神經俠侶

好撚好睇啊, 好有本土味啊
套戲不停有人跑黎跑去, 灣仔電車路狂奔嗚啊. 跑上行車天橋嗚啊.

一如好多人所言, 戲名真係改得唔好, 直接影響票房, 好記得2005年, 仲係學生妹既我係地鐵站見到《神經俠侶》宣傳海報, 當年我會睇既戲主要係港產片, 仲要青春偶像主演、唔係大片個種, 所以《神經俠侶》照計係我會有興趣既範疇。不過我望住海報上既一男一女警察, 加埋戲名叫俠侶, 我誤以為呢套係警察愛情故事; 又諗起楊千嬅新紮師妹, 但係而家變左容祖兒, 最後結論係: 不了。

而家睇完, 我都係唔明點解叫神經俠侶, 神經既又唔係兩位警察, 而呢兩位警察亦並非俠侶, 真係黑人問號。

灣仔場景好可貴, 可貴在其實套戲冇標榜本土, 劇情又真係融入灣仔, 描述香港的一隅, 而非將某個可以發生在ANYWHERE既故事硬塞在灣仔。

主角陳容吳真係好出色, 林雪跳樓各人既反應嗚啊, 配角惠英紅好亮眼.

劇本好撚好, 唔只一次引導觀眾諗A, 結果原來係B. 以為廖啟智會死, 以為菲菲出事點知冇事, 再以為菲菲真係出事點知都係冇事, 以為吳鎮宇會被當殺人犯點知冇事. 同韋家輝相反, 韋係KEEP住畀希望你最後收返, 阮世生係KEEP住畀D劫你最後化解.

好撚正.

精力善用，自他共榮.
~~~~~

2023年5月13日更新:

做功課要派問卷，目標六月初最少收回200份-.-

會有人做好心、做功德、做愛心幫我填嗎👀

https://www.surveycake.com/s/z7Pax