愛, 不由自主

- 上次方寸見人心咁閪悶, 我都冇逃跑, 今次呢套真係頂唔順, 成2 小時 16 分鐘, 但係劇情毫無推進, 有村架純同老師兩條友係度ee哦哦婆婆媽媽, 係咁回憶, 真係睇到好難受, 睇左一個鐘就走左, 止蝕要緊, 我真係人生第一次睇戲睇到棄糊.

- 如果唔係因為有村架純, 我先唔會入場, 戲名已經娘屎, 劇情對應返戲名一樣咁老土, 講師生戀. 老師都知有村架純冧自己, 但係佢又冇明確拒絕, 又咀人, 咀完話唉呀都係唔得我唔可以同你一齊! 哇屌世紀大仆街啊! 蓄意博懵啊! 你係就係唔係就唔係啦, 糾結左成個鐘, 飾演老師既松本潤又唔靚仔, 真係睇到我好躁, 好想摑佢兩巴.

- 劇情太過唔吸引既關係, 我唯有將注意力擺返係我既入場(唯一)誘因上, 即係欣賞有村架純. 但係套戲太悶閪, 架純巧婦都難為無米坎, 根本無戲可演. 欣賞唔到架純既演技, 我唯有將範圍再收窄, 淨係欣賞架純既顏值. 我發意架純左邊個pat頭髮, 真係無論任何時候都會緊貼塊面, 顯瘦遮大面功效極為顯著, 真係好犀飛利.

- 我研究pat陰研究左一個鐘, 我覺得足夠了, 就起身拂袖而去了.

方寸見人心

- 榮獲奧斯卡「最佳外語片」提名，康城影展最高殊榮「金棕櫚獎」得獎作品。見係黑色幽默, 即刻深表興趣, 惜場次甚少, 好不容易才找到時間去看

- 諷刺人性, 冷漠vs仗義, 以為自己企係道德高地到頭來都係小人一枚.

- 一開頭都幾有趣, 但係中段開始頂唔順, 好不著邊際, 懶有事咁, 講黎講去都冇乜推進, 或者係我水平低。片長仲要151分鐘, 咁長, 睇死人了

- 最莫名其妙個段, 正正就係宣傳海報上個一幕, 話說一個宴會上, 請左個馬騮人黎表演, 後來馬騮人失控, 企圖強姦女賓客, 嗌help嗌左好耐都冇人夠膽上前幫忙制服馬騮人, 後來終於有一名男賓挺身而出, 其他男賓見狀即跟. 男賓客d反應相信現實中都會係咁, 不過成段戲誇張失控到同整齣戲唔係好夾. 怪怪的.

- 雖然我中段打後已經自暴自棄, 但係都堅持冇離場. 其實真係有冇需要做咁長? 真係好考驗觀眾專注力.

習總

加強文化市場監管，廣泛推廣全民健身，推動社會治理創新，依法推進公益落實信訪工作責任制 依法懲治黑惡勢力，大力整治社會治安突出問題，打造人類命運共同體

講咁耐都冇講過野，好唔簡單。

大樂師為愛配樂

- 支持港產片, 故事簡單但幾好睇, 係完整既小品故事 (真慘, 而家d劇本已經鳩流到「完整」已經好好...)

- 又鄭中基又顏卓靈, 冇諗到竟然落得咁快, 上映一星期就幾乎收皮, 會不會是改壞名? 因為我本來齋睇戲名以為係日本職人戲, 我幾鍾意睇職人戲, 但係呢個戲名好娘所以冇興趣, 後來見係港產小品先有返興趣

- 以為故事會集中係綁架後, 點知原來主要係講綁緊架, 估唔到.

