一個政黨的墮落 堂前燕

一個政黨的墮落  堂前燕

立法會新界東補選尚在點票中，無論結果如何，我都對泛民很失望，不是針對楊岳橋個人，而是針對泛民和他們一些支持者。

輕視選民：本土派界票？

很多泛民中人都說過類似的說話，包括今日電視上聽到李柱銘說，擔心其他候選人分了楊岳橋的票。

甚麼叫分票？甚麼叫界票？

從選舉前就一直有這些批評，本土派界票分票，票是你們泛民的嗎？選民是你們泛民的嗎？是不是選民投了你們泛民一次票，就一輩子像畜生一樣烙上了泛民的牌頭，然後誰令他們不投泛民，誰就是界票的仆街陷家產中共間諜？

我不喜歡的，是泛民把選民看成私人財產一樣，動輒就是"我啲票"，"我啲選民"，聽他們的口吻，選民不是一個人，更像是一頭頭任人擺佈的畜生。

難道選民沒有自己的自由意志？如果說選民那麼好騙，那騙他們的那個政黨，叫泛民。

推卸責任：泛民輸了，責任在本土派？

一個政黨，或者說，整個泛民，輸了一場選舉，不去反省自己的過失不足，反而左賴右賴，賴別人搶你的票？依家本土派有無揸槍對住選民個頭逼人投啊？依家本土派有無喊苦喊忽告急乞人投啊？依家本土派有無恐嚇啲選民唔投佢地香港仆硬街啊？

首先唔係人地搶你票，而係你地得唔到選民既支持。點解泛民不去想一想為甚麼票源這麼容易流失？是不是因為你們做到一舊屎咁啊？有無呢個可能性啊？

泛民掌握香港議會二十年，得到的資源無數，成績卻慘不忍睹，二十年來碌碌無為，香港的民主有沒有因為呢班柒頭而有過寸進？

好心啦，泛民成班阿叔阿伯幾十歲人，做啲實事出黎，唔好一味日日係度打飛機又話要民主中華又話要梁振英下台，叫就叫得好大聲，但係做又做過啲咩呢？

自己廢，就唔好賴人啦屌。踏實啲，開會唔好上咁多咸網睇女，唔好一日到黑淨係諗住點樣cap水攞彩上電視，比個heart出黎，今時今日，咁樣既態度，含得撚啦。

陰謀論

蘋果日報李德成，吳志森，古德明，從退聯運動開始，一直到魚蛋革命都用陰謀論看待本土派，甚至有熱血公民成員入獄，仍然質疑本土派係中共間諜。

係，我係證明唔到佢地係錯，梁天琦可能係共產黨黨員，咁梁振英都可能係美國特務添。不斷推一啲根本無人證明到既論述出黎，然後覺得啊眾人皆醉我獨醒，咁樣到底有咩意義呢？

呢三條友，加埋都百鳩幾歲，好心唔好咁幼稚啦，仲話名嘴名筆，我呸，食屎啦。

投機

我發現一件事，泛民一直宣稱自己奉行和理非非，他們也經常譴責本土派很暴力，但對於瓜分一些暴力的成果，比方說，佔領中環時，卻顯得積極很多。

而最近在立法會會議上，更是做出了他們曾經深惡痛絕的衝上主席台這種行為。

我理解泛民這些行為，是一種因為看到激進市場蓬勃發展而作出的配合，就像本土主義崛起，一眾泛民政黨紛紛宣稱要加入本土思想到政綱之中一樣。

這令我想起樓下那檔魚蛋檔，在海報上加上"本地手打"幾個字一樣，魚蛋還是那些魚蛋，不過是投機吧了。

至尊無上，賭俠大戰拉斯維加斯，愛出貓

其實賭乜賭物系列我冇一套係完整睇過，所以趁早前新年，應節睇賭片賀賀佢。聽講至尊無上好睇，就揀佢。


哇，超級好睇! 劇力萬鈞，好有張力，又有伏線!

仲有多幕經典!

每一場賭局都有存在價值，並非為賭而賭!

以前王晶既片真係好睇，至尊無上我睇到好投入，好肉緊，仲好傷感!

沒有浮誇的賭術，只有真摯的兄弟情和愛情! 仲有陳玉蓮發現真相個種心碎，嗚啊

主題曲霑叔填詞，蕩氣迴腸!

