繼續好好學習天天向上よく学び、日々向上

情書：電影vs小說

翻炒了電影版情書，幾乎跟小說完全一樣，對白也跟得很足，但還是小說的描寫深入點。

1，秋葉

小說提到本來秋葉也想向博子表白，卻被木訥的藤井樹捷足先登; 而遭遇山難時決定放棄搜救藤井樹的，也是秋葉。

這些電影都沒提及，秋葉與藤井樹及博子三人千絲萬縷的關係不及書中突出。

2，爺爺

小說裡媽媽和爺爺的關係明顯惡劣，媽媽對爺爺心存怨念。

電影中媽媽平日似乎只是對爺爺的頑固有點微言，關係不至破裂。直至藤井樹暈倒，媽媽說出心底話，與爺爺的恩怨才浮面。

3，及川早苗

電影對她沒太多描寫，彷彿她只是個少少古怪的女同學。

4，女藤井樹

其實要努力夾硬擠才能擠出眼淚，是個倔強的人，但電影中好像一下子就能哭出來。

今天吃雞煲喝了三罐沙示。

曾經我也覺得沙示很難喝，後來我發現

有歷練的人才會覺得沙示其實不是太難喝。(cher, 2016)

唔駛$4000馬爾代夫之旅 Day 4 馬累，機場島

留在馬爾代夫的最後一天，在馬累隨意走走。

街市，都是生果檔，如果早兩天發現就好了，生果看起來比超市的吸引許多，蕉是成抽連樹榦掛著賣的，好有風味。要了一根咁大把，幾毫子港紙，好味。



街市旁是魚市場，一條條長過人類的吞拿魚全放在地上賣，如果早幾日發現，唔知可唔可以買條返酒店叫酒店幫我煮？




魚市場對面馬路都有個街市，門口第一檔的檔主挺熱情，給我們試食椰子糖和杏仁，我們買了個椰青，他又送我們兩條蕉。

其實我很喜歡旅行時逛街市，可以知道當地行情。馬爾代夫的街市和魚市場都好玩，又在地，比起去resort監獄島，我更喜歡這種行程，到處走走停停。住監獄島，只是租用人家的設施，去完也不知道馬爾代夫是一個怎樣的地方。人造設施(包括好多人造沙灘)隨時可以被其他更新更靚的地方取締，當地的風土人情則難以複製，馬爾代夫只此一家。慶幸自己因為貪平因為唔太好水上活動而選擇住居民島，打破了我本來對這國家等於陽光與海灘的刻板印象。

獨立廣場

獨立廣場

路經國立圖書館，又進去坐了近一小時。在這個沒甚麼遊客，沒甚麼景點的地方，做點在地的事，多好，馬爾代夫可以咁樣玩。

圖書館門口寫著silence please ，但職員卻在大剌剌地講電話，真奇怪。

圖書館有個中國區，裡面都是簡體字書，大部分皆由中國政府送贈，館藏也不少，連魯迅也有。

蘇丹公園，一片頹垣敗瓦。

國立博物館疑似冇開。

舊總統府好七彩繽紛，對正皇室貴族墳場，似乎呢度既人比較百無禁忌。

七彩繽紛的大門

路經tripadvisor高排名的秦國餐廳thai wok，我諗中文譯名應該係大鑊。冬蔭功幾好味，有自己特色，又足料，份量又多，飲極都有。

外表像清湯, 其實幾辣

炸蝦太厚粉, 咖喱雞好辣幾好味

話說呢度既人流行隨地拋垃圾，路邊總有大量膠樽之類既廢物。但係作為好孩子，我地盡量都使用垃圾桶，有次丟垃圾，一個坐係垃圾桶旁既老伯仲同我地講thank you。第二日，我地又路經同一個垃圾桶，阿伯又坐左係度，睇黎呢個係佢每日打躉既地方，佢對我地微笑點頭，似乎認得我地。丟個垃圾都能夠得到一句thank you，可能係呢度太多人隨地拋垃圾，又或者係當地人真係好nice。

返酒店，坐酒店車去碼頭，再度見識當地人像拓海般的駕駛神技，穿梭於橫街窄巷，見位就攝，犀飛利。

幫忙拿行李的酒店哥哥

坐船去機場島，本來打算去度假村那邊逛海灘，但忽然天降甘霖，狂風暴雨個隻，是幾日以來見過最暴和最持久的一場雨，只好留在機場鳩等到上機。

臨走終於見到遊客

孤獨的手推車, 有蠟筆小新gameboy遊戲超市那關的味道. 跳上去的話車應該會自動行駛.

