Day 1 成田

- 好撚緊張，未試過同呢個組合去旅行。我竟然破天荒提早兩晚已經開始執包袱，出發個日仲極早醒左。而緊張豬既似乎唔只我一個，其他人好似都訓得唔係幾好。媽，好緊張呀。

- 仍然覺得能夠成團好不可思議，呢個組合話去旅行都講左應該有兩年掛，但(我一直都覺得)得個噏字。明明早幾個月聽舊生會旅行仲好感慨，點知忽然間又峰迴路轉機票都買埋。媽，unbelievable啊。

- 冇乜做過野已經final call，仲有條友自己入信用卡lounge大吃大喝，搞到final call先現身。

- hx真係正野黎，a330，等起飛時播著千禧年代經典金曲：灰姑娘，shall we talk，唔記得邊首twins，仲有新d既他約我去迪士尼。出發一刻能夠聽住盡情愚弄我吧，好幸福。

- 有個短髮空姐好得意，有d似呂慧儀，我好鍾意，佢一顰一笑都看在我眼內了！開心~

好耐冇試過有空姐問我chicken or fish了好撚感動

- d人好麻煩，無啦啦唔見入境卡又唔知地址填乜又冇筆，然後再搞下電話卡，搞到要坐尾班jr。

- 係月台影相畀叔叔笑，可能個樣太白痴

- bnb host好好人，特登黎接我地，間屋好靚靚，廚房設備極齊全，焗爐都有，又包早餐，竟然有蛋蛋，本人好滿意


- 第一餐食拉麵，好大碗，好飽飽，好味味

極mk牛奶妹

右路好食，大大粒夏威夷果仁

- 電視仲有櫸坂46迎接我，開心

slam dunk，夢拉龍，空洞的十字架，初戀這件小事，下女誘罪，怒海公民，水手服與機關槍卒業

最近日理萬機，接連衝了幾本書。作為本年度第三季的開端，這成績(比起上一兩年)算不錯。


- slam dunk，很久沒看漫畫，因為即將會去鎌倉，所以翻炒。明明已經知道劇情，還是看得熱淚盈眶，差點在地鐵哭出來，好尷尬。我這麼愛看熱血類，大概是因為平日都過著死翹翹的生活吧。然而現實是赤木和木暮終究要畢業，kobe和td也要退休，贊路比利月底都三十有九了，離退休也不遠矣。唉。



睇到我好想打籃球

- 夢拉龍，家母又從圖書館捧來一堆林詠琛，看這本是著謎系列的外傳我便讀一下。還是上帝說有光就有了光的老問題，搞很久最後三言兩語便將事情解決了，其他無關痛癢的篇幅則長篇大論，長氣到死，短期內都唔睇林詠琛。


- 吉洞的十字架，聽說讀完會不敢去青木原樹海，我很有性趣，周末急不及待馬上去圖書館借了。或許是因為知道真正的樹海並不如封套般陰森，所以讀完又不至於不敢去，但仍然無損好看程度，一下子就看完。最近都沒讀到令人印象深刻的書，能在鬱悶中遇上東野圭圭真的太好了。

日本人對社會現象的批判太到位，死刑代表甚麼，坐監又能怎樣，誰有權決定他人生死，雖然不是甚麼新議題，贖罪的部分讓我想起(湊佳苗的)贖罪，但這故事寫得太精彩，不得了。又雖然吉洞的十字架這個term忽然出現在對話中很突兀，但卻是極到肉的比喻。

封面真的有個空洞的十字架，十字架背後還有一片藍綠tone樹海，這設計簡直無懈可擊，好有意思啊。


- 初戀這件小事，聽講我的少女時代似呢套，的確係，都係中學暗戀+醜小鴨變商天鵝既故事。一貫秦國片既節奏，但枝節太多劇情有d散，但都好睇，女主變返靚之後真係好靚。


- 下女誘罪，太好睇，真係好撚好睇，好慶幸自己有睇。145分鐘冇悶場，服飾場景精緻華麗，燈光鏡頭一絲不茍，兩個女主一絲不掛，身材唔大唔細岩岩好，金泰梨非常靚女，100分!!! 同朴贊郁真係相逢恨晚。


- 怒海公民，拍難民偷渡去歐洲既紀錄片。好悶，好多好似冇乜意思既鏡頭。


-水手服與機關槍卒業，主要是為了看唯唯，其次因為原著作者係赤川次郎。But垃圾，真係好垃圾。Cult 片黎，鏡頭係咁搖係咁轉，頭都暈，有冇考慮過觀眾感受？暈到唔想睇，剪片條友唔覺暈嗎？劇情推進太慢，好多時根本原地踏步，我訓左陣，訓醒都冇事發生過。

赤川我中一鍾意睇，睇左好多本之後覺得佢愈新個d愈唔好睇，然後就冇再睇。如果水手服原著真係咁樣，咁真係好彩我一早就唔睇。

全場最好睇既部分竟然係完場有抽獎，獎品係畫冊，簽名碟，最後仲有橋本環奈1比1咁大既紙板，全場爆笑。個個領獎個陣都猶猶豫豫一臉尷尬，唔係好想出去咁。可惜我唔中，我好樂意去領獎。

倒數四日

- 原來跳最炫民族風大媽舞，仲攰過跳鄭多燕，現在兩條大脾酸掉了。可是為甚麼大媽們好像沒有瘦下來


- 五十日背遊中美好好睇，睇到最後一集，尾聲那刻我很想哭，很不想旅程結束啊(儘管不是我的旅程)，好想rewind回到三年前在南美的日子，那是我迄今最長的旅行，也是我去過與香港距離最遠的地方，打破我對common sense 的認知，發現世界另一種運作方式，體會長途旅行才有的感覺...仆街了，已經大拿拿三年前了...而重點是好唔想旅程結束，好唔想節目完...


