Day 2 箱根: 箱根神社, 蘆之湖

- 醒來發現正呼吸著日本的空氣，好幸福


- 美好的一天，由完美早餐開始。Bnb竟有蛋有奶，對煮食非常講究的大廚瘋，為了沖出特滑咖啡，特地將牛奶煲熱加進去; 炒蛋要加牛奶加牛油，好好味

日本人, 連bnb個多士爐都咁有意思

東西都用高檔貨

好想拎個紙巾盒返屋企

- 食尋晚買既桃桃，冇感想，因為有戇鳩仔誤將個桃放左入冰格，我咬落粒桃既每一啖都覺得自己係食緊沙冰

- 租車行既女職員好靚女，親切既笑容，誠懇既態度，好想邀請佢上車一齊去箱根

- 揸車車去箱根，方便快捷輕鬆。高速公路人人超速，我地不幸畀隱形戰車捉到，唯有係咁同警察講sorly sorly first day japan，警察好好人屎放過我地，好野，繼續超速先

休息站食雪糕

- 箱根大街，其實都是賣手信，冇乜感想


- 本來是要去大涌谷的, 但去到才發現原來去年開始附近有火山活動所以關閉了. 我還很期待吃黑玉子的說, 事前還很擔心黑玉子只包長壽不包健康怎麼辦. 現在沒有這個煩惱了.


- 箱根神社，好多綠青苔，好寧靜好平安，好多參天巨木，猶如哪啊哪啊神去村，除左有d大陸大媽嘈嘈閉，每條柱都要擺pose合照

- 事業心好重既阿瘋好堅持要拜九頭龍，自從佢拜完之後，一有機會就講關於大業/大葉既爛GAG，GAG既水準始終如一的低。


- 蘆之湖旁的七仔，收銀妹妹好靚好可愛，我地話要ミント，佢畀左口膠我地，聽唔明我地講乜個不知所措既樣好可愛，好想日日睇佢個腼腆樣

基因異變魚蛋

普通貨色

- 坐在湖邊食雪糕, 食薯條, 鳩up一通，好悠閒好舒暢，明明天氣麻麻地，個湖又冇乜好睇，但因為呢個湖邊閒聊既畫面，蘆之湖變得好有意思

連雪糕筒都咁有意思, 日本人

- 酒店包晚餐，原來係buffet，冇乜特別，仲以為會一人一份懷石料理。其間蓮講左個好爛既GAG：弱版小智即係弱智。幾咁戇鳩無聊既一個爛笑話，但我地好唔爭氣咁笑左好耐。可能飲左酒，加上環境問題，笑點變得好低，食得開心暢快。

成餐飯最特別係呢個九宮格

- 浸溫泉，我自己去睇女(當日有首爾梨大既學生團體入住，但奈何我浸個陣唔見佢地)同d大媽一齊浸。舊年係有馬溫泉個邊浸過一次唔知係算唔算溫泉既野，我覺得那比較像浴室，點知今次所謂溫泉酒店，個溫泉都係浴室feel，水似清水，好在冇乜人浸，浸得自在。浸完發現化妝檯好多護膚品，peeling甚麼乜都有，連我呢個向來不修邊幅既人都玩左好耐，腳底按摩機又玩下，大鄉里係咁上下


- 食蘆之湖七仔買既山梨縣桃桃，好撚好味啊屌，極多汁，超甜，夠熟，冇得輸，可以問鼎我有生以來食過最好味既桃寶座！完美啊！


- 幾乎每晚一撻落床就訓著既我，呢晚花左好大工夫先訓著，仲要半夜醒左訓唔返。聽日就上富士山，有d緊張，枕頭又唔係幾好訓，又要聽住好嘹亮既鼻鼾聲