話說這陣子是馬爾代夫的雨季，這幾天每到下午就會灑一場大雨，來得快去得快，幸好幾乎每次下雨我們都在室內。


機場沒甚麼好吃，international 那邊的禁區外只有burger king，秦國野，中國麵，咖啡店，又不便宜，前兩者十幾蚊美金，唯有食香港冇乜分店的漢堡王，單點兩個包。


不太喜歡機場島，那邊的人跟居民島人對待遊客的態度很不同，後者好nice 好熱心，前者冷淡好多，仲會黑面。有次我行入機場廁所，清潔阿姐即刻望住我皺眉，然後跟住我去廁格門口，用body language 叫我唔可以踩上去馬桶，要坐係度屙; 然後去post office ，個staff又咿咿哦哦唔知講乜。可能太多劣質大陸人黎搞亂檔，佢地一見到華人樣已經唔歡喜。


以前旅行試過好多次Check in等十世，今次都唔例外，條隊前面得四條友，等鳩左我半個鐘。當地勤姐姐連我去新加坡轉機都要問我有冇visa，我馬上明白佢做乜搞咁春耐。


總結馬爾代夫帶畀我好多驚喜，同想像中好唔同，平日fb睇人d相，應該都係酒店島影，於是我以為馬爾代夫周圍都係靚海灘，原來唔係。

首都馬累好重東南亞味，完全同度假天堂扯唔上邊，甚至遊客都冇乜，專攻遊客的手信店很少，所以此島的商業味是零。

我住個間酒店，好多住客個樣都好local，或者係附近國家既人，女住客好多都係伊斯蘭裝。
街上既男人大部分著長褲，女人九成包頭，除左我自己對腳外，我未試過係機場島以外見到女人腳裸露於空氣中(後來回港再看其他人的blog，說即使是遊客，短褲不可以短過膝頭，也不能穿冇袖衣服...)。

當地人(機場職員除外)好nice，好helpful 。

居民島物價唔高，貴d既餐廳都係幾十蚊港紙一碟飯，海邊餐廳食二人份海鮮都係289mvr(hkd145)，平既local food三十蚊港紙有一大袋，浮潛最平usd35都有，所以平玩馬爾代夫不是夢。

這次行程每人應該花了hkd4000以內，機票1700，酒店三晚800，又有水上活動，又有陸上閒逛，唔錯，係開心既，睇我今次遊記咁好心機up相就知啦下嘛。

晨早九點幾, 走在無(乜)人的街

上機，見返好多黎個陣同機既人，大概大家都是買了平機票來吧，唔知佢地呢幾日做左乜呢。雖然我實際留係馬爾代夫得三日三夜，但我覺得夠了，剛剛好，呢度唔係咁多野做，又熱，係時候要走。


