三月木棉

每次見到木棉花開, 都猛然醒覺一年又過去。去年這時候, 我撿了一顆木棉種子回家種, 種了一年也只是十幾厘米高。一向沒有隨街影相的習慣, 本來我也沒打算拍下木棉花開的盛況, 但最近有感木棉或許某天就會因荒謬原因而被消失, 所以還是留個影。

本來已經鬱悶, 覺得光陰虛度, 今早得知有人因被車轆撞到而過身, 更感人生無常兼荒謬, 更鬱悶. 這種荒謬的死法代表甚麼? rip。

無花果

多了看獨立電影. 不是為了扮文青, 只是因為真的好看, 製作人都很用心去拍, 內容應該也較自主, 不用受投資者影響(因為應該冇乜投資者). 不像有些商業片, 明明不乏資金可以拍得更好, 但齣戲拍黎根本只為賺錢不求好睇.

無花果. 2013年的電影. 冇野得黎有D野. 可以代表無花無果, 也可以代表花就是果. 亦可以是冇花都有果. 事出未必有因. 最合符傳統的人生路線, 結婚生仔, 看似開花結果也不是想像中的完滿. 離開反而得到解脫. 我覺得畫笑臉有點造作. 而且太多野想講, 有點鬆散. 但整體拍出感覺, 平淡中有愛. 幾好.

當初在戲院見到這postcard, 就決定要買票了. 所以designer也應記一功.

結束, 然後開始

我的第二份全職, 在一年零第五日, 結束了. last day收到同事們的再見卡, 真心滾動, 覺得自己很幸運, 何得何能得到大家為我花心機. 得友如此, 夫復何求. 儘管大家的comment內容都圍繞我的戇鳩. 第一份工有再見卡, 第二份工都有, 好滾動. 希望大家以後過得一切平安, 耐唔耐出黎見個面.

星期五last day, 星期一隨即展開新工作. 嗚啊. 安西老師, 我想去旅行.

目前新工作主要是打字幕和寫短片題目及簡介. 沒有很喜歡, 但不至反感. 不過難免會同之前份工有比較. 而家老細煩左但佢係好人黎既. 不過真係煩. 工作量又多左冇以前咁得閒. 返工地點又遠左, 車既班次又唔夠密. 仲冇一日係準時收工(雖然通常都七點前走得).
而且有樣好重要, 就係呢度冇野好食. 公司canteen就是非常飯堂的水準, 出去外面食也只是連鎖店沒有特別好吃. 從前每天都期待午餐, 會諗定食乜好. 現在沒有了, 對午餐失去期望, 偶爾還覺得將那些吃下肚簡直是浪費了人生的進食quota, 既不好吃也沒營養.

不過, 大致上還是對工作不反感, 只是某些(其他人看來很minor的)地方比不上以前.
唔知呢份工又會做幾耐. 始終都係個句. 安西老師, 我想去旅行.


電單車強制試pass了. 其實有些失誤但還是pass了, 很走運. 同時段考既人之中, 有人直情死左火落埋左腳, 但都pass. 或許這考官不太嚴. 上網見好多人都肥. 路試排到九月. 其實路線想轉返考自動波. 我有自知之明, 覺得自己揸棍波只能應付到強制試, 一出路面應該搞唔掂. 可是那混蛋駕駛學院話轉自動波要畀多1550, 因為我冇揸過自動波, 所以要上返個3個鐘既銜接課程. 老細, 識揸棍波就識揸自動波嫁啦, 就算要上都唔駛三個鐘咁長啦, 好歹我也pass了強制試, 有一定水平啊. 結果我一直拖, 拖到今天還在想要不要轉自動波...


獵狐捕手. 見佢拎奧斯卡最佳導演, 所以睇下. 入場前完全冇睇過內容簡介. 結果睇左幾乎一半先開始知套戲想講乜. 哇, 節奏慢到呢. 其實悶悶地, 拖得太長. 睇睇下中途仲有人走左. 睇之前我仲係咁話, 點解一套奧斯卡提名片, 可以上得一星期已經冇夜場, 睇完後我知點解了.
件事係真人真事改編, 好SAD. 好痴線. 好變態. 而這就是現實.

