我想吃掉你的胰臟 (半劇透加長版)

書名很獵奇但其實是個溫暖感人的故事，頭半平平無奇，可是看到後面心情就不能平伏，在地鐵上失禁得無法再讀下去，《步步驚心》片尾曲《三寸天堂》在腦內無限循環(雖然古裝劇歌曲跟現代校園小說好像有點不搭調可是我覺得兩者感覺出奇相襯)。

（好似有劇透）

原來小說可以沒看到最後一頁就結束，太多理所當然的概念根深柢固，快將要死的人的時間沒有比較珍貴，生命可以戛然而止，誰都可能明天就死掉，所以還是真誠面對自己，坦率地過每一天吧。每個人都有各自獨有的魅力，也是被他人需要的個體，成為能認可別人的人，成為能被別人認可的人，成為認可自己的人。明明是如斯老撚套的話，怎麼我還是看得熱淚奪眶呢。

書名也改得太妙，太有意思(絕對不是點五步咁鳩流牽強)。你就是你，我才能是我，彼此都是彼此的缺口，大家性格可以完全相反而對望，互相拯救，互為一體，找出你的名字真正意義。能夠有要交換胰臟來吃的對象，這輩子便完滿了。

看到女主媽媽說「原來是你」一句馬上觸發淚腺，冷靜一下再繼續看，男主問可唔可以喊，讓我再度淚奔。看完全書卻不傷心，只覺得很甜很溫暖，生命中有點美好的缺憾，死前驕傲說一句「我活過」，多好。

不再看 天上太陽透過雲彩的光
不再找 約定了的天堂
不再嘆 你說過的人間事無常
借不到的三寸日光

華田炒蛋

四年前已經有個鬼煮意，肥媽有雞翼十食，我都有炒蛋十食。今日終於得閒試下華田炒蛋，可惜華田味唔夠出。懶得煮菜，以橙代之。好飽飽。 炒蛋既可塑性果然非常高。

白夜行，無緣社會，我的男朋友，在森崎書店的日子

白夜行同無緣社會呢兩本咁重要既書我竟然冇寫到，應該係因為之前壞電話冇晒d未完成既draft。


白夜行

1，V話比嫌疑犯x更好睇，我都係鍾意後者多d，但都屬於好好睇。白夜行太鉅著，好宏大，故事橫跨多年，由女主小學講到中年，好多人物，我成日唔記得邊個打邊個，結果發現好多人原來只係出一出場就從此沒有下文。


2，書中對男女主既描寫從來冇交疊過，全部靠側面描寫，二人關係全靠讀者自行想像腦內補完，呢個係本書最好玩既地方。東野圭圭既書一向好適合影像化，但呢本有d難度，點樣將亮司同雪穗呢段虛無得黎又有d野既關係拍出黎，又唔會令人一睇就知佢地有野，等觀眾有想像空間？聽說日劇版拍得唔掂，因為一開始已經將二人關係如實拍左出黎。


3，亮司同雪穗之間存唔存在愛情係備受爭議既話題，有人話佢地只係互相利用，互利共生，一齊走在白夜裡，冇你就冇我。但我少女心傾向相信亮司對雪穗是有愛的，佢做所有野都唔係為自己，就像嫌疑犯x的石神。睇完白夜行有被震撼到，心有戚戚然焉，不過我始終更愛嫌疑犯x，睇到最後個下絕望吶喊我真係眼失禁，心情久久不能平伏。V話修煉愛情好襯白夜行，非常同意。

修煉愛情的心酸 學會放好以前的渴望
我們那些信仰 要忘記多難
遠距離的欣賞 近距離的迷惘
誰說太陽會找到月亮
別人有的愛 我們不可能模仿

修煉愛情的悲歡 我們這些努力不簡單
快樂煉成淚水 是一種勇敢
幾年前的幻想 幾年後的原諒
為一張臉去養一身傷
別講想念我 我會受不了這樣



無緣社會

2016結束前睇左呢本好東西，係近期其中一本好深刻好有反思既書。無緣即係失去社緣(社會聯繫)、地緣(故鄉鄰里朋友感情)、血緣(親人往來)，無論你係單身狗定已婚，獨居定係好多親人friend子，有錢冇錢，最終都好難逃過孤獨終老既下場，無聲無色死左都冇人知冇人想理，除非你死先過你配偶。死後骨灰冇人肯認投，或者勉為其難拎走但被嫌棄陀手撚腳，或者朋友想認領但礙於唔係親人所以制度上唔容許結果葬身無名塚...


