有些事小時候從沒想過會發生在自己身上, 例如有可能考不上大學,例如食薯條.
聽說每個食薯條的人都有故事, 小美也算有, 但故事很戇鳩.
薯條是享受, 薯條是寂寞, 薯條是踏實, 薯條是無奈, 薯條是中二病, 薯條是柒頭皮. 薯條原來是好物, 小時候真的不知道食薯條可以有食以外的深層意義.
夠鐘食飯未? 小美等住食串燒
2017年3月30日 星期四
Day 8 新宿: Mont Bell, Tokyo Hand
尋日個種珍惜旅行時光既心情已經煙消雲散，我今日唯一諗既係我唔想返香港呀呀呀呀...
 |
| 唔好呀 |
 |
| 唔返去呀 |
 |
| 我唔要呀 |
 |
| 啊啊 |
冇去築地，本來打算改做食壽司但最後都係唔食，鳩嗚先係首要任務。山系裝備撚去到日本點都要行下mont bell，點知去到睇唔岩，冇減價，貴，希望愈大失望愈大。連鳩嗚boss都吉手而回，簡直係零售寒冬。
路過免稅藥妝店，買下v要既龍角散(又真係幾好食，食落喉嚨好舒服)，瘋介紹既pair暗瘡膏(呀又真係幾有效喎，成pat咁撻落粒(即將成形或已成形既)瘡度，一見佢吸晒d膏就再撻，撻多幾次真係好快謝，2.25倍速)，零食個d林沈野。
最後一站Tokyo hand，都幾好行，不過都係loft更好。因為趕住坐鐵去機場，係超市隨便執左d野上車食。
 |
| 好味 |
呢個旅程黎到最後都係好頻能好頻能。安坐車廂望著窗外景物迅速後退，東京用大藍天來送別我，但我唔想返香港呀呀呀丫丫丫唔撚想返去呀屌
目擊隔離位條友，邊打status邊釣魚，但又識按埋個post掣先訓喎，果然對出status有一份執著。點知開黎一睇，發現錯字連篇...
去到機場，時間充裕，入到禁區再買下濕鳩零食。坐低食支最後的雪糕，牛奶味濃，個筒質地仲係白之戀人塊餅咁，隨手買都咁有驚喜，我真係好唔想返香港。
 |
| 團友(禁區內的)戰利品 |
 |
| 好高質 |
機上，睇小電影，重溫我的少女時代，原來尾聲有這麼一句：「長大後，會後悔沒多吃一點冰淇淋，多談幾次戀愛; 後悔沒對討厭的人更壞一點，對喜歡的人更珍惜。」
宋芸樺依舊可愛，劇情還是老套娘屎，擁有少女心的我仍然覺得巧滾動，尤其在一趟刻骨銘心、麻甩而奔放的旅行後。這八天，吃了十次雪糕，我無悔了。
我唔想返香港牙呀丫我唔想返香港牙呀丫，我係機上不停叫春，最後飛機冇爆炸，返到香港前我冇被炸死，嗚啊。
 |
| last supper |
等行李等好耐，陰謀論：自從話要起三跑後，行李出得慢左好多，唔知係咪想表示現有設施唔夠用所以三跑係必須要起。
 |
| 裝出沮喪的樣子(事實上真係沮喪)以示不想返工不想旅行結束的團友 |
 |
| 我唔要呀我唔要呀 |
蓮先行離隊搵女友去，你睇，忙到一完事就即刻散水，再度印證呢個trip能夠成行係不可思議。剩下瘋虎舉三人係機場食阿鴻小吃，真正最後的晚餐。
 |
| really last supper |
 |
| really last supper |
 |
| really last supper |
夢幻八日過去，最初我對成行完全不抱寄望，結果全靠瘋大力推動兼使出八婆技，竟又真係得左，amazing，好愉快好癲喪好chur好深層次好戇鳩，係我去過最正既短trip。
吓～呀～Once upon a summer time
不久之前還聽著舊生會旅行黯然神傷，轉眼卻已是旅程最後一晚，而ending竟是在荒川旁看花火大會，有feel到離譜，凝住眼淚才敢細看。
失禁中，靈魂飄到富士山上那片星空、落山時的結界地獄。每步十趾痛歸心，悔恨沒有帶備義肢，但原來鳩噏可以使我堅壯使我堅強，幾條友行到日落再行到日出再慢慢moonwalk至終點，渺小而強大。
從未試過短途旅行如此感慨，幾天仍未能釋懷。心底知道幾條人去旅行從來不易，旅途再愉快也可以從此沒有下文，只能每次都當作最後一次，希望兩腳一伸那天，人生走馬燈至少有著這一格。
事後四條友日日呻吟足足成個月(仲多野講左好多，每日睇少一陣whatsapp都有百幾二百條新訊息彈出黎)，真係好回味好想rerun呢一節，即使以後很平凡，這一節極美好。首首歌都係我心聲。/.\
還記得當天旅館的門牌，還留住笑著離開的神態 /.\
能同途偶遇在這星球上 燃亮飄渺人生 我多麼夠運
明明留在京都賞雪沒有回來 /.\
時光總不留人 難得過去幸運
明日如何地變 仍是努力去捉緊
回憶彼此同行 和街角故地這樣襯
仍可 重溫
曾經憧憬這街中 笑著興奮 /.\
我話過呢趟旅程必須記低，(哇屌已經係八個月前既事了時光總不留人 /.\ )，我終於寫晒，Wow！學車回憶錄拖左一年都終於寫完，呢個月好productive，畀d掌聲自己！next mission: iran travel writing!
