阿連演唱會

其實我暗地裡鍾意連詩雅，剛剛賣身社會個陣，成日返工都聽佢d歌，個種情意結大概好似d人要睇twins演唱會咁。加上睇矛盾，覺得佢表現出黎既性格幾傻幾天真，好感度再上升。

友人問我個演唱會好唔好睇，我打左下面呢段野，佢地話我形容得好有畫面好撚好笑仿如在場睇左live。哈哈 哈哈 哈哈。

1，個場全程煙霧瀰漫，感覺好污煙瘴氣。大量女觀眾又著到戰鬥格咁，大露背短裙斗零踭，好奇怪。坐隔離條女又滿口英文唔講中文，我以為自己去錯地方。

2，連氏唱得都唔錯，feel 到真係有用心練過，唔係淨係賣腳，live 好過吳若希好撚多

3，嘉賓有欣宜，驚喜既; 鳩拍豪出現係預計之中，我冇興趣

3，血一般紅個陣激嘴一條女，但我又唔覺咁樣有令氣氛高漲左，只覺得做乜鳩

4，連詩雅：傳媒畀左好多花名我，大家知唔知係乜？(全場dead左，bombom棒聲都靜下來)(我心諗，你唔係想我大叫公廁下嘛？)唔知呀？係慘情女王啊…(sor9我未聽過)

5，可能我坐得後，觀眾唔太專心，我睇睇下聞到鹹魚味，望附近，屌見到同一行有人食緊魚乾，仲有大陸個d真空獨立包裝豆干。友人話其實可能係公廁味。

6，開場冇耐佢就話自己bra帶斷左，我望真d，個條膠質懶係透明既帶真係得返一邊。友人話佢唱到bra帶斷，專業程度值得拎金針獎，又話佢應該係𠝹到條帶爭少少斷先出場。屌你笑撚左。

7，encore 左算係三次，好。希望下次會唱多d其他人既歌，今次唱左王菲開到荼蘼同鄭融終身學習。總結：正常好睇，基於是次演唱會聲色味俱全兼活色生香，下次再開騷都要支持。