新加坡轉機，開心，期待，我要食天天海南雞，松發肉骨茶，我思念了年半啊，嗚啊。

~~~~~

2023年5月13日新增

做功課要派問卷，目標六月初最少收到200份-.-

會有人做好心、做功德、做愛心幫我填嗎👀

https://www.surveycake.com/s/z7Pax

冤魂物業: 殘穢, 嫲煩家族, 失驚無神自殺合約

冤魂物業: 殘穢

- 應該去新世紀睇，但我去錯左朗豪坊，以後避免去呢d唔利我既地方。

- 其實我未入場前以為是推理懸疑片, 入場看了才發現是鬼片.

- 我也很久沒看過鬼片了, 對上一齣應該是嚇鬼阿嫂.

- 冤魂物業: 殘穢不算恐怖, 場內觀眾還不時發出笑聲, 笑蘇哈"湧"出來. 

- 以前的我也是這樣, 每次看鬼片出現(懶)驚嚇鏡頭就不停笑, 青春真令人懷念. 中學時很喜歡看鬼片, 而且百無禁忌乜都唔驚, 愛看港產鬼片, 陳文媛的咒樂園, twins和boyz的古宅心慌慌... 兩齣也是開場笑到完場.

- 講返殘穢，太長，由2012年一直追查到191x年，查極都有，睇到我後尾訓左一陣。

- 原來原著作者小野不由美，係another作者綾辻行人既老婆

嫲煩家族

- 山田洋次

- 劇情係愛回家咁，屋企發生左d事，最後和氣收場

- 都係太長，又平凡左d，東京小屋好睇好多

- 創作社牆上貼了東京家族的海報

- 同場有英勇男士怒屌大媽，佢叫師奶熄電話，咁忙唔好睇戲。大媽粒聲唔出冇還擊，真係振奮人心，應該為呢位男士鼓掌，不過佢個"忙"字窒左，失左少少霸氣

失驚無神自殺合約

- 題材有趣，結局娘

- 有得揀點樣死都唔錯，好過下下call白車死係醫院，臨死仲要被急救搓到肋骨都斷咁辛苦

好好學習天天向上

每次去日本前也說要溫日文，結果日本都去了兩趟，還是沒溫過。今次，認真勉勵自己溫習一下重頭學起。



題外話, 當年很喜歡DHC廣告的三嶋路子, 同學們知我喜歡, 還兩次給我撕來雜誌上的廣告, 我很青春地將之攝於教科書封底, 每年換書不換紙, 這兩張三嶋路子就一直跟了我幾年, 由中四教科書到大學日文書. 可是網上好像沒有路子的資料, 殘念的說.

唔駛$4000馬爾代夫之旅 Day 3 馬累：浮潛，睇波

八點半，酒店車去碼頭，出海浮潛(usd80，另一tour仲抵，usd35而已。不過諗住難得潛下，試下貴野囉)。

BYE MALE

船駛了很久，好很大浪，去不同地方接團友，全部團友連我們共九人，我們和同酒店的情侶浮潛，其餘五人diving。Diving 人裝備專業，言行舉止看起來也對diving駕輕就熟，我看了覺得淆底。雖然我只是浮潛，但我完全沒概念，沒概念到以為會有鯊魚潛水衣供應，讓大家在船上換，點知原來係著自己的泳衣，好彩我有帶定泳衣，如果唔係要著住陸上日常裝束落水。諗起a level中化listening 著牛仔褲游水。不過隻船很雞，沒有廁所/更衣室，所以我要爬上船頂換衫，附近冇乜船，應該唔會有人對我肥美既胴體有興趣。
全船得我同v咁on9冇著定泳衣出發，好柒。


下水，兩個staff對我們四條友，1對2，都幾好。個海好撚大浪，唔怪得感情有波折叫情海翻波，海真係一個大浪過潘大浪既地方。我唔夠一分鐘已經想嘔，結果趁個staff睇唔到時斷斷續續嘔左幾鑊。第一次見印度洋，送給她的見面禮就是嘔吐物，真失禮。好多年冇游水，游海水更加係唔知幾多年冇試過。海水好鹹，想起arthur有篇文寫甚麼"在情海喝了幾口鹹水"。