2017年3月24日 星期五
若是你粗心大意eah，就像是我今天恨遲eah
一直好鍾意睇月巴氏的文，鍾意到因為佢有次寫張立基ELECTRIC GIRL，我睇完都鍾意左張立基同埋首歌。月巴話佢睇過大量張立基唔同年份既演出，發覺佢唱功同舞功完全KEEP到，完全冇走樣，於是我都搵大量ELECTRIC GIRL既片黎睇，真係喎，好堅！
岩岩又想聽ELECTRIC
GIRL，發現原來佢上左無綫岩岩個集流行經典50強，唱功一如既往既堅，但舞步明顯簡單好多，畢竟佢都就黎五張野，我不禁有點唏噓。最唏噓係，張立基今次唱ELECTRIC GIRL時，尾音終於唔再係「熾eah」、「池eah」，而係平凡既「熾」、「池」，真令人傷感啊。
月巴原文節錄：http://fatmoonba.blogspot.hk/2016/05/90s22.html
就在這個keep住狂聽的情況下我突然發現到，張立基在唱副歌「熱力似天火熱熾，電量就似不死電池，若是你粗心大意，就像是我今天恨遲」（入每一句前的那個Ah，我省略了）、每一句的最後一粒字時，原來不是單純地照住該字讀音來唱，而是隱隱然用一個類似「yeah」的音拉長收結，於是，「熾」不是「熾」而是「熾eah」；「池」不是「池」而是「池eah」……其實早在進入副歌部分前的那一句「也再去找電力犧牲者」嗰個「者」，已經被唱成「者eah」——Yeah，張立基晨早留下伏筆。
2017年3月19日 星期日
十個拆彈的少年，情繁海邊之城，漫漫回家路，骨妹，星夢動物園，完美謊情，烈女本色，一路順風，何者
十個拆彈的少年
1，望一望張戲飛，發現category印左個I字，覺得好奇怪，好少會有I級既戲，而呢齣戲既題材絕對唔似係I級。
2，睇左陣先猛然醒覺，講拆彈既戲必然會出現拆彈情節，而拆彈又必然會引申拆彈失敗既劇情，拆彈失敗即係有人會炸親，炸親就會血肉橫飛。大檸樂了，我好驚血腥畫面，結果我由頭到尾都好不安，角色做任何動作我都覺得會爆炸，好驚慌。邊睇邊諗點解I級片都咁恐怖(後來散場再check清楚，原來係IIB 級先岩，係張戲飛印得矇得返個I字)
3，雖然驚慌，但好睇，呢種戰爭中的小溫情題材容易吸引人，不用刻意煽情已夠揪心。戰爭中沒有誰不是無辜的。
情繫海邊之城
1，極好睇，是一個關於走出陰霾的故事。整齣戲其實平平淡淡，前段更是灰濛濛，男主又零表情行屍走肉，直到少年出現才添了點活力。但唔悶，因為我係咁估佢究竟因乜事幹會變成咁。
(劇透)
2，劇情正路黎講應該係男主受到少年感染重新振作，點知唔係啊，佢無懼世事變改，即使過左咁多年，有人諒解佢(雖然唔係人人)，但佢就係唔能夠畀自己當冇事發生過，佢覺得活得好係對畀佢唔小心害死左既仔女一種不敬，佢要用餘生去贖罪。佢唔係冇試過放下，但can't beat it can't beat it sorry。係啊，現實並非正能量電影咁順利，經歷左一d事後就會徹底扭轉將來，最後可以係情況依舊無起色。
3，平淡而真實地抽擊正能量既電影，我諗起愛情上半場完(demolition)，老婆死左點解要盡快收拾心情重返軌道？唔開心咪匿埋唔見人囉，打爛晒d野囉，點解唔得？自我毀滅唔可以治癒嗎？2017年十大我最喜愛電影，肯定有Manchester by the sea份。
