今朝開始睇新一本書，打開正文第一頁，竟然狠狠叉中我個心，呢本死物太有人性，教我不知所措。

西謊極落

其實知道係蕭定一出品已經可以唔睇，我亦知道套野多劣評，不過都係支持下向西同連詩雅啦。

睇完真係屌都費事，凳都唔𠝹即閃。剪接剪到好似ng咁，又唔知點解成日好似將bob同張繼聰忍唔到笑既鏡頭剪埋落去，係咪驚班觀眾唔笑所以要特登剪d焗蟹畫面落去？

蕭定一從來只當電影係一盤生意，好唔好睇佢唔介意，最緊要每次搞gimmick推高股價。今次賣向西賣本土賣上唔到車，驚死你唔知套戲好「本土」，要林敏驄煞有介事大嗌香港人係打唔死，實際上只係利用「本土」呢個市場，套野愛奇藝有得睇。其實拍好少少好難嗎？拍好少少票房高d唔好？一次又一次消費「港產」，下次我都要企硬先得。(不過蕭生投資既29+1好好睇)

值得睇既係連詩雅一開場個對鬼影變幻球，時大時細，同埋鳩拍豪又真係幾靚仔。

套戲真係星期二特價$50都唔值，食個茶記煎肉餅飯好過。

出貓特攻隊

出貓特攻隊

1，真是超好看，我想這會成為我的2017十大之一吧。校園電影其實應該很好拍，因為大家都返過學，出貓亦係唔少人既求學回憶，很容易有共鳴，但呢套戲主要場景唔係校園，而係收窄到係試場裡，試卷上。考試理應好靜態，唔似得籃球足球呢d大範圍多變數多郁動既活動，要拍得有趣好考功力，所以體育漫畫都係籃足棒排球多好多，乒乓波都少啦，以靜態活動做主題而且出色漫畫，就要有棋魂的級數(棋魂更高難度既係，要令唔識圍棋既人都覺得有趣啊)。

2，呢方面出貓特攻隊做得好好，perfect。戰場好狹窄只局限在試卷上，但依然拍到緊張刺激，睇到我手心冒汗，我個場都幾多人睇，本來觀眾都有點雜聲(始終是喜劇嘛，咀嚼聲低談聲總有點)，去到跨國考試時，全院靜晒，人人全神貫注，屏息靜氣，連爆谷都忘了嚼，好似自己考緊試咁緊張。真係好犀飛利。

3，睇住超蓮滴汗，跺腳，唸唸有詞，扣喉，我對眼已經離唔開屏幕，心裡默默在為她尖叫，好撚緊張刺激，張力滿滿的，呢套戲其實係戰爭片黎！

4，套戲核心價值係導人向善，想講錢唔係最重要，不過劇情做得超蓮這bad genius太成功太傑出了，而且做(所謂)壞事的心理掙扎著墨不多，套戲又拍到正直的人(蓮的爸爸和最初的賓)都很兜踎，壞壞的賓卻開了洗衣店，柏豪和明詩也得償所願留學，簡直皆大歡喜啦，實在冇誘因令人想做個正直的人，說服唔到我點解Lynn會有咁突然既轉變，令我(尤其是功利至上的香港人)覺得佢從良真係嘥晒。反正這是瘋狂喜劇，別為說道理而說道理，不如瘋狂到底繼續玩大佢吧(就像九把刀怪怪怪物瘋狂到底啊)。

5，為甚麼收錢幫人出貓是「所謂的壞事」？情況跟打官司一樣啊，有錢人請個著名大狀，姦淫擄掠都幫你打甩晒，法律面前窮人含撚，公平嗎？如果普世價值容許法庭上的戰役如此，也沒理由不許試場賽事請助手。這樣定義的話超蓮做的應該都要納入普世價值，不算壞事了吧。

6，盡情地懷著期待去看，仍然有驚喜，perfect。

Dunkirk，編寫美好時光their finest

Dunkirk

1，我以為timeline會好複雜，所以全程不停狂諗，點知原來就係我所睇到咁簡單，冇花巧野。

2，過度用音樂營造氣氛，好嘈

3，畫面角度新鮮，大製作好認真。有人屌佢幾乎冇刻劃過人物，賣弄技法好叻，但言之無物。不過其實nolan應該係想講nobody，documentary咁。見到有人用Dunkirk同明月幾時有比較，更加明白點解Dunkirk唔刻劃人物，大家都係三條線，明月人物鮮明所以需要更多枝節描寫，所以變得鬆散，Dunkirk講nobody反而一氣呵成。同樣，有人屌佢沙灘套乾淨，死人冇血等，相信都係為左集中焦點，唔畀血腥/其他事物sidetrack左，nolan咁樣處理其實聰明。

