你愛的衛蘭

狀態大勇的Janice，今次唱返自己歌，得心應手，Live比三年前Back to the Future好太多，全身除了子宮之外都懷孕了，連bombom棒都不慎吱咗落下面嗰行，完全忘記自己忍緊尿。

澳門觀眾好high high，可惜只唱咗唔夠兩個鐘，唔夠喉。開場前我問點解個演唱會叫《你愛的衛蘭》，聽完明晒，呢個係我愛的衛蘭。

講真經過多次外地睇演唱會同埋各類show既體驗，如果我係歌手我唔會再想係香港開騷，觀眾太內儉，又唔用螢光棒(除非免費派埋)，全場又黑又靜，好似對空凳派壽桃咁。以觀眾角度，香港場地都好閪，紅館山頂位真係乜都睇唔到，star hall又側面側面側過側田，其他會展，九展展覽廳之類既場根本唔係為演唱會而設甭提(博覽館未去過唔知)。澳門北京廣州個場細d，山頂位等於紅館580位，正好多。