- 大力妹忽然多左好多女裝衫著, 好突然, 唯有自行腦補係鄭中基買畀佢

- 見到金培達, 好開心

- 顏卓靈明明都已經唔知第幾次謝票, 但講野仍激動猶如第一次, 啊佢真係好投入好緊張套戲

- 拍得西貢好靚, 魚排屋好靚

- 鄭中基正路, 顏卓靈普通但不討厭, 特登學彈全首歌其志可嘉, 蔡潔點解仲有得撈

- 現場觀眾問非所答，問佢點樣知道有呢套戲，佢就講睇唔到三點半個場, 呵呵

廣告牌殺人事件

- 岩岩睇完個陣覺得好正, 劇本好多message, 亦好岩套用係香港

- 公義是否應該被情感左右? 生cancer唔駛查案呀? 人地就黎死都仲要逼迫人真係大仆街, 就算有道理都好, 搞鳩有病既人就係唔岩! 抗爭時講粗口真係大仆街, 無論點都好, 講粗口就係唔岩!

- 本身探討「公義是否應該被情感左右」呢個議題係好好, 難為正邪定分界, 我岩岩睇完個陣都好欣賞, 但係諗深一層, 本身好壞既差人Jason Dixon後尾變返好人, 顯得老母被憤怒左右爭d燒死人, 變左聚焦憤怒, 你憤怒幾咁唔好呢爭d燒錯好人.

- 本身明明講緊公義vs情感, 而家扣連憤怒, 咁咪即係講到老母最初既申訴係基於憤怒?  將尋求公義既人歸類成尋求憤怒宣洩, 咁冇野好探討啦, 前面既討論亦冇意思了.  憤怒當然會帶來蒙蔽同仇恨啦, 這message太淺陋.

- 結局差佬+老母呢兩個憤怒得不到抒發既人, 搵渠道宣洩, 私了, 咁又是否公義? 或者「合法途徑是否能彰顯公義」都係套戲另一樣想探討既野, 但係而家實在太focus憤怒, 討論失焦, 冇集中命題, spin走左原本要討論既野

- 畀人掟落街既人放下仇恨, 寬恕差人, 呢個位亦係關於憤怒, 而且又係相當淺陋.

- 睇過一套叫《怒》既日本電影, 裡頭的人的憤怒大部分都莫名其妙. 比較起來, 《廣告牌》改名叫《怒》更貼切

- 睇個陣好疑惑點解差人有時叫dickson有時叫jason, 以為佢畀人恥笑改佢花名叫dickson, 點知上網查先發現原來佢叫Jason Dixon.
Cambridge Dictionary: dick翻譯：陰莖, 陰莖, 人, 笨蛋，傻瓜, 偵探，警探。

- 無法忽視老母那個真的跟師奶一樣的身形

- 不過《廣告牌》依然都係好睇既

芳華

- 好睇, 馮小剛作品, 大陸電影真好看, 不過會在香港上映的很少, 而且唔知點解通常上爛片.

- 余香凝好岩做芳華女主角, 有氣質, 看起來像有經歷的人, 睇個陣不斷諗起佢

- 林丁丁最唔靚，但咁多人媾

- 打仗前好好睇，睇到我想入伍, 解放軍文工團又可以食雪條，著泳衣係泳池游水，仲可以互flirt. 我係微笑住咁睇. 雖然我知道這只是電影情節.

- 但自從打仗後就想嘔專心唔到, 本來我係食住提子乾咁睇, 一去到打仗就好多血, 睇到想嘔, 就黎暈低, 好堅強咁堅持睇完先至去廁所嘔

不得鳥小姐

lady bird

很喜歡看少男少女的成長故事, 那些叛逆歲月很有共鳴. 就算走歪了,  轉個頭又係一條好漢, 人生還是充滿可能性, 青春真好啊, 有個句講個句, 堅持買書唔去圖書館借, 只係因為想係床上面睇書, 簡單直接. 有時又口裡說不身體卻很誠實, 愛老母, 愛土地, 對男友口硬心軟.

硬頸老母同個女一樣口硬心軟, 結局很淡很溫柔, 細水長流, 滾動死了