4，總結係好睇既。同場加映隔離位香橙狐狸攻擊，hp值急跌，換位迴避。


編寫美好時光

1，都關Dunkirk事，年代相近，戰場外的另一面，戲中寫既劇本正正係Dunkirk事件。呢套岩我多過dunkirk，溫情小品。

2，又話係喜劇，點解會死人嫁屌，隔離位阿姐喊到fi ni fair neir。

3，老老土土又係珍惜每一刻，活在當下，但確實係真理。Their finest，他們最好的時光。

Una再一次禁戀，失落的浪漫手稿，一日情人，來自日記的你，戀愛病發

Una

1，好看，好有張力，全靠rooney mara。場景不多，靠對白眼神肢體演出為主，但仍劇力萬鈞， Rooney孭起成套戲。

2，Rooney胴體好正，可是nin沒以前那麼pink，是因為歲月嗎？


失落的浪漫手稿

1，同樣因為Rooney mara而睇，但今次佢都救唔到套戲，又長又悶死唔斷氣，睇到想走。

2，不過Rooney仍是好看的，佢同愛人happy happy個段日子最好睇。

3，神父好撚煩膠，其實愛情路上他也是一枚毒撚，唔撚識媾女，以為棒打鴛鴦人地就會同自己一齊，毒撚真係好變態，徹底ruined女神既life。

4，結局娘屎到震，一定要玩呢D身世之謎嗎？老土得黎唔見得好睇，真係純粹做個叫做比較HAPPY既ENDING。個醫生又戇鳩鳩，佢一直知道舊屋有封信，但唔知點解從來冇拆開過，而家有少少九唔搭八既蛛絲馬跡，佢又忽然識得好有目標咁去摷返封信出黎，真係好奇怪。當套戲唔好睇個陣，我唯有將注意力擺落呢D地方，自然更多野屌更不滿。好睇個陣我會用「寧要不通莫要平庸」黎維護D鳩劇情啊。


一日情人one day

1，去年的秦國片，首映時錯過了，現在重映睇返，沒令我失望。

2，拍得北海道好靚，以前人地話想去北海道因為浪漫，我笑鳩佢膚淺，點知睇完呢套戲我都想(冬天時)去北海道因為浪漫。好靚好靚。

3，呢套又係毒撚戲，但今次係善良可愛的毒撚，而事實證明，溫柔堅定真誠真係可以媾到女，共勉之。

4，秦妹mew nittha真係好靚


來自日記的你

1，今個月bc Sunday搞秦國月，於是bc Sunday=我every sunday。而家bc Sunday時間好閪，930pm先做，睇完好晏，有時會飛的返屋企。我又好艱難先可以hea足全日hea到九點半睇戲，真係免得過都唔再睇bc Sunday。不過今次呢套都係值得等待既，好睇。

2，溫馨純樸愛情小品，睇完會甜絲絲，又有(老掉牙既)教育反思。男主傻愣愣好似布魯斯，女主好靚成個阿嬌咁。


戀愛病發

1，秦國again，秦國周秀娜原來92年出世好後生。

2，好睇，其實周秀娜同其他配角戲份好少，幾乎係男主一人獨腳戲，工作狂對世事不聞不問，所以獨白腔調平淡如水，反而更好笑，加上秦文本身聽進香港人耳中充滿喜感，諧趣滿分。

3，design/freelance狗的悲歌，香港同秦國都適用，慘慘。

異鄉人，烽火守書人

異鄉人

1，其實普通，頭半題材新鮮但悶，講畫壇既運作，後半變左常見既生世之謎

2，插敍過多，有d亂

3，形容詞來來去去得一個，就係話人(菜穗+樹)對眼發出妖異光芒。但究竟甚麼是妖異，如何妖異，作者冇講。

4，前半冇追看性，搞到我擺低左兩個月先繼續睇，不過睇睇下又唔知點解好沉醉，完全聽唔到地鐵廣播，已經兩次搭過龍。可能本書都散發妖異光芒，令我太入迷，我真係睇到入左本書，完全聽唔到身邊既聲音

5，呢本書最正係體會到京都既風雅，好想去京都長住，事實上京都本身都係我最愛既日本地方

6，雖然據說呢本並非原田舞葉最好睇既書，而我亦都唔覺得好好睇，有d位仲幾悶，但我又唔知點解想睇埋佢其他書：我們的生存之道，畫布下的樂園


烽火守書人

1，係伊拉克圖書館當年既館長係2006-07年間寫既日記，訝異於戰火中既巴格達原來仲有文化活動持續進行緊，亦驚歎伊拉克咁多人才，好多館員都係圖書館學，英文系，外語系畢業，而且有好多女性員工

2，打緊仗既地方，除左諗都諗到會發生既事：每日有人死傷失蹤，每日爆炸綁架封路，原來人民仍然會返工返學逛街，完全唔係我想像中係日日匿埋避難，其實是我太冇常識吧，但實在好驚訝有高等過生物邏輯層既活動進行，伊拉克仍然有文化活動，有書展，有講座，館長更表明戰火中更應維持文化活動(之類的意思)，太型棍

3，圖書館仲送過好多館員去海外培訓，感覺很重視圖書館呢樣野，館亦相當具規模，打仗+政府貪污+文化部迂腐+停電，咁惡劣既環境都仲維持到運作，對守護館藏既堅持好值得鼓掌，人地咁既時勢都做多野，耽於逸樂既我有點慚愧(應該會慚愧兩天左右)

4，唔知而家伊圖乜形勢，只知呢個館長2015年離職

你愛的衛蘭

狀態大勇的Janice，今次唱返自己歌，得心應手，Live比三年前Back to the Future好太多，全身除了子宮之外都懷孕了，連bombom棒都不慎吱咗落下面嗰行，完全忘記自己忍緊尿。

澳門觀眾好high high，可惜只唱咗唔夠兩個鐘，唔夠喉。開場前我問點解個演唱會叫《你愛的衛蘭》，聽完明晒，呢個係我愛的衛蘭。

講真經過多次外地睇演唱會同埋各類show既體驗，如果我係歌手我唔會再想係香港開騷，觀眾太內儉，又唔用螢光棒(除非免費派埋)，全場又黑又靜，好似對空凳派壽桃咁。以觀眾角度，香港場地都好閪，紅館山頂位真係乜都睇唔到，star hall又側面側面側過側田，其他會展，九展展覽廳之類既場根本唔係為演唱會而設甭提(博覽館未去過唔知)。澳門北京廣州個場細d，山頂位等於紅館580位，正好多。