漫漫回家路
1，Ok la，講男主走失個段略嫌太長，片場119分鐘但花左大約45分鐘黎講佢背景同走失經過，lost先係戲既重點但又唔夠deep，lost左30分鐘左右，剩下時間就係去尋根。
2，男主畀澳洲有錢夫婦收養左，即係錢個方面冇問題，佢係唔想Nicole kidman唔開心所以先一直hold住個尋根計劃。我唔知邊度出錯，我實在無法投入男主既苦惱，淨係覺得想去咪去囉屌你，係去就快撚d唔好扭扭擰擰啦。
3，重聚一幕係感動既，我亦係睇到個度先知呢單野係真人真事。
4，Rooney mara咁少戲份，Nicole Kidman真係老戲骨，戲份唔多但內心戲無懈可擊，個老公真係是但搵個人做都得，但Nicole kidman個角色實在要搵Nicole kidman級既人馬先做得。
5，其實呢齣戲係一個Google map廣告，只要有Google map，鳩按都能夠萬里尋親啊。
6，西人好鍾意拍關於迷失既題材，男主細個係印度窮撚時好有目標，就係要搵錢搵食，大個左變澳洲中產仔就飽暖思迷失。
骨妹
1，華人同西人社會既閨蜜片好唔同，西人個d通常都係八婆臭閪喜劇，輕鬆搞笑加少少感動; 華人既會集中講猜忌誤會唏噓，先甜後苦(可能再後甜)。骨妹呢d共患難既閨蜜片就好華人。
2，余香凝做得好好，好有風塵味，呢d一乖一曳既組合中，總係曳既特別正。廖子妤都好好，拍呢d好過拍埋晒d濕鳩同班同學。當年睇同班同學我仲猛屌佢冇樣冇波，但自從發現佢同angela撞樣後我竟覺得佢都幾靚。
3，結尾有個injoke係車婉婉話「我睇相準過佢啦」，本身我都覺得幾好笑，但全場竟靜默一片冇人笑，搞到我笑唔出。
星夢動物園
1，呢套係2017年第一齣睇既戲，冇乜特別，不過不失。個陣心情唔好想睇d輕鬆d既戲。
完美謊情
1，幾乎成齣戲都係一個單位入面拍晒，對白最重要，肢體語言同佈景唔駛好複雜，好適合做廣播劇同舞台劇。
2，摰友同伴侶間關係好脆弱，每個人都收埋秘密，男女關係好混亂。作為花生友，我覺得其實好多所謂秘密都只係小事，如果當初好好同被瞞一方坦白，其實對方接受能力可能比想像中高。
3，西方社會其實都係相當保守老土，隆胸，同性戀呢d小事都大造文章。
4，perfect strangers呢個名改得好。
5，喜劇，幾好笑
烈女本色
1，唔係我杯茶，我覺得冇乜特別。以為女主因為乜野事而冷靜得離奇反常，以為佢畀人姦係因為有人尋仇，結果原來內裡冇乜文章，只因女主堅係變態，咁岩姦佢條友又係變態有特殊癖好，冇message冇內情，真係估佢唔到。但又唔係唔好睇，ok la，睇女主演技囉。
一路順風
1，對呢齣印象唔深，記得有玩cult，有刻意血腥既場面。
2，仲有許冠文角色既淒涼寂寞，努力搵錢養妻活兒但家人唔理解，反而剛相識既陌生人納豆對佢仲好。
何者
1，有驚喜，以為齣戲係直白平淡咁敍述一班fresh grad搵工，對自身角色由學生哥變打工仔既心理轉變，我冇諗到呢齣戲唔止咁簡單，原來會扭橋！
2，開頭都幾悶下，睇住一班查實唔係好熟既人好尷尬咁吹水，睇到我都鄧佢尷尬。我個場仲有阿叔訓到扯晒鼻鼾，朋友睇個場都有，真係悶嫁。
(劇透)
3，點知結尾忽然扭橋，當我知道男主原來已經搵左兩年工個下，真係想嗌出黎，哇，竟然係咁！仲爆過男主寫暗黑Twitter！終於明白套戲點解要整d朦朧filter，原來係想當年。