三月了, 2015就黎過左1/4.

FB/IG: 台灣留學爺/爺去的不是旅行是江湖
https://www.facebook.com/yeahtraveltw

https://www.instagram.com/yeahtraveltw/

考車回憶錄:

1. unbelievable 我竟然學車

2. 強制試

3. 瘋狂練車瘋狂路試 終會戰勝歸來

考車blog:

1. 轉自動波?

2. 每天都要練車。

3. 今天很乖有練車。

4. 終於以意想不到史上最柒的方式收皮了。

5. 耿耿於懷念念不忘悶悶不樂鬱鬱寡歡。

解碼遊戲, 浮華宴, 叮噹3D

日本系列很順利地沒有在水瓶月來到前寫好, 現在雙魚月都來了.

解碼遊戲.
我很討厭人們以短淺目光評論每項技能的實用性. 任何技能都有其用處, 而且不只於賺錢. 解碼一樣大有作為, 甚至拯救萬民, 拯救一眾賤視數理的凡夫俗子.

那些年, 俗到連同性戀都容不下, 看著覺得當代人思想無溪, 實情今天社會依舊如是, 毫無進步, 還在爭取平權, 到今天同性戀仍被視為異類, 無限可悲. 世上誰有權為正常與異常定分界? 說到底還是利益為本, 自私精屎忽鬼. (前幾天剛好借了男男正傳, 繼續發掘阻人發達的塵世自私精)

同樣也沒人有權操控他人生死. 沒人有權, 但很多人有這機會, 天天腦交戰. 究竟戰爭的既得利益者要耍百姓耍到幾時, 棋子用完即棄, 磨滅在生者精神意志生不如死.

只是想潛心解碼享受愛的人, 也要活得如斯螻蟻, 遺憾他所拯救的萬民, 沒有以改變世界向他致敬.


浮華宴.
本來沒留意過這戲, 只因阿頭和楊編劇都推介才去看.
其實幾好睇. 劇本改編自英國舞台劇, 黃百鳴難得認真拍戲, 可惜院商不看好, 場次很少, 而且定位尷尬. 想看正路賀歲片的觀眾會不滿, 新年流流講死人, 還要用腦.

整齣戲的佈景和演員動作都非常舞台劇, 看得出有誠意, 但演員略欠火花, 人性探索也不夠深入, 有點太皮毛. 但對多項社會問題作出諷刺並以opening ending作結, 還算有心思.


叮噹3D.
係喇, 我又睇多次叮噹, 今次係3D. 都真係幾3D, 唔錯.
根據現場反應, 牙擦仔講野最好笑.

Still alice, hea爆扮公室, 寄生獸, 叮噹。

嘗試每次看完戲都寫幾句。

Still alice
- 身為語言學教授, 最後忘盡曾經無比熟悉的詞彙, 發音, 最基本的溝通也做不到, miss her words, miss her rational thinking, miss herself。這種生活太難堪。

- 如果我患此病會怎樣, 如果家人患此病又會怎樣。

- 我人太躁, 需要更多耐心和同理心。

Hea爆扮公室
- 以色列喜劇。第一次看以色列戲, 好滿意。

- 幽默中有訊息, 荒誕又寫實, 這麼有趣的電影。軍旅苦悶的生活, 道德低落的社會風氣,  女性被用完即棄, 對大城市生活的追求, 友好同事成為自己上司後的友情轉變, 辦公室工作浪費光陰。see, 一套戲用誇張喜劇手法帶到咁多訊息出黎, 多犀飛利。

- 踩地雷, 釘槍, 接龍。自殘, 處女, 鬼上身, 碎紙。

- 卡夫卡曾說過, 人生最大的枷鎖, 是辦公室的文件。

寄生獸
- 唔好睇, 一味打鬥, expect佢會講既人類社會議題但講唔到。淨係開頭旁白反問幾句: 少99%人係咪就可以少99%環境破壞?
之後劇情冇再提過。
到最尾旁白再問多一次一樣既問題。
既然擺明車馬諗住拍打鬥片就唔好講呢幾句反問啦, 而家不倫不類。睇左原著既捧場客會覺得講唔到重點, 諗住睇打鬥既又唔覺好精彩絕倫。
如果呢篇係一篇作文, 我會評價佢係離題, 零分, 重作。

- 仲要睇完先知原來有第二集, 呢套野根本冇打算一集完, 又唔早響。而家睇左第一集咁唔好睇, 第二集仲睇唔睇好?

