day 4 里斯本去波圖：羅卡角、sintra、Santa Catarina商業街、Capela das Almas藍色教堂

- 今天是自駕的日子, V考到車牌以來我都沒坐過他的車, 實在可惡. 這次會由里斯本開去波圖, 沿路會去羅卡角, SINTRA, 花地瑪等, 好野有得坐車車

- 一早就去攞車, 職員又未返工, 返到黎又唔知點解少少手續都搞好耐, 再後來終於有一個真係識做野的員工返到, 終於成功攞車, WOW~~

- 開心坐進車車等出動, 點知原來架車冇GPS, V遞來開著GOOGLE MAP的手機, 要我負責指示方向. 啊!!! 我諗住黎鳩坐冇帶腦, 點知而家突然話靠晒我, 我活潑的心像下沉掉, 唉掉那媽頂硬上, 15分鐘姐, 先去到羅卡角再算吧. 神經崩緊, 死命盯著電話上移動的地圖, 唔敢HI到電話其他掣驚去唔返呢頁, 結果還是點錯路.

-  眼看原來15分鐘的路程變了30分鐘, 我活潑的心像下沉掉, V雖然沒有很不滿, 但也道出事實是現在走的路塞車了. 活潑的心像下沉掉, 繼續努力指示方向, 除了看電話也要看路面, 還是不太能掌握架車幾時去到要轉線的地方, 我看地圖以為未到, 可是其實駕駛者已經要及早決定是否該轉線了, 結果我還是會因此錯過轉線的時機. 我已經很努力了, 不禁想起黃洋達說日本漫畫由以前的「友情努力勝利」變成近年的「友情安慰減壓」, 呢刻我都好需要

- 幸好之後都是大直路和明顯的主路, 好不容易終於到了羅卡角. 好彩早出發, 繞了路還是時間尚早. 不愧為天涯海角, 真是個很遙遠的地方. 可是去到只見一堆同胞, 天陰的關係海也不藍, 不禁覺得: 就這樣啊? 不怎麼樣吧. 完全沒有感動到, 真是可惜, 感覺像是得到一直在追逐的東西後發現原來真身並沒很吸引.

- 駛過猶如灣岸比賽路線、髮夾彎般的小路後, 來到SINTRA, SINTRA原來是個道路很狹小, 只能單線行車的山城, V邊駛邊說應該不可能找到位泊車了這些城堡我們還是放棄. 遠道而來最後卻只是遊車河, 平時我可能會失望, 但是今次沒有, 因為情況真是嚴峻到我馬上附和, 認同需要放棄. 首先地方淺窄多人多車我不太喜歡, 沿路所見確實沒有一個車位是空的, 排隊入場的人還多到仆街, 總之我不想停留在此處.

- 離開SINTRA, V提議駛去一個唔記得乜名的小鎮, 途中我根據地圖指示右轉, 怎料路面真實情況是有兩條路都是右轉, 我揀了其中一條, V駛進後說好像錯了, 我心諗仆街了, 望著準備跳轉重整的地圖我心裡很緊張, 結果地圖顯示, 路程需時不幸地增加至兩個幾鐘, 屌點撚算, 活潑的心像下沉掉, 每錯一次加個半鐘, 唔撚掂啊.

- 之後又駛了一段, V問我要唔要右轉, 我舉旗不定, 畀個電話佢睇, 同時後面架車因為我們忽左忽右而呠鳩我們, V扭回左方時車身撞上了防撞欄, 呯一聲好大聲, 我驚到瀨屎以為自己要死了, 撞到咁大聲, 仆街了, 架車好似撞到好甘, 被撞那邊車門都開不了. V果斷決定駛回里斯本, 他說我們這樣去不了波圖, 不自駕了搭火車吧. 就這樣我們就回了里斯本 (爭一條街就到車房時我又點錯了路兜了個圈, 唉), 歷時近四個鐘的自駕遊, 完!