4，不過純純又會無啦啦發火爆鳩人，感覺有點奇怪。
5，最後好正能量，純純一直都支持同欣賞男主，鼓勵佢繼續向戲劇發展。佢冇話同唔同意暗黑Twitter講既野，只係表示佢知道左男主內心真正既諗法，但都冇厭棄佢，繼續視佢為朋友，鼓勵佢，最後男主好娘咁走出框框，唔再跟大隊interview，做返自己想做既話劇。超娘。我以為男主最後一分鐘個人簡介會爆seed，點知冇，啊。
6，片名《何者－－我們都想成為「誰」？》其實就係電影要帶出既訊息：做自己。
7，(重點誤)日本hr都好唔得閒下，年年都要搞鑊咁大型既面試，改卷都有排改，玩鳩自己
1，望一望張戲飛，發現category印左個I字，覺得好奇怪，好少會有I級既戲，而呢齣戲既題材絕對唔似係I級。
2，睇左陣先猛然醒覺，講拆彈既戲必然會出現拆彈情節，而拆彈又必然會引申拆彈失敗既劇情，拆彈失敗即係有人會炸親，炸親就會血肉橫飛。大檸樂了，我好驚血腥畫面，結果我由頭到尾都好不安，角色做任何動作我都覺得會爆炸，好驚慌。邊睇邊諗點解I級片都咁恐怖(後來散場再check清楚，原來係IIB 級先岩，係張戲飛印得矇得返個I字)
3，雖然驚慌，但好睇，呢種戰爭中的小溫情題材容易吸引人，不用刻意煽情已夠揪心。戰爭中沒有誰不是無辜的。
情繫海邊之城
1，極好睇，是一個關於走出陰霾的故事。整齣戲其實平平淡淡，前段更是灰濛濛，男主又零表情行屍走肉，直到少年出現才添了點活力。但唔悶，因為我係咁估佢究竟因乜事幹會變成咁。
(劇透)
2，劇情正路黎講應該係男主受到少年感染重新振作，點知唔係啊，佢無懼世事變改，即使過左咁多年，有人諒解佢(雖然唔係人人)，但佢就係唔能夠畀自己當冇事發生過，佢覺得活得好係對畀佢唔小心害死左既仔女一種不敬，佢要用餘生去贖罪。佢唔係冇試過放下，但can't beat it can't beat it sorry。係啊，現實並非正能量電影咁順利，經歷左一d事後就會徹底扭轉將來，最後可以係情況依舊無起色。
3，平淡而真實地抽擊正能量既電影，我諗起愛情上半場完(demolition)，老婆死左點解要盡快收拾心情重返軌道？唔開心咪匿埋唔見人囉，打爛晒d野囉，點解唔得？自我毀滅唔可以治癒嗎？2017年十大我最喜愛電影，肯定有Manchester by the sea份。
漫漫回家路
1，Ok la，講男主走失個段略嫌太長，片場119分鐘但花左大約45分鐘黎講佢背景同走失經過，lost先係戲既重點但又唔夠deep，lost左30分鐘左右，剩下時間就係去尋根。
2，男主畀澳洲有錢夫婦收養左，即係錢個方面冇問題，佢係唔想Nicole kidman唔開心所以先一直hold住個尋根計劃。我唔知邊度出錯，我實在無法投入男主既苦惱，淨係覺得想去咪去囉屌你，係去就快撚d唔好扭扭擰擰啦。
3，重聚一幕係感動既，我亦係睇到個度先知呢單野係真人真事。
4，Rooney mara咁少戲份，Nicole Kidman真係老戲骨，戲份唔多但內心戲無懈可擊，個老公真係是但搵個人做都得，但Nicole kidman個角色實在要搵Nicole kidman級既人馬先做得。
5，其實呢齣戲係一個Google map廣告，只要有Google map，鳩按都能夠萬里尋親啊。
