芳華

- 好睇, 馮小剛作品, 大陸電影真好看, 不過會在香港上映的很少, 而且唔知點解通常上爛片.

- 余香凝好岩做芳華女主角, 有氣質, 看起來像有經歷的人, 睇個陣不斷諗起佢

- 林丁丁最唔靚，但咁多人媾

- 打仗前好好睇，睇到我想入伍, 解放軍文工團又可以食雪條，著泳衣係泳池游水，仲可以互flirt. 我係微笑住咁睇. 雖然我知道這只是電影情節.

- 但自從打仗後就想嘔專心唔到, 本來我係食住提子乾咁睇, 一去到打仗就好多血, 睇到想嘔, 就黎暈低, 好堅強咁堅持睇完先至去廁所嘔

不得鳥小姐

lady bird

很喜歡看少男少女的成長故事, 那些叛逆歲月很有共鳴. 就算走歪了,  轉個頭又係一條好漢, 人生還是充滿可能性, 青春真好啊, 有個句講個句, 堅持買書唔去圖書館借, 只係因為想係床上面睇書, 簡單直接. 有時又口裡說不身體卻很誠實, 愛老母, 愛土地, 對男友口硬心軟.

硬頸老母同個女一樣口硬心軟, 結局很淡很溫柔, 細水長流, 滾動死了

血觀音

- 成齣戲就係你陰鳩我我陰鳩你, 其實同tvb八婆劇爭產劇差唔多, 成班人個個都係孽念深, 宮心計

- 懶係懸疑咁, 實情一睇就知邊個係final boss, 因為佢個款很有事

- 文淇演得好好, 發揮多過惠英紅好多. 吳可熙都幾好, 好有風塵味

- 諗唔通點解對白要普通話+台語+廣東話夾雜? 代表三面不是人?

- 咪話我鳩噏係咪都屌, 我睇完戲仲睇晒三篇導演寫既相關小說, 睇完都係覺得well, 嗯, ok。

- 「愛是這個世界上最重要的事」... 怎麼聽起來很廢話...

與神同行

- 悶到閪咁，睇完第二個審判已經悶到想走, 審判果然好難捱

- 個d所謂既罪都唔撚係罪黎，唔通我話世上有聖誕老人又係講大話，做作家又有罪? 戇鳩

- 故事係講死後會經歷幾次審判，每次審你都有一個名堂，例如說謊、殺人、怠惰，類似七宗罪。次次審判個官提出所謂既罪都唔撚係大罪黎，極度鳩流，每次最後都係出超必，拎塊「業鏡」出黎睇清楚成件事動機，最後話「喔原來係因為有苦衷，所以佢先至講大話/殺人, 一切都係美麗既誤會, 無罪!」。人在江湖係咁身不由己, 好多野背後都有苦衷嫁啦, 咁好多人都冇罪啦。D判官又咁鳩流，查清楚先啦嘛冚家鏟, 為左做靚條數就亂鳩告人, 難道呢個現象係本故事諷刺既野? between，次次搞唔掂就用業鏡，loop幾次，好悶

- 又話係貴人咪又要審，貴人呢d濕鳩虛銜. 難道呢個又係本故事諷刺既野?

- 傻仔當兵唔係做下樣咋咩，點會畀傻仔揸槍咁戇鳩？同埋細佬個怨魂應該纏住生葬佢那個上尉吧，點會走去纏傻仔？

- 睇到我滿腦子雜念，於是我偷望現場觀眾，好多人喊，最多人喊係最尾細佬同老母對話。話說主角老母係啞既，最後無啦啦識講野，母子盡訴心中情。正當我有少少感動時，神明一句話：「而家係個仔向老母報夢既夢境，因為係夢，所以老母識講野！」我即刻鳩縮了，解釋唔到既事就話係發夢，中學生寫都覺得羞恥啊，0分重作啦

