方寸見人心

- 榮獲奧斯卡「最佳外語片」提名，康城影展最高殊榮「金棕櫚獎」得獎作品。見係黑色幽默, 即刻深表興趣, 惜場次甚少, 好不容易才找到時間去看

- 諷刺人性, 冷漠vs仗義, 以為自己企係道德高地到頭來都係小人一枚.

- 一開頭都幾有趣, 但係中段開始頂唔順, 好不著邊際, 懶有事咁, 講黎講去都冇乜推進, 或者係我水平低。片長仲要151分鐘, 咁長, 睇死人了

- 最莫名其妙個段, 正正就係宣傳海報上個一幕, 話說一個宴會上, 請左個馬騮人黎表演, 後來馬騮人失控, 企圖強姦女賓客, 嗌help嗌左好耐都冇人夠膽上前幫忙制服馬騮人, 後來終於有一名男賓挺身而出, 其他男賓見狀即跟. 男賓客d反應相信現實中都會係咁, 不過成段戲誇張失控到同整齣戲唔係好夾. 怪怪的.

- 雖然我中段打後已經自暴自棄, 但係都堅持冇離場. 其實真係有冇需要做咁長? 真係好考驗觀眾專注力.