6，西人好鍾意拍關於迷失既題材，男主細個係印度窮撚時好有目標，就係要搵錢搵食，大個左變澳洲中產仔就飽暖思迷失。
骨妹
1，華人同西人社會既閨蜜片好唔同，西人個d通常都係八婆臭閪喜劇，輕鬆搞笑加少少感動; 華人既會集中講猜忌誤會唏噓，先甜後苦(可能再後甜)。骨妹呢d共患難既閨蜜片就好華人。
2，余香凝做得好好，好有風塵味，呢d一乖一曳既組合中，總係曳既特別正。廖子妤都好好，拍呢d好過拍埋晒d濕鳩同班同學。當年睇同班同學我仲猛屌佢冇樣冇波，但自從發現佢同angela撞樣後我竟覺得佢都幾靚。
3，結尾有個injoke係車婉婉話「我睇相準過佢啦」，本身我都覺得幾好笑，但全場竟靜默一片冇人笑，搞到我笑唔出。
星夢動物園
1，呢套係2017年第一齣睇既戲，冇乜特別，不過不失。個陣心情唔好想睇d輕鬆d既戲。
完美謊情
1，幾乎成齣戲都係一個單位入面拍晒，對白最重要，肢體語言同佈景唔駛好複雜，好適合做廣播劇同舞台劇。
2，摰友同伴侶間關係好脆弱，每個人都收埋秘密，男女關係好混亂。作為花生友，我覺得其實好多所謂秘密都只係小事，如果當初好好同被瞞一方坦白，其實對方接受能力可能比想像中高。
3，西方社會其實都係相當保守老土，隆胸，同性戀呢d小事都大造文章。
4，perfect strangers呢個名改得好。
5，喜劇，幾好笑
烈女本色
1，唔係我杯茶，我覺得冇乜特別。以為女主因為乜野事而冷靜得離奇反常，以為佢畀人姦係因為有人尋仇，結果原來內裡冇乜文章，只因女主堅係變態，咁岩姦佢條友又係變態有特殊癖好，冇message冇內情，真係估佢唔到。但又唔係唔好睇，ok la，睇女主演技囉。
一路順風
1，對呢齣印象唔深，記得有玩cult，有刻意血腥既場面。
2，仲有許冠文角色既淒涼寂寞，努力搵錢養妻活兒但家人唔理解，反而剛相識既陌生人納豆對佢仲好。
何者
1，有驚喜，以為齣戲係直白平淡咁敍述一班fresh grad搵工，對自身角色由學生哥變打工仔既心理轉變，我冇諗到呢齣戲唔止咁簡單，原來會扭橋！
2，開頭都幾悶下，睇住一班查實唔係好熟既人好尷尬咁吹水，睇到我都鄧佢尷尬。我個場仲有阿叔訓到扯晒鼻鼾，朋友睇個場都有，真係悶嫁。
(劇透)
3，點知結尾忽然扭橋，當我知道男主原來已經搵左兩年工個下，真係想嗌出黎，哇，竟然係咁！仲爆過男主寫暗黑Twitter！終於明白套戲點解要整d朦朧filter，原來係想當年。
4，不過純純又會無啦啦發火爆鳩人，感覺有點奇怪。
5，最後好正能量，純純一直都支持同欣賞男主，鼓勵佢繼續向戲劇發展。佢冇話同唔同意暗黑Twitter講既野，只係表示佢知道左男主內心真正既諗法，但都冇厭棄佢，繼續視佢為朋友，鼓勵佢，最後男主好娘咁走出框框，唔再跟大隊interview，做返自己想做既話劇。超娘。我以為男主最後一分鐘個人簡介會爆seed，點知冇，啊。
6，片名《何者－－我們都想成為「誰」？》其實就係電影要帶出既訊息：做自己。
7，(重點誤)日本hr都好唔得閒下，年年都要搞鑊咁大型既面試，改卷都有排改，玩鳩自己
2017年3月10日 星期五
廣州兩日兩夜
廣州地鐵好戇鳩，十九萬世都唔關門，關門後亦唔係即刻開車，好撚柒逼。