- 最尾個天倫審判話只要對方原諒佢就當冇罪，咁唔駛審啦，唔駛法庭啦，寶馬山雙屍案d童黨都算冇罪啦，推翻晒成個審判制度

- 好睇既話我唔介意佢鳩噏，寧要不通莫要平庸，弊在唔撚好睇。雖然韓劇/ 韓片好聰明，有牽引觀眾情緒既formula，但係呢齣戲應用得好差，極度堆砌，似係上頭話「呀好似唔夠刺激喎，不如加d打鬥」、「想發人深省d喎不如加d警世bite」、「多d感動位我要觀眾淚奔」，將一堆居心叵測既橋段炒埋一齊，好難受

忘形水

- 覺得shape of water好悶，我想我其實是個冷血的人

- 大家好我是小美，今天要說一枚啞女愛上水怪，救水怪逃走最後死了的故事。由於啞女有同水怪扑野，所以算是成人版的獅子與我吧。我說很吸引是不是？

-冇乜刻劃過佢地感情，啞女唔係漸進式愈來愈愛，佢係零到100，一見鍾情，第一次見到有隻野，第二次帶雞蛋，第三次音樂，第四次畀人打，因為水怪就黎要被解剖，所以啞女救走佢，水怪成為很感激忠實的狗，救完就扑野

- 我完全代入唔到，佢地都唔算好溝通到就已經話愛上，令人不禁覺得係啞女所謂的寂寞其實是閪痕

- 對了，薄弱無力的不是對愛上過程的描寫，是關於寂寞的描寫，佢對寂寞既描寫僅僅只有自慰啊，根本是個閪痕女搞上水怪的故事。套戲都冇講到啞女點樣寂寞法，佢有個好了解佢既黑人朋友，又有個願意為佢赴湯蹈火既鄰居，佢究竟有乜寂寞？不要無病呻吟吧。又，自慰就代表佢渴望愛情？有乜證據表示佢係渴望拍拖？如果只有自慰咁即係純粹閪痕？

- 啞女話水怪不知道她是啞的/人類應該識講野的概念，所以在水怪眼中，她就只是個普通人，同埋佢覺得水怪同佢一樣都好寂寞，所以佢愛上水怪了。佢覺得水怪有智慧識學人話，覺得佢有感情，但係我眼中水怪同佢扑野只係生物本能，水怪都餓得耐，畀人由家鄉捉左黎人類世界之後就冇得扑野，揭人衫領博懵，你除晒衫送上門佢咪伸碌鳩出黎囉，所謂相愛根本只是啞女一廂情願

- V話佢地係相知相愛，但係水怪明明連野都唔識講，所以根本唔知佢係喜歡定係愛，係呀佢見到啞女係好開心好期待呀，我亦認同水怪真係有智慧同感情既，但我覺得都係寵物level，養狗隻狗見master返屋企都會擺晒尾啦，平時又有野食又有野扑又服侍周到，作為pet既水怪梗係開心豬。master被殺，pet就憤怒殺返對方，很合理吧，啞女同水怪根本那只是master and pet的level，有邊個位睇到佢地係相愛？你話佢地係親情/友情既話我覺得合理，但係愛情真係唔撚make sense

- 聽講愛情係唔撚make sense，好睇既戲都可以唔make sense，係呀，不過唔撚好睇丫嘛，點解係都要有愛情線？拍到et咁樣就有說服力喇，人地真係刻劃到個份難離難捨既感情（不過都唔係愛情），呢套做唔到，shape of water扑個野就話係愛，真係令人戰慄既童話

-戲名叫shape of water，大概是說愛情超越外在形態之類吧。另外黑人、啞女、gay鄰居、水怪等，幾乎全部角色都係弱勢小眾，主旨好浪漫，喻意好深遠，但係都要呈現到先得，而家你說愛情來了就來了，你說寂寞就寂寞了，為左營造苦戀而夾硬浪漫，眼高手低

- 我絕對唔會否認套戲畫面唯美，女主演技超凡，剪接用心兼優美，但係瑜不掩瑕，劇本唔紮實，賣弄幾多技法都冇用，淪為杜可風《白色女孩》之流

- 上校要老婆cosplay啞女，話鍾意啞女呢個設定，有乜用意？是咪代表呢份感情都好shape of water都好忘形？如果接受到啞女戀水怪，咁點解又要覺得上校愛啞女係變態？