真係太正，好有驚喜

至尊無上，自己進賬，wow~




由於太正，我再下一城又睇多齣賭片：賭俠大戰拉斯維加斯。又係聽講好睇。


可能抱持太大希望，呢齣相對平淡，我中段開始專注唔到。化骨龍又少戲份，或者下次試下睇賭俠1。




早前跟友人談起考試放屁，就看了愛出貓。


劇情真的很濕鳩，但我竟然有共鳴，可能因為我的校園生活也是如此無聊，而且戲中提過的出貓方法，我確實很多都試過，只是沒有高超到用屁。


或許當時年紀小，很多人都會不顧一切有前冇後地表白，即使後明知必定失敗也勇往直前，那時友人解釋說，只是單純地想告訴對方自己的心意，沒其他意圖。這是多麼青澀啊。愛出貓雖然很濕鳩，但我真的有共鳴。


結尾畢業後約出來，大家表現得很見外。這又是很令人觸景傷情的一幕，根本是現實寫照。愛出貓雖然很濕鳩，但我真的有共鳴。


原來陳偉霆以前都幾靚仔。


可能Gem當年很鳩(現在也鳩，但那是另一種鳩)，所以演這種鳩角色也毫不違和。


其實我當年挺喜歡當年的gem，她說話口吻和那雙肥腳，徹頭徹尾跟我的朋友們是一個倒模。


猶記得當年她上美女廚房, 小朋友咁，做盡那年紀會做的柒事。除了跟我的同學一樣煮食一塌糊塗外，我最記得她與主持拉扯, 不停lur人。見到gem，我真係覺得非常有親切感。


媒體曾刊出她的古早味xanga, 哇，遣詞用字內容行文，真係好mk好真摯，都是我輩朋友中學時的風格。真係除左親切我都唔知講乜好。

圖片來源蘋果日報

講講下，真係好懷念當年既gem，那時唱k必點睡公主。睇愛出貓睇到好想搣佢塊面豬，搣到佢變返mk白痴妹。

我要花瓶頂大陰頂不要三跑

青嶼幹線收費站 - 花瓶頂 - 迪士尼

4小時


本來只因得悉興建三跑可能會削掉花瓶頂，所以趁它仍然在生去看看，豈料這竟成了我近期最滿意的行山路線。柳暗花明，豁然開朗，驚喜處處，美景轉換之頻密令人措手不及：


汲水門大橋橋躉、
鎮流碑、
平日乘車過橋時見到但唔知點去的涼亭、
水清沙幼的沙灘、
甚有意境的碼頭、
忽然出現在山路裡的人工石磚路、
異國風情的西洋樹林、
很適合放上ig的樹、
添布頓風格的樹、
疑似偷情的男女...
(但竟然沒有cy下台的塗鴉，我有考慮過是咪應該幫手補完)

原來可以這個角度看汲水門大橋

對面坡頂出現西洋鬼子風的樹林

instagram tree

遠遠看見迪士尼，終點在望，好滾動，今晚唔駛山頭過夜了

(雖然我沒有拍得很漂亮可是真係靚景，相信我)


為避開這對疑似愉情男女而繞路，結果幾乎要爆林，我還開始評估身上裝備是否足夠讓我露宿一宵，或者召搜救隊時該怎樣形容身處位置。慶幸沿路有絲帶指引方向才不致被困(而且是dot柄及swaorovski絲帶，從老婆抽屜偷出來的嗎)。雖然最後還是要sir山坡，走引水道，界爛手勾爛褲... 但是因為最後成功安全達陣，所以我覺得係好玩既。


感謝綁絲帶的人，在叢林之中見到絲帶令我很心安，但我也很想問他們，當初為何會想到要以這樣的路線爆林...


歷時四小時，終於風塵僕僕地來到迪士尼，這路線太有趣，我喜歡。


無奈如此一個好山嶺，與預計耗資一科四百一十五億的三跑之間，或許兩個只能活一個。後來又好像說為了遷就迪士尼，不削山了。我不知道最後方案是甚麼，只知唔搞到個山，都會搞到個海。衷心希望花瓶頂個頂，大陰頂個頂，中華白海豚，各樣物種，千秋萬世，永垂不朽。三乜野跑姐，荒謬。

Fb黃師虎
http://facebook.com/seethroughwrong

Route Reference 

流浪者之友 嶼北花瓶

http://cyclkm.blogspot.hk/2013/06/130612.html

好詳細既路線圖，多謝師兄

賊船行旅

http://www.wildtrekking.net/hill/l/yumo/yumo.htm

研究左好耐睇左好多個網都唔明點樣行到咁近橋躉，求指教

山水小組

http://sansuiteam.blogspot.hk/2015/11/blog-post_12.html

北潭坳

http://paktamau.blogspot.hk/2013/01/blog-post_20.html

下次想試扒頭鼓水線

係，我已經諗緊下次再去

試app

中森明菜人靚歌正
好可愛
好似桂正和i''s裡面的伊織


葉繼歡肯定都係桂正和粉


圖片來源：高登袁晶

posted from Bloggeroid

Day 52 伊斯法罕: 伊瑪目清真寺, 阿里卡普宮, 大巴札, abbasi hotel

關於司機夏搣.
我竟漏寫了其中一段很爆的對話.



