香港起飛
- 多久沒有好好打自己的遊記，想打的時候沒時間，有時間的時候沒心情
- 雖然一直保持密密出遊，可是我其實已經三年沒離開過亞洲，每次說出來對方都很驚訝，大概我給人的感覺就是一直都去很遠沒停下吧
- 原來很多人覺得由家裡出發去機場的那段路，是整個旅程最開心興奮的部分。啊，我完全沒有，因為已經去太多很習慣哈哈，而且我真的很討厭搭飛機，近年又老是在搭廉航，無法稱得上舒服享受。不過今次我坐阿聯酋啊呵呵，第一次坐，難得地有點期待。a380好大，還分上下兩層，自己位有電視睇實在太好，這樣要熬過8+8的航程就容易多了．還有我好耐冇收到過一人一張飛機餐menu了好感動啊。
- 可是這個飛機上有個細路，大哭大吵的那種，而且就在我後面那行，屌佢老味，我好撚憎細路，我的first flight with emirates is totally ruined.是咁的，我身後那行是一家人：老竇、老母、大仔（小學生）、細仔（手抱）、阿婆定阿嫲，是操廣東話的大陸人，成家都躁狂，講野大聲到好似有耳疾咁。大仔一上機已經好躁底，不斷用「我點知姐！」、「唉得啦！」、「好煩呀！」、「整唔到呀！」之類好唔耐煩好躁底嘅tone大聲講野，本來我只是心裡不爽自嘆倒霉，可是他不停使用一陽指猛篤佢眼前（我隔離個位）的電視螢幕，終於在他特別使勁的某一下，我爆發了，轉身屌佢你唔好再大力篤個mon喇吓，成排凳畀你篤到震晒！佢回應：「what?」屌你老味居然跟我扮聽不懂，明顯這招是有人教的而且已經不是首次應用吧，但係我屌完佢出左氣後又冇咁嬲了，雖然佢what我，但係手指也確實收斂了，咁就由佢。
- 個老竇同老母也是甚躁底，全程八個鐘語氣充滿埋怨、憤怒、不爽，例如當他們想播些片來安撫喊到仆街的死臭b：
竇：（指住我個mon）人地都睇緊港產片啦！
母：我點知姐，搵過晒啦，邊有姐！
又唔知乜事忽然將責任推到空姐和航空公司：
母：呢架機乜都冇嫁！空姐又唔幫下手！
- 我好安祥咁訓緊覺，忽然頭部受到1點傷害，成個人紮醒，原來死臭b丟左隻紙飛機落我個身，我一秒扯火，頭也不回直接掟返隻飛機去後面，屌畀我靜下啦仆街（後來先發現原來身上仲有隻紙船），然後我一邊盤算如何殺死個b一邊入睡。
- 這程機看了《犬之島》（大受好評但我只覺得畫面漂亮內容一般，可能因為我沒有喜歡寵物）、《以青春的名義》（都好睇既，但係內容有點離奇近乎科幻），v看《閨蜜2之單挑越南黑幫》，大仔居然主動撩v話自己睇過啦，然後他們聊了幾句，這近乎是大仔整程機最沒戾氣最祥和的對話，v居然成功收服了死小孩，而且還不計前嫌跟我搭了一句嘴...啊...其實死小孩好好養的話都不會太乞人憎吧，個老竇老母真心唔識教仔
- 我一直以為大 哭大鬧的是個襁褓，臨落機望一望，屌原來條友起碼三、四歲，但係居然仲要人抱住坐，一自己坐就爆喊（所以降落時老母跟空姐有過一場小孩不能扣安全帶自己坐他會哭的這種爭論），咁大個人仲唔可以自己坐，屌呢對父母真係好垃圾，唔怪得大仔咁躁狂，生在這家庭無法不躁狂
- 下機後還見到他們在吵架，喂這樣旅行好嗎，他們好像一點也沒有開心過啊
杜拜
- 機場好多costa coffee，起碼見到六間
- 雖是凌晨，可是第一次來杜拜，還是想入境，搭的士遠觀全球最高人造建築物哈里發塔，路經financial street好多中環一樣的商廈，也是最旺的街，去帆船酒店前下車拍個照，同場仲有其他齋影唔住唔入閘既遊客，果然好多我地呢d咁既人
- 杜拜雖然冇乜野睇，但應該是個幾好hea的地方，到處都是超大型商場，而且各有不同主題造型，不是一式一樣的倒模，例如成座商場外觀是埃及浮雕，雖是杜拜式的浮誇，但是看得出有用心
- 司機是來自南印度的27歲年輕人，他似乎沒有拍拖的概念，覺得我們一男一女未婚去旅行很奇怪
- 這樣機場出發繞一圈再回機場，的士跳標三百幾
- 機場禁區有免費雪糕派，味道還很不錯，開心
飛向里斯本
- 又飛八個鐘，幸好今程沒有死小孩，耳根清靜，心境祥和，看了《原諒他77次》，又未至於唔好睇，但係實在沒有睇的價值，人物空洞，劇本唔完善，完全諗唔到周柏豪有乜優點係令到阿sa唔離開佢，全套戲不停數落周柏豪缺點。《alice in wonderland》(竟然有廣東話版!)，細個時睇過，呢日回味下，原來disney版動畫是1951年的製作。
沒有留言:
張貼留言