冰之驕女

呢個故事教訓大家唔好亂咁識埋晒d戇鳩仔

我想吃掉你的胰臟

幾個月前我曾激烈推介，嚴重推介呢本書(重溫)，如今套戲上左，我梗係要睇下。

唔得，唔撚得，簡直係差。

1，戲應該係想拍大路穩陣既絕症純愛路線，即係一公升眼淚，在世界中心呼喚愛，太陽之歌，新不了情呢d，絕症冇未來個位會好開朗樂觀咁鼓勵身邊人努力活下去活埋佢個份，呢個路線通常都大賣。

2，弊在胰臟拍出黎好似觀音收兵，淨係覺得條姣西霸王硬上弓，逼條仔同佢玩，但係唔多睇到男方有愛上佢，做唔到書裡描寫既內心活動與轉變，實在無法說服我呢兩個人係相愛。我淨係覺得條女撚狗，條仔被撚狗。

3，套戲捉錯用神。男女主之間唔只係愛，仲有種互相仰慕，想成為對方一部分既情感，已經超越左愛，唔只係愛，大概係戀人+摰友+soulmate既關係，即係想吃掉你的胰臟。可惜套戲拍唔出呢個感覺，解釋何謂「我想吃掉你的胰臟」太過倉卒，匆匆用獨白帶過就算，冇睇過書既人應該唔會覺得好觸動。

3，書裡面女主臨死前，男主send左個sms畀佢，由於女主死左，男主送出既訊息得唔到回應，所以好想確認土主是否知道自己既心意。於是男主去搵女主媽媽拎女主部手機睇下佢read左未。我覺得呢個舉動係相當重要，係好牽動情緒既一段，但係電影竟然冇呢段。

4，呢段之所以重要，亦基於男主性格設定。書裡男主係個冇感情冇喜怒哀樂，視人類如死物，好抽離咁去睇世界既人。大概呢個設定比較超現實，所以電影就將男主簡單化，係個低調內向唔鍾意同人溝通既宅男。亦因為咁，當電影中男主坦言覺得開心時，女主甚感欣慰；男主睇完共病文庫後，亦問左女主媽媽一句：「我可唔可以喊」，呢兩個情感流露對男主呢個角色其實係好重要，不過電影簡略晒呢d細節，冇睇過書唔會覺得係重點。當男主既電影性格簡單化，成套戲就變得好平凡了。

5，拍親純愛絕症片既女主通常都爆紅，例如澤尻erika，長澤正美，綾瀨遙，yui，袁詠儀。濱邊美波都靚既，但奈何笑得好肉酸，成日港女式微笑咁抿住個嘴笑，條法令好核突。唔夠靚唔緊要，笑得甜可以搭救，但係夠靚而笑得樣衰，真係大鑊，仲要扮開朗少女，好難頂。仲要唔夠可愛但係裝可愛，裝傻瓜，作為觀眾真係好難受，好想摑佢兩巴，問佢係咪以為自己好可愛？又講埋晒d智障野乜野圖書館索書號點解要有小數位，書唔駛跟次序擺都得啦尋下寶先有意思，之類。呢d弱能問題如果由醜女把口問出黎，一定畀人屌到反艇，但係靚女問的話，大家都比較能包容。不過我依然覺得濱邊美波將女主演繹得好智障，裝可愛以為自己好可愛，根本姣西八婆。電影前半佢未死個陣好煩，我忍唔住問身旁的v：「佢死得未？」雖然我唔鍾意呢位濱邊美波，不過佢似乎都好大可能好似其他前人咁，因絕症純愛片而走紅？拭目以待。

6，女主死後反而好睇左，比較跟據原著劇情。呵呵。

7，mr children首主題曲幾好聽，但係戲裡面冇播過，淨係最尾end roller個陣播，好似有d浪費。

8，總的來說我覺得套戲唔好睇，冇晒書中精粹，徒具其形。女主未死個陣好悶，悶到想訓。不過同場都好多人大受感動啜泣既。

笑到抿住個嘴咁唔知做乜鳩，條法令特別核突。