搣: 伊朗人屋企唔方便扑野個陣, 就會車震, 我同條女都試過, 就係你而家坐緊呢架的士!
我: OH!
搣: 不過今日我屋企冇人, 陣間條女會黎同我扑野
我: GOOD!
搣: 你陣間要唔要黎我屋企飲茶?
我: 下, 你唔係要扑野?
搣: 係啊, 但你都可以黎飲茶, 你可以參觀我地扑野!
我: 下 (心中的OS: 你講乜撚野? 你知唔知自己講緊乜野????)
搣: 你仲可以影相!
我: 下 (心中OS: 做乜撚野啊? 參乜野觀影乜野相? 動物園嗎? UP乜春啊??)



我真的很想表露出成蟲的表情, 並直接用廣東話問他做乜鳩, 但為免他以為我激動就是興奮, 興奮就是有性趣, 繼而作出更熱情好客的邀請或舉動, 所以我全以少說話無表情來回應.

圖片來源: nownews

還有昨日下車告別時, 他突然光速執起我的手, 像紳士般吻下來豁出去, fine, 如果那不是濕吻的話。我低頭望望自己濕答答的手背, 再看夏搣的的士絕塵而去, 分不清他是真熱情還是真抽水。喂, 這根本不是濕吻, 是用脷奶好不好!

明白我為何不願再坐他車了吧. 爺我老了, 受不了這等激情款待, 怕馬上風. 不過我還有留著夏搣的電話號碼, 有性趣可以問我. 哈.



這天是在伊斯法罕的第三天, 亦是最後一個full day, 沒甚麼事幹, 在酒店吃早餐(房租包埋), 西式方包, 本地饟餅, 芝士, 火腿, 蓄茄, 哈蜜瓜, 果汁, 咖啡, 茶.



拿食物時不用客氣, 因為對別人仁慈就是對自己殘忍, 其他人會毫不留情地將大量食物掃進自己的碟子. 如果你好客氣每樣只拿少許, 就要望穿秋水等到職員終於refill時才能再吃.



這裡的哈密瓜很好吃, 非常甜, 而且切很大塊, 所以每次refill看似很多其實也不過十數塊而已, 一本地青年毫不客氣地一口氣掃走一半, 多得盛滿了兩隻碟. 我亦不甘後人, 他掃剩的我全部掃走, 坐返埋位慢慢食. 嘿.



回房間看電視, 發現伊朗除了哈蜜瓜外, 西瓜都應該好正. 因為西瓜在電視上的出現率極高, 清淡節目中, 主持和受訪者中間的茶几上放了西瓜 (而且他們真的會邊吃邊聊); 劇集裡, 男主角跟家人吵架途中, 也拿了塊西瓜來咬 (這是甚麼爛劇情...). 甚至教堂壁畫中, 畫中一班人圍埋傾計, 他們中間亦放了一碟西瓜.

電視劇裡有拎住西瓜既情節

清談節目檯上有盤西瓜 (雖然個主持訓低左, 不過呢個真係清談節目黎...)

明信片上PARTY盛況, 檯上又有西瓜, 仲有D似西瓜盅

又去左尋日間靚餐廳食野。今次食羊肉kebab同埋湯，雖然kebab好多地方都有得食，不過呢間又真係幾好味，羊肉充滿香濃牛油味，巧巧吃。

好足料, 好飽

羊肉KEBAB

每次惠顧都會送粒糖. 味道同質感跟車厘哥夫一模一樣.

間餐廳真係好靚, 靚到要去兩次. 賞心樂事.

然後又晃到了伊瑪目廣場, 去伊瑪目清真寺. 寺前有男士向我say hi. 我暗爽, yeah i am a star! 男士好親切, 東聊西聊一番後得知我來自香港, 竟用廣東話說了句'你好'. 我甚驚訝, 他說的竟然不是ni hao而是nei ho. 雖然最後發現知道他其實在sell客, 但全程毫無sell味, 真心交流, 亦無死纏爛打, 只是很靦腆地叫我參觀完清真寺可以去他的店, 伊朗人真不錯.