原來浮潛只係著住救生衣海上飄浮，然後dup個頭落水睇魚睇珊瑚，唔怪得d人話唔識游水都可以浮潛，我仲以為都要潛一潛落海。其實個海幾靚，魚同珊瑚都好多，不過我唔係特別好魚樂無窮，睇左一陣就覺得睇極都係咁。v都不遑多讓，係咁叫上得船未，真係講出我心聲。好撚大浪，我好想拿拿林返陸地。睇黎我地都冇乜情趣。


話說V冇用到那個連呼吸管的泳鏡，因為他近視深，用冇度數的鏡甚麼魚都看不到，潛來把撚，所以他用回自己那沒吸管的近視泳鏡，靠自己閉氣，巴屎閉。


在我和v經常伸個頭出水面傾計之際，同行的男女潛得好落力，自下水後幾乎沒見過他們的臉，而且他倆都不懂游水，真厲害。

浮潛團友

潛完，上船，船繼續好搖，v上船後想嘔，我邊潛邊嘔完也好不容易才恢復元氣，所以我們去到第二個浮潛點也留守船上沒下海，正一廢柴。其實Staff們好好人，有鼓勵我們下海，可惜我們自甘墮落。

V死頂到團友落晒海先至嘔，佢本來想攬住垃圾桶嘔，但staff叫佢嘔落海，真係奔放。隻船繼續好搖，搖過海盜船好多，成隻船拋起，這片海未免也太多情。

留在船上聽海哭的聲音, 看外面的世界多精彩

嘔吐是一種釋放, 沒甚麼不好

係船上拋左40分鐘先至返去接團友上船，大家快快樂樂地回來，diving 那些人還潛到21米深。全船只有我和v嘔，真係好廢。D人真係犀飛利，有毅力潛到咁耐，尤其diving，準備咁多裝備搞咁多野，長途跋涉坐咁耐船出海都要潛水，應該要好鍾意潛水先忍受到。我應該唔會再做類似既水上活動，都係揸下水上電單車算。


回程，隻船好拋，拋到放地下既氧氣筒多次碌晒出黎，staff叫我坐去另一個冇咁拋既位，我起身行左兩步就仆街了(而超強既staff依然可以赤腳叉腰企係度悠閒食煙)，究竟要柒幾多次先可以返陸地... 小時候爸帶我和哥去游水，媽會準備好叮熱左的茄汁沙甸魚夾麵包待我們回來吃，暖身，這刻有點想吃那沙甸魚包。

兩點左右才重返陸地，在船上拋了半天，抵玩。
好不容易終於返到酒店，好感恩，我還在生。謝主隆恩。

食個tiramisu先, 呢隻幾好味, creamy的感覺很像羅馬某店的出品. 真令人懷念

昨天路經球場，得知今日四點有波睇，就去看了，除了之前港隊作客去馬爾代夫踢世盃外圍賽，大概沒甚麼香港人會去這國家睇波。

唔駛買飛，直接入場，臨近開波都冇乜觀眾，我地去買個pizza再返黎。

整潔又冷氣大開好舒服的PIZZA店

買完pizza 又下雨，似乎馬爾代夫每日下午都會落一場雨(而且場雨又係落一陣就停)。捧住pizza衝返球場，雖然個紙盒濕晒但pizza力保不濕，個盒品質唔錯，pizza味道都幾好，批底幾脆口。

睇睇下波，有個男人走黎坐我隔離，心裡奇怪，明明咁多吉位，點解偏要坐我隔離。後來佢問我個pizza finish未，我諗佢其實係想食pizza。哈。

場波幾好睇，球員好活躍，好多走動，唔係hea踢。雖然冇乜人睇，但部分球迷好激動，會大叫，仲好撚惡，唔知係咪講緊粗口。最後2：1完場。

竟然有朝日新聞個牌

去超市，超市旁有人拉客叫我地上樓上shopping ，v急尿，反問人有冇廁所，於是佢為左去廁所，我地畀人帶左上樓。個座樓從裡面睇有d似pmq同石硤尾創意中心，但外面睇只係普通一幢樓，遊客無啦啦唔會知道呢度有幾間手信店。呢個島本身已經少遊客，正常人被叫去樓上舖shopping都應該唔會去，唔知佢地點維持生計。


呢度d人都冇乜野，唔會嫌你買得少，樓上舖d野又平成倍，一去無妨。

返酒店，見到今朝一齊浮潛既情侶食緊外賣，佢話係附近買既local food，於是我地都去買。

間舖除左人檯凳之外就乜都冇，乜裝修都冇，個樣真係好local，亂點一大堆先60mvr，超抵，雖然其貌不揚但幾好味，最正係條魚，好脆。

外賣咖喱汁

其實咁樣玩馬爾代夫都幾好，好過住酒店島成個監獄咁。