- 仲有四日出發去富士山了，爺又怕又期待，坐立不安的愛

修端在公司un了一天腳，有點空虛。

柒壹，修端在公司un了一天腳，有點空虛，想食噢嘔。

修端要了淨炒蛋和蓮子蛋茶，光速吃完，伍拾圓正。修端揮金如土。

噢嘔蓮子蛋茶其實世界級，沒有桑寄生的湯底透明清澈，蓮子被廚房屌得很鬆化，蛋既非蛋花也非烚蛋，蛋黃溏心，蛋白如嫦娥那件無縫天衣般白滑輕柔拖尾，好pure好ture。

以往柒壹，總有一種空氣，一種壓力，教你不敢承認自己沒去遊行。今年氣氛完全改變，出席遊行的同輩少了許多，柒壹變回一個盡情宣告自己吃喝玩樂的假期。

貳零壹陸過了一半，修端甚麼也沒做過，卻也不知怎樣才不浪費生命，旅行就等於充實嗎？

生活淡淡似是港豬。

- 由於儲下太多鐘，六月被逼瘋狂day off，爽歪歪。上星期去了深圳，呼吸國外的空氣，吃又平又好味的地溝油。深圳通脹嚴重，面點王現在也不便宜，一份醬骨架要三十幾。潮泰倒還算便宜，28一碟肉，性價比高過面點王。返大陸少不了入手老壇酸菜麵，其實香港應該也有但我就是喜歡在大陸買，是習俗。另一習俗是吃walls 千層雪糕。






- 大陸銀行職員辦事爽快迅速，客又不多不用等太久，比香港好。


- 原來在羅湖關口可以看到兩個麥景陶碉堡。

No filter 

- 與一位三年前在天空之境(旱季)遇上的香港朋友敍舊。很少能和旅途上偶遇的人(不論是否香港人)keep in touch ，回想起來好像也只有這麼一位。即使是一起在外地玩得很瘋瘋到一起去廁所偷廁紙偷足三星期的香港同班同學，回港後也可以沒有下文，所以我更珍惜這位天空之鏡(旱季)朋友。


- 他四字頭，是一枚自稱仆街中產的中產，平日吃好西，跑跑步，玩下筆(有次在施德樓遇到他)，談吐用辭年輕貼地(例：糟溜魚片甜甜地有酒味，類似酒釀丸子d friend ); 放假去旅行，旅行會在當地跑馬拉松甚至去山中禪院靜修。希望我到他那年紀仍能像他一樣，興趣廣泛，活得年輕，對世界不失好奇。

泰豐樓

- 日文溫到第五課咁大把，我果然是偷懶的天才




- v要返工了，重投港豬生活。他返工前最後一天我們去了蘭桂坊食巴西燒烤當午餐，離地得很。好味，埋單不用200，抵，但午市烤肉款式很少。好懷念南美的good old days。

呢種豆，真係巴西味，懷念

- 路經屁桃cafe，v竟提議入內，實在令人吃驚，難道有工開會令人情趣值急升嗎？




- 徐佳瑩演唱會。當年有睇星光3，早幾年又去深圳睇佢音樂會(免費)，好好聽。今次star hall搞，本來覺得個場好濕鳩，入場秩序混亂，座位又唔係梯級設計，個場又細，後來又覺得細有細好，不過秩序真係好撚濕鳩，指示又少人手又少。


- 徐佳瑩係咁唱係咁唱，水都唔駛點飲，好犀飛利，講野又幾好笑，仲廣東話唱下一站天后同喜氣洋洋，真好玩。twins 歌真係太耳熟能詳，intro凳凳燈凳鄧已經大家已經知係乜歌，全場哄動。首歌由徐佳瑩唱幾有意思。好用心既演唱會，下次有都要再睇。最後，我唔明點解d人係咁拍片，偏偏下一站天后同喜氣洋洋好少人拍，唔係呢d cover 先最值得拍？

$680都係睇兩個頭中間條隙

- hebe演唱會。其實(以為)冇聽開，係v逼我睇，點知原來我好多首都聽過。Hebe唱live 都好得，絕對唔係花瓶。過場會播d好文青好鄺字俊定鄺俊字既濕鳩文句(sor，真係覺得太矯情)，台灣人真係好鍾意講大愛。舞台佈置好靚，hebe都好靚。




- 最近聽梁基爵同梁詠琪，made my day。詠琪當年既妝同造型而家睇返都唔娘，好襟興，非常難得，好多人既造型都好不堪回首。