒分別的小食, 所以吃慣腸粉的我覺得這白玫瑰沒甚麼特別.
炸雲吞就跟平時茶樓吃到的炸雲吞一樣, 跟甜醱醬不可分割, 挺好吃, 跟香港的一樣好吃.
挺喜歡會安,很有古城的感覺,還到處掛滿燈籠。
秋盆河旁有個花燈會,幾有特色。越南好多方面都好中國。
沒有留言:
張貼留言