叮噹
- 開場冇播叮噹主題曲, 有所缺失, 其實可以選擇在開場不久大雄用竹蜻蜓時播。但我只想聽舊版主題曲, 不想聽新版。

- 坐後面個男人好煩, 都幾廿歲人, 喺個仔周老婆面前仲咁多廢話, 又解釋劇情, 又懶醒佔劇情, 又講無聊野, 仲食食下爆谷發現漏走晒於是係咁大聲講"你篤穿左你篤穿左你篤穿左", 我忍唔住擰轉頭用命令語氣, 同佢赤口初三開開年"可唔可以細聲d!!!"
其實想講多句"我唔想知你篤穿乜野!!"但驚自己忍唔到笑。

- 謹記呢套係卡通, 細路會睇得明, 唔駛有個老竇懶醒負責解話。一把年紀都唔識戲院禮儀。佢又唔係解釋d細路可能難明既地方例如點解長大左既大雄見返叮噹都唔過去say個hi, 只係講埋晒d廢話, 臨完場仲係咁話"完喇" "做完喇" "噢, 完lu", 係呀完喇咁你仲唔快d起身走?

- 戲都好睇既, 串埋幾句短篇, 別出心栽。

Day 3 京都

 - 今天早上去嵐山, 不是大埔那個樓盤. 去嵐山有幾種方法, 我選坐JR, 馬崛駅下車, 再轉坐小火車. 詳細交通和路線規劃看這網站:
http://change84.pixnet.net/blog/post/37337322

先來幾張由旅館行去京都駅的街照:

我的資料搜集少到一個點, 係我尋晚係旅館睇地圖先猛然醒覺呢個就係京都塔... 因為覺得他不高所以一直沒當他是一回事...

- 馬崛站有寫小火車的班次時間, 我看後嚇一跳. 原來小火車每小時才開一班, 而下一班車十分鐘後就要到了! 我不想追車尾啊(廢話, 誰會想啊). 沒研究過怎樣由馬崛駅行去小火車龜岡駅, 但原來很簡單, 一出站跟著指示方向走一條大直路就到了. 沿途風景還很不錯. 我急步走到龜岡駅, 上車前還有幾分鐘感嘆hello kitty的無孔不入, 大量限定kitty精品於龜岡駅有售. kitty迷去到日本會狂喜, 我等凡夫俗子不懂欣賞kitty的好就會狂屌. 話雖如此, 我向來都對kitty的marketing予以高度肯定.其實one piece商品在京阪奈的曝光率都相當高, 不過個人也挺喜歡one piece所以不反感.

聽說狸貓代表開運和福氣

- 我幾乎是最後買票的乘客, 很成功的得到最角落的位置, 而且我旁邊和對面都冇人坐, 可以一個人霸四個位. 車子行駛時還挺搖的. 車裡掛了燈飾, 不知是因為聖誕節還是一直都有, 進隧道黑漆漆時看著燈泡在晃還挺好氣氛.
車子貼著山邊走, 由於我山在我那邊, 所以我能夠順利地近距離看山壁(就是石). 心想, 幹, 我付620yen車費來看石牆啊. 後來車停了一會, 我去對面看, 景色也沒甚麼特別, 就一條大河流. 再後來換對面是山壁, 風景來我這邊. 但我也沒覺得特別美, 還是河啊.