睇完其實好灰，問題太切身但解決唔到，加上年尾個陣心情唔好，睇完本書更加低落。


當然孤獨唔等於寂寞，但係無法不唏噓。諗起友人講龍應台，甚麼是寂寞？寂寞是西門町一班少女嬉鬧後剩下的空氣。


除非你是我，才可與我常在，世上冇人會同你一齊走到終站，最後還是一個人，旅途愉快過就夠，ok。



我的男朋友

成本書講個男主鳩揈揈，中二病重症，完全唔知自己做緊乜，但又有班後宮(包括家姐)，後宮們又係莫名其妙唔知做乜。可能我比較鍾意文以載道，所以覺得呢本書唔好睇。


V話好睇，阿飛正傳咪又係鳩揈揈，但我覺得人地揈得型好多，唔同層次。話說，中港兩地好似冇乜呢d鳩揈揈既作品，日本同歐美都多。





在森崎書店的日子

故事好單薄，行文亦好簡單，像少年小說(或者它根本就是少年向，是我不慎拿了來看)，估計適合12~17歲人士閱讀。


故事講述工作愛情兩失意的女生暫時去脫線舅父書店打工寄住後對人生看法改變了還兩舅甥去找前男友大聲說出心底話從此釋懷。好old fashioned。

謝謝你，在世界角落中找到我

(1)

唔係《你的名字》嘅愛情，唔係《再見螢火蟲》嘅慘情，呢套係賣希望，艱難中點樣繼續開心。套戲大部分時間輕鬆活潑，見得最多嘅畫面係女主笑笑口>v<咁樣嘅表情，邊睇邊諗點解處於二戰呢個亂世，佢仲可以笑得出？仲搵得到樂趣？女主簡直完美示範乜嘢係小確幸，大時代裡嘅小人物故事，特別動人。

劇本唔商業，導演年過五十但令人印象深刻嘅作品已經係廿年前《神犬拉西》，冇人肯投資，要搞眾籌先有4000萬yen(約270萬港元)。上映時全日本得幾十間戲院上，負責配音嘅能年玲奈被打壓，仲要同《你的名字》撞期，聲勢完全被蓋過。票房僅靠口碑維持，咁艱難嘅情況下依然full house加場，早前仲拎埋日本電影金像獎，刀仔鋸大樹，非商業小品不輸商業主流，幾咁鼓舞啊。

戲裡戲外都充滿盼望，End roller一個個眾籌者嘅名彈出黎好感動，我好想企起身拍手，呢齣戲絕對值得鼓掌。2017最需要靠口碑推介嘅電影：《謝謝你，在世界角落中找到我》。

附：睇早場被老友meme包圍，老友記全部好安靜好專注，睇到拭淚，完場不斷話：「要細味，要細味; 係感受，係感受。」



(2)

最深刻一幕，係女主喺糧食短缺時仍然每日煮出唔同菜式。唔係求其白烚或者炒埋一堆咁簡單，而係研究咗「戰時食譜」：蕃薯焗飯再焗到佢發脹好飽滿，蘿蔔皮野草蒲公英根又好講究咁撈埋一齊，魚骨磨粉煲粥之類。戲中畫面仲要係女主哼住歌，配上輕快背景音樂，好詳盡咁影佢點煮，好似拍飲食節目咁，整出嚟好似好好味。

明明係講緊打仗食乜餸，竟然都可以拍到food porn咁勾起人食慾，亂世之中日本女人依然維持料理力，嗰種艱難中都要認真生活嘅勇氣令人歎為觀止，欽敬欽敬。睇完戲我即刻去食咗兩碗白飯，頓時感到美好事物仍未離棄呢個世界，白飯(？！)真係好東西啊。