搵到亞洲沙示，正，好味過香港買到個隻，d氣泡真係幼細好多密好多。岩岩飲落去，d泡已經係個鼻谷返出黎，感覺好正。
著名既外婆家等位等三百張檯，痴撚線。改食西貝筱麵村，味好淡，好普通。
夜晚的士起價，開價50蚊去酒店。酒店四星級但得個殼，大堂幽暗荒涼，間房大而無當雙人房得一張凳，廁所有浴缸同企缸但浴缸冇浴簾一淋浴d水就飛晒出去成地水浸，不過抽風系統唔錯，地板乾得算快。廁所得一個勾，沖涼掛衫黎講根本唔足夠。廁紙雖然係維達，但只得上手用剩既好細卷，抿半篤屎已經用晒。我唔介意繼續使用上手用剩既廁紙，但唔接受佢唔擺多卷spare係度，維達咁厚，就算驟眼望落卷廁紙都仲有幾圈，其實都唔係得返好多格。要我特登打電話去要廁紙是四星應有所為嗎。雙人房但沐浴露同洗頭水得一set，冇護髮素(洗頭水唔係多合一，係純洗頭水)，駛唔駛咁慳先。
由於入住時已是夜晚，後來先發覺間房冇窗，屌你老味四星酒店仲設計間冇窗既房出黎好唔好意思。本身諗住住兩晚就算，但第二朝見到人地間房勁大個落玻璃窗露台仲大到可以耍太極，即刻要求換房。
換左房後連聲讚歎「咁先似樣嘛」，點知諗住開窗出去露台睇風景時，發現鎖左開唔到，窗邊貼左張紙寫住如果要開窗請致電櫃檯。屌你老味冇興致了。
的士十蚊起標平過深圳。再去外婆家，又係要等，今次好d，只需等100張檯。先去吃山東老家，幾好味。大概呢個商場既食店都係為執外婆家二攤而生。逛下商場再飲下星巴克，返去外婆家就有位，由攞飛到入座，等鳩左三個鐘。
係咪真係咁好食呀，日日咁多人等。紅燒肉真係幾值得食既，其他都好食，又平，雖然抵食但冇乜驚喜，係其他地方都食到既味道。總而言之唔值得等三個鐘。
去廣東省博物館，屌那星原來四點就收，不得其門而入。圖書館多人到令人震驚。花城大道廣場幾歡樂，幾鍾意呢d好大既活動空間。
去黃村站，鳩行鳩hea悶撚到，去大老遠的廣州國際體育演藝中心，搭的士都搭左超過半個鐘。好多妹妹觀眾，好青春，原來梁靜茹粉既年齡層咁低。妹妹們頭戴粉紅閃燈蝴蝶頭箍，瘋狂自拍/叫朋友拍，影相甫士都係日系的v手貓手之類，真係好青春，我真是老了。
演唱會好睇但冇乜驚喜，梁靜茹唱愛的代價同一夜長大唱到喊，好想知佢諗起乜野感觸。
散場，洶湧既人潮向地鐵站進發，我地奢侈，用錢買時間同舒適，200蚊搭去北京路。
北京路好多間賣nb既舖：new barlun, new bunren, niu balun，抄上抄上抄，就係唔見new balance。
銀記腸粉，好味，皮滑，粥底好有燒豬骨味但多碎骨，豬紅普通。
好多舖都關門了，咁早收，冇癮。
夜晚訓覺畀蚊咬，仲係我耳邊wee，屌那星我要搵條毛巾蓋住個頭黎訓，仆佢臭街，住四星住到我咁撚折墮。
第二朝一起身就睇到電視播兩會，講好耐野都可以同冇講過野一樣，殊不簡單，實在係值得學習既技能。
加強文化市場監管，廣泛推廣全民健身，推動社會治理創新，依法推進公益落實信訪工作責任制 依法懲治黑惡勢力，大力整治社會治安突出問題，打造人類命運共同體。
究竟乜野係人類命運共同體？是攬炒的意思嗎？
廣州人踩單車技術好廢，慢少少都踩唔到直線仲要鍾意一邊睇手機一邊單手踩，本身已經連雙手踩都唔係好踩得掂，仲學人單手踩，架車s住咁去，又唔睇路，好戇鳩。真係無法相信廣州人踩單車咁廢。