下車才發現有個咁open既車卡

早餐

- 一個十幾廿人的大陸團跟我一起下車. 為免受噪音滋擾, 我趕快超越他們走在前面, 向車站前的路走去. 可是愈走愈覺得不對勁. 我去了常寂光寺那邊, 但我想去的是竹林之道.

於是我回到了車站, 走車站右邊的路. 邊走邊阿Q起來, 心諗, 行錯下仲好, 頭先班車D人又已經走晒, 同我有一段距離, 我而家就唔駛同人逼.
然後愈走愈多民居, 還遇到旅途的第二個墳場. 又走錯路了, 於是又回到了車站, 終於發現原來去竹林之路應該行一出車站左邊上斜條路, 而此時新一班車的大批遊客又殺到了. 我下車後瞎搞了一個鐘結果還是要跟遊客擠. 實在時也命也, 要擠的怎麼也逃不過.

也還好走錯路, 讓我遇與世無爭的住宅區, 再度參觀風格不同的墳場, 發現嵐山的另一面.

為了讓河水看起來不那麼單調而放幾片假膠葉點綴?

- 竹林之道都幾特別, 但好多人, 沒久留.

- 天龍寺, 見是世界文化遺產就看看. 入到去要再畀錢先可以參觀本堂. 印象最深刻是本堂那超漂亮的廁所, 本來進本堂時已經換上了室內拖鞋,  然後每個廁格又另有一對專屬木屐, 真是嚴謹到乾淨到不得了.加上那木的色調, 簡直令我有進入黃金廁所的感覺. 係賓至如歸既.

方丈份人

寺外的煲煙區

- 出寺後見到有個小神社拜飛雲觀音, 負責航空御守, 覺得自己很需要. 誠心拜了. (幾日後Air Asia就出事了...)又買了個小達磨, 因為覺得漂亮. 也有開運招福的作用. (現在掛了在office, 最近運氣也不錯, 顯靈?)

右邊是幫一名渴望愛的友人求的戀愛籤

- 走出天龍寺後是一條商業街, 我覺得這兒東西不便宜, 沒買沒吃就走了. 嵐山是個不錯的地方, 除了竹林之道那邊, 其他地方都靜靜的, 與世無爭的樣子, 住這裡感覺有點原居民的味道. 來到日本第三天, 覺得景點所謂的"人多"其實也不真的很多, 至少沒多到令人反感.

嵐電車駅. 想讓車站變美, 加點簡單小裝飾就行了.

 - 坐嵐電再轉巴士去金閣寺. 網上的人講到好難去, 但我覺得很容易, 嵐電搭到總站下車行幾廿步已經有巴士站, 仲要好多架都去到金閣寺.

- 金閣寺寺如其名, 金碧輝煌, 個人覺得比銀閣寺有趣多了, 只是我本以為可走進金閣寺一嘗被金環繞的感覺, 但原來這寺只可遠觀不可褻玩.
跟銀閣寺一樣, 金閣寺的入場券也是一道御守符, 這主意真是太太太棒了, 我很欣賞. 金閣寺同樣有很多hello kitty賣.

歡樂自拍

為樹造了個精美棚架作支撐, 香港會有嗎

日本人真係好細心, 等D人可以墊住坐

金閣寺旁就是左大文字山. 跟我昨天去的大文字山同屬五山送火系列.

- 祗園, 經過歌舞伎劇場和滿街商店, 人很多, 沒作停留, 其中一個原因是我有很重要的事要做. 我要食野. 今日全日除了三顆丸子就沒東西下過肚, 一來是為了省錢留返今晚食餐貴既, 二來今日冇遇到心儀的食物. 所以我常說, 我一個人旅行時的生活習慣非常不好, 最好不要獨自旅行太久. 

- 我要食野. 最適合物極必反地任食去. 選了八坂神社對面的牛禪. 我要任食和牛. 但我太早, 還有半個鐘才開門, 我要任食和牛. 雖然很餓可是也沒辦法, 只好先去八坂神社走走.

鮮艷的車

人超多

其中一樣來京都想看的東西: 廣告牌, 是各企業因應「屋外廣告物條例・規則・告示」設計規範而做出的京都限定廣告看板. 只用黑白兩色(或簡潔的顏色配搭). 這個lawson就是一例.