走向荒野，流，惡人，西藏生死書，許三觀賣血記，小說家的休日時光

走向荒野

這大概是近來讀過最深刻的日本小說，題材比較不一樣(是我自己看太多推理系而已)。

拋下所有不顧一切地跑掉，多好啊，即使沒有明確目標，沒有想得到甚麼，只是純粹休息一下也是好的。

「不論逃到哪裡， 任何地方都要荒野。是該回頭了，努力把荒野變成沃野。」一句觸動我，唉好想喊。無論走到幾遠，最後發現哪裡都一鳩樣，還是要回來好好過。朋美睇化了，我仲未撚化。



流

不知是否因為作者懂中文的關係，這書明明是翻譯但感覺很流暢，不像經過翻譯的文字。

老台灣尋根的故事，也是個青春小品，一氣呵成，溫馨。



惡人

新人物不停登場，睇左大半本都未係好知成想做乜，原來重點係想講邊個先係惡人？有罪唔代表係惡人，遇害既可以死有餘辜仲有純愛情節，一見鍾情係存在，愛你我管不了是禍。

基本上主題係封底字句已經概括晒：

「究竟因寂寞產生的愛，是否能相信至死不渝？

　　　究竟因孤獨犯下的罪，是否能祈求寬恕救贖？

　　　曾幾何時，虛擬的世界，讓寂寞枯萎、滋養了罪惡，卻也是我最真實的依靠。」

　　「……加害者與被害者，誰才是罪大惡極的惡人？一起命案……赤裸裸地揭露現代人疏離無比的人際關係，以及無可救藥的孤獨。」

結論係所有事的發生都係因為寂寞，寂寞就溝人、受溝、笑鳩人、扮friend，總括而言係想埋堆。



西藏生死書



其實幾年前未畢業個陣已經打算睇，雖然借左返黎但結果只係成為櫃上既一道風景。畢業後搵到網上版，睇左少少，都係冇完成。今次因為真係要去西藏，所以下決心出發前要睇完西藏生死書。

因為借唔到原文，就借左圖解版。點知呢本講既野同我期望太大落差。我唔知原文係咪都係咁啦，但呢本書係工具書黎既。我期望睇完會了解更多生死觀價值觀，或者有d佛偈人生哲理。呢本書冇重點完整講，佢重點係教你死左之後點樣可以得到解脫。

如同封面所講：「死後七七四十九天的行動指南，讓你輕鬆掌握臨終關懷的實用密法」，即係呢本係教你密技既攻略，成件事幾咁功利。封底個句仲正：「洞悉中陰世界的幻象與機遇」，死左都要講求機遇不能鬆懈啊，做人真係好累。

本書又真係仔細到教晒你死後會見到乜，如果見到乜野你就要點揀，揀乜野就會瀨野，揀乜野就可以免於輪迴。呢本書唔止係就黎死既人要睇，佢既家人都應該要睇，因為本書仲教埋你點樣擺放先人遺體，幫佢做乜野手印，你又要唸乜野經先可以超渡佢。做足全套就恭喜你早登極樂喇。

好功利… 同埋講黎講去都好似差唔多，都係叫你生前死後要誠心誦經，我睇左一陣就冇睇了。

許三觀賣血記

大時代中的小人物，特別好看。雖然一樂不是許三觀親生，但許玉蘭是許三觀賣血娶回來的，跟一樂是真正有「血緣」。

許三觀市井又偉大，口裡說不身體卻很誠實，有難時總將家人放第一。他總是為別人而賣血，最後想為自己賣一次卻被嫌老了。

低下階層就是有義氣，大家都不計前嫌。

睇完好想食炒豬肝，北京的炒豬肝好好味，個芡汁杰撻撻，撈埋豬肝一齊食好有風味。

北京姚記炒肝示意圖

如何鬧人公廁

小說家的休日時光

第一次睇三島由紀夫，睇左幾篇冇再睇，呢本係三島由紀夫既日記，講下佢每日做過乜，有乜感言之類，佢睇個d展覽，戲劇我實在完全唔熟悉，所以都係算了。

最初之所以會睇，係因為黃洋達推介。佢講三島由紀夫同太宰治既恩怨，書裡其中一篇係屌太宰治樣衰，格衰，冇品味，對太宰治文學作品既批評完全唔係建基於學術上，作為日本文學大師的三島由紀夫竟然用私怨mode寫「文學評論」實在相當有趣。