- 覺得自己很廢, 我已經很努力了, 可是還是小小事都搞不掂. 車走在公路上駛太快了, 我根本睇唔切. 之前我坐朋友車都只是負責發呆和睡覺, 原來自駕這麼不容易. 在我點錯路時, V也只是最初少許躁底, 後來撞了也沒屌鳩我, EQ真是高到極點, 還說自己的技術也不夠好. 嗚好撚感動

- 好彩都唔係一事無成, 也去了個羅卡角. 更好彩是冇死到, 亦冇撞到人, 已經是極大的幸運. 車子比想像中損毀少, 撞到咁大聲我以為會凹晒, 點知只係車身刷出一大條長長的白痕, 原來車子是這麼堅固的, 平時新聞報導裡的交通意外究竟要點撞法先可以撞到架車變廢鐵? 我不敢想像. V卻說他撞個陣已知只係刷到, 完全沒有覺得會死.

- 租車店那唯一一個識做野的職員要我們付維修費, 可是明明我們買了全保, 他似乎知道有全保這樣東西, 但還是要我們付錢. 其實我們不是不肯付, 但必須搞清楚條數. 職員又很和顏悅色又冇躁底不像要坑錢, 講完一輪最後又無啦啦唔駛我地畀錢, 話有乜事會再打畀我地 (可是我們沒有當地電話不知他可以怎麼打), 另外還有個1 WAY FEE 100歐應該退還給我們, 他又不願即時退, 話佢同公司傾清楚先, 如果真係應該退畀我地, 歡迎我地隨時返黎呢度問佢拎 (我們現在要去波圖了啊怎麼回來?) 反正最後都冇扣到維修費也就算了. 100歐的事這刻跟他再說也沒用, 之後再EMAIL給CS了解了解吧 (退錢單野搞到今日仲搞緊, deposit的1100歐事後被charge了兩次, 明明買左全保嫁喎... (仲要扣左兩次錢!) cs叫我們提供車子損毀相片、維修證明之類, 這些他去問職員比較清楚吧, 怎麼會問個客... 希望快點搞掂) (UPDATE: 10月3日, 終於REFUND了, 不過都係蝕左千幾蚊手續費同匯率, 屌那星, 辣殺!)

- 不要影響心情, MOVE FORWARD去火車站買車票去波圖. 售票處大排長龍, 只有兩個職員. 每次遇到這種情況都不禁覺得歐洲真落後. 排到隊頭時, 有一男子匆匆跑過來說趕時間, 問我前面的男女可否讓他先買, 他們拒絕了, 男子望一望我們, 沒問我們卻去了問我們身後的人. 真是奇怪, 為甚麼不問我們呢? 是因為我額頭刻了個NO字嗎?

- 話說自從來到葡萄牙, 多次被無視. 里斯本街邊常有些人「my friend my friend」的跟人搭訕, 聽說他們會跟你聊天, 趁你分神時其他同黨會pick你pocket. 可是後來我發覺my friend不知何故都對我沒興趣. 試過幾次跟他們目光對上, 幾秒後他們無視我, 卻去了跟我前後左右的洋人講hello my friend. 真是奇怪我的眼神明明釋出了善意, 不過沒人埋身也當然是好事

- 三小時火車到波圖, 感覺跟里斯本很不同, 有點像東南亞的新城區, 又話波圖好靚既, 由火車站去旅館卻沿路都是灰灰的樓房, 也不熱鬧, 條街好靜.

- Santa Catarina商業街, 這邊就熱鬧了, 因harry potter而出名的Majestic Cafe很多人排, 從外面望進去, 係幾靚既, 但又不覺得裝修美到非去不可. 隨意吃了西班牙餐廳, 好鹹, limeade很新鮮一定冇溝水原隻青檸榨出黎, 因為酸到飲唔到 /.\

- 今天做了很多事, 炒車好像已是很久之前的事了.