伊瑪目清真寺, 比星期五清真寺大得多, 但部分位置裝修緊, 唔夠清靜. 同埋環境空曠, 反而唔及星期五清真寺咁令人自動撻著六根清靜冥想mode. 原來幽閉空間先至更能夠冥想.

好鍾意呢種isfahan blue. 朝思暮想黎伊朗就係為左睇呢D靚清真寺

阿里卡普宮. 在伊瑪目清真寺旁. 係俯瞰伊瑪目廣場最好既地方, 無奈佢同樣裝修緊, 搭晒棚. 幫一對當地情侶影相. 大量棚架加上我拙劣既攝影技巧, 都唔方影出乜野好野. 點知男方睇完張合照後竟大讚"you are professional!" 女方亦風情萬種咁對住我微笑. 哇, 伊朗人真係好.

咁樣樣個景....

唯有睇另一邊既景

頂樓既演奏廳. 細看圖案係樂器/器皿形, 別出心裁

靚得黎仲要實用, 聽講呢一個二個窿有增強音效既效果, 企係演奏廳正中心位置拍手掌, 聲音會特別響亮. 我試左. 成個白痴咁企係度瘋狂鼓掌. 好似真係大聲左. 

大巴札. 伊朗d工藝品真係好靚, 仲可以見到每間舖入面都有人係度埋頭苦幹整緊新野, 冇花冇假真係hand made, 仲要好靚. 但奈何好多都係易碎品, 好難帶返香港. 其實我好想買瓷磚, 個隻伊斯法罕藍, 真係令人著迷. 返香港後我仲試過上淘寶搵有冇類似款式既磚, 可惜搵唔到. 終有一日我會返去掃貨, 立此存照.

見到星期五清真寺個看門人走開左, 我即刻邪念起企圖唔買飛直接入內. 點知人地原來只係坐埋一邊離遠睇住. 當時我一心為慳錢, 又覺得自己早兩日已經入去參觀過, 於是今次冇再入去. 事後好後悔, 因為用剩左好多錢. 終有一日我會返去坐低發呆冥想同真主阿拉打招呼, 立此存照.



對我黎講, 伊朗都算係留低比較多遺憾既國家. 所以我他日不得不回來, 補完呢個咁美好既回憶



abbasi hotel. 在我住的酒店附近, 係伊斯法罕首屈一指既五星級酒店. 不過酒店cafe其實唔貴. 我坐低諗住歎住咖啡扮貴族, 點知坐低後冇人理我，難道呢度既落單程序唔係咁？於是我起身去櫃檯，但櫃檯個人都係指我去坐低，坐左陣終於有服務員理我，但佢叫我跟住佢，去坐室內既位，於是我又起身跟佢走，點知佢去左一個角落擺低手上既碗碟，跟手係度搞d碗碗碟碟，個度根本冇位坐，我又唔知佢搞d碟要搞幾耐，佢睇落有排搞。結果我老舉埋年走人，上等人真係唔易做，我都係安守本分算。

最後冇乜好做，返酒店，順便係櫃檯兌錢。職員好老實，話酒店兌唔抵，提議我去外面兌。其實我係懶費事煩，又唔係兌好多唔爭得好遠，不過人地咁熱心，我又有時間，就順佢意出去兌，儘管佢教左我間兌換店係邊我都唔多明。順住佢指既方向鳩行，行行下又真係見到對面街個一層高小商場有兌換店，唔知個職員係咪就係講呢間。

甫踏入商場，頭岳岳，全層店家都估到我搵乜，動作一致默不作聲但面帶微笑咁指我上樓上，場面幾有喜感。

兌錢, 伊朗D紙幣質地好霉, 媲美人民幣, 店家兌左幾張爛左但用膠紙痴返既紙幣畀我. 我問可唔可以換D靚仔D既錢黎, 對方都好樂意, 相當好.


路經雪糕店, 見到有番紅花雪條, 整支黎食下. 幾好味. 淡淡的清新花香, 每一口都是fresh的感覺, 自在又愉快. 冇影相. 雪條外型好似鳳仙雪條咁, 自己想像下.



由於晏晝食得好飽, 完全唔覺餓, 於是返酒店食桃桃啤梨當晚餐. 非常健康, 成個減肥港女咁.



此時尋日同我係餐廳言談甚歡既洋人whatsapp話佢今日識到伊朗朋友, 約左今晚去三十三孔橋附近散步, 問我去唔去. 其實我有性趣, 但夜晚同男人出街又有D淆底, 最後都係好淆底拒絕左. 正一死廢柴.