在棟篤笑精品店見到, 想必有人會覺得好啱我style.

- 八坂神社後的小庭園挺漂亮. 其實我留意左一樣野好耐, 在神社總會見到一些綁上白色紙條的樹枝, 這些紙條下雨時豈不是全爛掉? 由得佢爛? 定係有特別的防水技巧?

- 萬眾期待的時刻降臨了. 我要任食和牛. 其實想揀BBQ+shabushabu, 但冇. 於是揀了壽喜燒+shabushabu. 我要任食和牛. 我要任食和牛牛牛牛.

- 好食, 好薄. 好嫩. 但也不是想像中的入口即化. 或許是我淥得太熟了. 也或許任食級數的和牛不夠高級. 我要任食好多碟和牛. 明明我已禁食大半天, 火力全開, 可是只吃了兩碟和牛就很飽了, 嗚嗚嗚. 我要任食好多碟和牛啊. 我要任食好多碟和牛啊.

- 另外, 壽喜燒鍋裡的湯蒸發得很快, 我對於長期低水位感到非常不安, 於是不停refill. 結果後來湯底變得超級鹹, 鹹到不能吃. 很失敗.

- 因為很飽. 我跟自己說好今天晚上不再吃東西了(儘管埋單時才七點幾)(5950yen).

走過花見小路. 因為這優雅的名字, 我對此街有期望. 然現實與想像總有點距離. 小路真如其名, 很小很短, 而且全都是(高級)食肆, 唔岩我, 尤其我剛暴吃完. 也沒遇上藝伎.

- 回到四条河原町, 路邊有個車形小攤, 櫃檯放著一隻蜜瓜超人公仔, 一目了然就知道他在賣蜜瓜包, 整間店只賣蜜瓜包一種產品, 這麼專一的店, 我喜歡, 而且只靠賣單一產品都能維生的店, 通常質素有保證. 我也很想知道為甚麼夏娜和叮鈴會對蜜瓜包有著熾熱的愛, 就買了一個. 天啊, 我剛才明明還飽到一小片和牛都吃不下, 還許下禁食的諾言, 為甚麼才一會兒我就吃得下蜜瓜包了. 為甚麼不能將全日的食量堆在兩小時內吃和牛時完全發揮啊. 我要食好多碟和牛啊.

- 蜜瓜包係好食既. 甜的, 有一層鬆脆脆皮. 有點像墨西哥包. 雖說是蜜瓜包但沒啥蜜瓜味, 但挺好吃. 卻又不至令我瘋狂迷上. 吃到漫畫裡常出現的蜜瓜包, 也是很棒的收穫.

- 又一天了. 明天要離開京都了. 喜歡京都的古樸. 希望, 也相信下一站會更好. 日本能給予我這種信心.

- 回到旅館, 發現窗戶全開, 想必是我昨晚在房吹乾對濕鞋, 搞到間房又叔又臭. 如果我是老闆娘一定以為個住客香港腳.

無奈我對鞋吹左成晚都未乾透, 返到旅館一除鞋發現襪子還是濕濕的. Up左成日, 又好臭了.

好突然, 突然到個心都離一離.

前幾天突然得到新工一份, 前日職已辭. 忽然在這公司進入倒數一個月的狀態, 其實我到現在也不太接受到, 沒想過自己這麼快就轉工, 一年零三日. 其實好想裸辭出走, 就像當年的南美行. 沒想到工接工這種勤勞的事情會發生在我這好逸惡勞的人身上.
所以說計劃真的永遠追不上變化. 不知道這份新工我又會做幾耐, 目前我做過最長的full time就是一年零三日...

今天跟同事排排坐食燒味. 這種情境很快不常有了. 希望以後多點出來行個山食個飯.
反而跟自己dept的同事還是不怎麼熟, 沒怎樣相處過. 有點可惜但也是我不夠主動就是. 同dept還有另一做了很多年的同事也快last day. 意想不到.