廣州電視塔，同濕鳩死細路同lift已經好撚逼，佢仲要係我腳邊鑽黎鑽去，屌佢老味鑽足107層。上到個塔，同胞們既聲音困住晒係度，我隻耳接受唔切咁大量既聲音檔，耳都鳴了。同胞好funny，同塔內既牆合照，我諗佢應該都有同窗外景色合照既。冇乜好睇亦頂唔順咁嘈，迅速撤離，又要同無處不在既濕鳩細路同lift足足107層屌佢老味，好想大大力摑佢幾巴，郁身郁勢丫拿！郁身郁勢丫拿！
去著名既點都德飲茶，又要等位，廣州凡係出名少少既食肆都要等位，好煩。去隔離太平洋咖啡飲野睇書hea，半個鐘左右就有位，都算好快。
點都德好似1933年開業，蝦餃仲係非物質世遺，不過得個大字，皮有點太乾，蝦冇乜味。燒賣都冇乜味。鳳爪正常好味。叉燒包好少餡。馬拉糕同湯包幾好味。最正係脆蝦卷紅米腸，腸粉皮滑，包住鬆脆既蝦卷。斟茶方面好似好講究咁，有成set用具。
食完就回程，動車十分鐘一班但都滿座，要坐貴十蚊既一等座，點解會咁多人？以後冇乜事幹都唔去廣州。
通常每個車門都有職員再檢票，確保你係個卡車先上得，但呢度冇，結果無座d人都企埋入一等座車卡。咁一等座同二等座有乜分別？毫無比人優越既地方，張凳長闊高都冇乜分別，淨係每行之間距離好似多少少。
有個無座既人企係度挨住我張凳，其實我都體諒無座辛苦，但萬一佢放屁我就玩撚完，一定噴到一面屁仲要書呀褸呀全部吸晒味，一諗到咁我就好唔安樂。真係冇乜事幹都唔好返廣州。
搵到亞洲沙示，正，好味過香港買到個隻，d氣泡真係幼細好多密好多。岩岩飲落去，d泡已經係個鼻谷返出黎，感覺好正。
著名既外婆家等位等三百張檯，痴撚線。改食西貝筱麵村，味好淡，好普通。
 |
| 大陸真係好撚野, 商場入面有活魚魚缸牆壁 |
夜晚的士起價，開價50蚊去酒店。酒店四星級但得個殼，大堂幽暗荒涼，間房大而無當雙人房得一張凳，廁所有浴缸同企缸但浴缸冇浴簾一淋浴d水就飛晒出去成地水浸，不過抽風系統唔錯，地板乾得算快。廁所得一個勾，沖涼掛衫黎講根本唔足夠。廁紙雖然係維達，但只得上手用剩既好細卷，抿半篤屎已經用晒。我唔介意繼續使用上手用剩既廁紙，但唔接受佢唔擺多卷spare係度，維達咁厚，就算驟眼望落卷廁紙都仲有幾圈，其實都唔係得返好多格。要我特登打電話去要廁紙是四星應有所為嗎。雙人房但沐浴露同洗頭水得一set，冇護髮素(洗頭水唔係多合一，係純洗頭水)，駛唔駛咁慳先。
由於入住時已是夜晚，後來先發覺間房冇窗，屌你老味四星酒店仲設計間冇窗既房出黎好唔好意思。本身諗住住兩晚就算，但第二朝見到人地間房勁大個落玻璃窗露台仲大到可以耍太極，即刻要求換房。
換左房後連聲讚歎「咁先似樣嘛」，點知諗住開窗出去露台睇風景時，發現鎖左開唔到，窗邊貼左張紙寫住如果要開窗請致電櫃檯。屌你老味冇興致了。
 |
| lobby係靚既, 但夜晚唔開燈 |
的士十蚊起標平過深圳。再去外婆家，又係要等，今次好d，只需等100張檯。先去吃山東老家，幾好味。大概呢個商場既食店都係為執外婆家二攤而生。逛下商場再飲下星巴克，返去外婆家就有位，由攞飛到入座，等鳩左三個鐘。
 |
| 山東老家幾好味 |
 |
| 隻碗扮有螞蟻嚇親寶寶 |
 |
| 而家見工都要搞大龍鳳, 特登set個咁既場, 仲搵鬼佬坐係梳化in人, 等緊個陣仲有靚鬼仔model派冬甩... 屌, 食到成嘴餅碎點見工... |