兄弟，贖罪。

通常一年之初也特別有動力，就像以前每逢開sem都雄心壯志reg爆credit又sit堂，雖然每次都爛尾收場。不過，這年也算勤力，接連看了幾本書，希望有天能趕上每月三十本書的尾巴。

因為最近想看非翻譯的文字，就選上了余華。兄弟，非常好看，輕鬆直白地寫出沉重的故事，悲傷而不失灰諧，角色閪得黎惹人憐惜，文革背景，虛構而真實的故事，雖然我覺得某角色好閪，但綜觀全書其實沒一個是壞人，都是時代帶給他們這樣的命運。部分情節，sad到不欲細讀，而這些看似遙遠而荒謬的事，其實也不過是五十年前的事，想起也心寒。

這書很適合影像化，我要讓葛優做李光頭，法拉做閪女人，黎明做宋鋼。

中學時我好鬼片鬼故恐怖片，毫不害怕，還能百無禁忌拿來開玩笑，近年膽子小，看黑天鵝搣手指都可以暈得天昏地暗。剛讀完一本湊佳苗，feeling不安。

贖罪，湊佳苗式的輪述，各人觀點拼湊一個真相。心理恐怖，真實的人性複雜，讀得很不安，簡直是驚慄小說。贖罪有影像化，我好想知道究竟有份演出的小童是懷著甚麼心情來演，不會覺得很不安嗎。

以上兩書，好看，但如無意外我不會翻炒，不欲再經歷那種悲慘。儘管如此，湊佳苗的作品我還是一次又一次地捧場，也想拜讀余華的活著和許三觀。熱愛自虐也是一種真實的變態。

[頂確幸] 原條屎dom一聲柯入馬桶真係好舒服

完完整整, 冇半天吊, 冇藕斷絲連, 抿屎都好方便好乾淨, 真係好舒服

- 記於柯緊屎的時候

我耐著性子陪安東尼度過漫長長長長長長歲月

因為白百何和宋芸樺, 還有布魯斯, 我入戲院陪安東尼度過漫長歲月。

老實, 唔好睇。最近覺得自己都幾mean, 終日對電影啊書啊社會事件及現象啊指指點點批批評評衣牙鬆槓...

1, 對白矯情得不像人話

電影是書本原著改編而成, 而書本是由日記輯錄而成, 許多對白聽起來就像是直接演員直接將書裡文字說出來, 很不自然, 造作得不像是人說的話, 聽得教人毛管戙。也還好演員都講國語, 如果這種對白換成廣東話, 非人對白效果一定更顯著。

又如北京晚報所言, "影片的氛围就如同男主角那呆滞的脸——死寂沉沉，节奏就是我们写在本子上的日记，苍白无力，缓慢无趣"; 市場導報也說"由于原著本来就是日记的形式，所以也从根源导致了剧情和逻辑关系的不完整，过于矫揉造作".

2, 劇情有點蠢 (劇透)

女主早在高中已經愛上另一男同學, 男主竟毫不察覺, 直至高中畢業出國留學兩年後去日本找女主才猛然醒覺, 簡直遲鈍得不可思議. 如果這是忠於原著的真人真事, 那實在懵得慘不忍睹. 本人衷心希望這不是真的. 

忍唔住要唱一唱衛蘭首歌... 是我敏感 誤會戀愛降臨 從未發生 交不出初吻

3, 男主角冇戲到

木訥呆板, 無甚表情, 或許真正的安東尼真的如此, 但這令本已調子緩慢的電影更悶。

4, 夾硬吱人笑

布魯斯客串做搞鬼室友, 為如同老婆子的包腳布般又長又臭的電影添一點笑彈, 但都是夾硬吱你笑的低級質素, 雖然好多觀眾都有笑, 我覺得他們實在太畀面, 或許其實是我太mean. 眾人皆醉我獨醒真寂寞啊 (遠目

5, 白百何是亮點, 亮得像她的牙齒

電影還是有值得稱讚的地方, 就是選上了白百何, 實在相當睿智. 如果這戲沒了白百何, 沉悶指數要乘10. 

6.  景靚歌正

全片最具欣賞價值的是靚景, 影得大連澳洲日本好靚, 睇完想去大連, 原來大連有古色古香的區間車.

來源: 大连本地宝

日本落櫻繽紛的畫面令人想起秒速五厘米, 還有爸爸的花兒落了我也不再是小孩子.

歌也好聽. 陳奕迅唱主題曲, 還有劉若英後來的日文原曲 未来へ.

最後, 估唔到導演同編劇都係香港人, 拖沓冗長得很不香港. 香港人的漫長歲月還是該由時興隆來陪伴吧, 共享昨天今天~明天~~~ 射射!