係咪真係咁好食呀，日日咁多人等。紅燒肉真係幾值得食既，其他都好食，又平，雖然抵食但冇乜驚喜，係其他地方都食到既味道。總而言之唔值得等三個鐘。
 |
| 連粒肉都有褶 |
去黃村站，鳩行鳩hea悶撚到，去大老遠的廣州國際體育演藝中心，搭的士都搭左超過半個鐘。好多妹妹觀眾，好青春，原來梁靜茹粉既年齡層咁低。妹妹們頭戴粉紅閃燈蝴蝶頭箍，瘋狂自拍/叫朋友拍，影相甫士都係日系的v手貓手之類，真係好青春，我真是老了。
 |
| 好前衛喎, 搵個肥doy宣傳打波 |
 |
| 趁青春留倩影的妹 |
 |
| 魚貫進場的妹 |
 |
| 香港邊會有咁多人買閃燈呀 |
演唱會好睇但冇乜驚喜，梁靜茹唱愛的代價同一夜長大唱到喊，好想知佢諗起乜野感觸。
散場，洶湧既人潮向地鐵站進發，我地奢侈，用錢買時間同舒適，200蚊搭去北京路。
北京路好多間賣nb既舖：new barlun, new bunren, niu balun，抄上抄上抄，就係唔見new balance。
銀記腸粉，好味，皮滑，粥底好有燒豬骨味但多碎骨，豬紅普通。
好多舖都關門了，咁早收，冇癮。
 |
| 燒燶的賓周 散在風裡 |
夜晚訓覺畀蚊咬，仲係我耳邊wee，屌那星我要搵條毛巾蓋住個頭黎訓，仆佢臭街，住四星住到我咁撚折墮。
第二朝一起身就睇到電視播兩會，講好耐野都可以同冇講過野一樣，殊不簡單，實在係值得學習既技能。
加強文化市場監管，廣泛推廣全民健身，推動社會治理創新，依法推進公益落實信訪工作責任制 依法懲治黑惡勢力，大力整治社會治安突出問題，打造人類命運共同體。
究竟乜野係人類命運共同體？是攬炒的意思嗎？
廣州人踩單車技術好廢，慢少少都踩唔到直線仲要鍾意一邊睇手機一邊單手踩，本身已經連雙手踩都唔係好踩得掂，仲學人單手踩，架車s住咁去，又唔睇路，好戇鳩。真係無法相信廣州人踩單車咁廢。
廣州電視塔，同濕鳩死細路同lift已經好撚逼，佢仲要係我腳邊鑽黎鑽去，屌佢老味鑽足107層。上到個塔，同胞們既聲音困住晒係度，我隻耳接受唔切咁大量既聲音檔，耳都鳴了。同胞好funny，同塔內既牆合照，我諗佢應該都有同窗外景色合照既。冇乜好睇亦頂唔順咁嘈，迅速撤離，又要同無處不在既濕鳩細路同lift足足107層屌佢老味，好想大大力摑佢幾巴，郁身郁勢丫拿！郁身郁勢丫拿！
去著名既點都德飲茶，又要等位，廣州凡係出名少少既食肆都要等位，好煩。去隔離太平洋咖啡飲野睇書hea，半個鐘左右就有位，都算好快。
點都德好似1933年開業，蝦餃仲係非物質世遺，不過得個大字，皮有點太乾，蝦冇乜味。燒賣都冇乜味。鳳爪正常好味。叉燒包好少餡。馬拉糕同湯包幾好味。最正係脆蝦卷紅米腸，腸粉皮滑，包住鬆脆既蝦卷。斟茶方面好似好講究咁，有成set用具。
食完就回程，動車十分鐘一班但都滿座，要坐貴十蚊既一等座，點解會咁多人？以後冇乜事幹都唔去廣州。
通常每個車門都有職員再檢票，確保你係個卡車先上得，但呢度冇，結果無座d人都企埋入一等座車卡。咁一等座同二等座有乜分別？毫無比人優越既地方，張凳長闊高都冇乜分別，淨係每行之間距離好似多少少。
有個無座既人企係度挨住我張凳，其實我都體諒無座辛苦，但萬一佢放屁我就玩撚完，一定噴到一面屁仲要書呀褸呀全部吸晒味，一諗到咁我就好唔安樂。真係冇乜事幹都唔好返廣州。
訂閱：
文章 (Atom)