受夠了我要炒老細

1. 發覺自己係有鋪癮屌鳩d戲, 不過都要套戲抵屌先得既, 一隻手掌拍唔響喔

2. 套戲catergory係喜劇, 再加上改個咁既戲名, 令我以為係瘋狂誇張喜劇, 氣氛輕鬆活潑個種, 點知原來係標題黨. 個名改得最好係「受夠了」三個字, 我邊睇邊想大叫受夠了, 睇左半個鐘已經覺得好悶.

3. 頭一個鐘主要係講男主返工好唔如意, 賤過袋底泥. 一向都知道日本職場文化係咁變態, 但係我本身就好厭惡d人咁奴性, 咁自甘墮落, 我真係知日本人係咁, 但係始終無法代入, 所以當套戲花一個鐘時間去展現咁懦弱嘅文化, 實在令我躁底.

4. 我慶幸自己無法代入, 因為代表我工作都算如意. 或者有d人會係男主既職場經歷中找到慰藉看見自己吧, 於是我上網睇下網民反應, 又真係都幾多人勾返起往事感同身受, 原來係有人覺得好睇既. 咁即係我太幸福了.

5. 但係我依然覺得, 職場失敗呢段拖得太長, 足足一個鐘既嚴重負能量, 仲要係鳩負能量, 導演驚死你唔夠負, 負d負d再負d, 搞足成個鐘先炒到老闆. 又話係喜劇, 雖然seldom有幾句搞下笑, 但係成套戲仍然有一半時間行屍走肉死氣沉沉都話係喜劇 難道結局係大團圓bbq就算喜劇? 黑人問號?

6. 炒老闆一段唔夠痛快, 劇情係男主露齒笑住同老闆講辭職, 老闆問你係咪拍緊牙膏廣告? 輕鬆一句之後又變返正經mode, 我覺得如果男主可以全程保持露齒, 每次講完野都露齒, 可以加強喜感同羞辱老細既感覺. 對了, 就是欠了羞辱感啊, 同老細大玩羞恥play, 攬住老細隻腳唔畀佢出門口之類, 一係就格鬥, 成龍式搞笑隻揪群毆, 瘋狂先夠過癮.

7. 男主辭職後, 那個唔知係人係鬼既人就消失了. 我覺得乾脆這樣意猶未盡地完了就算吧. 可惜套戲仲要做落去.

係時候劇透了
劇情講男主職場失意, 尋死大計又意外被人破壞, 二人成為好友後, 男主發現呢個人原來已經死左. 究竟佢係鬼定係上天派黎既天使?

屌佢老味, 原來死左那個係呢個人既孖生弟弟呀哈哈哈

這種孖生的梗我中學時已經覺得寫出來會面目無光而嫌棄了, 想不到今時今日還有人敢放上大銀幕, 咁大個老闆係度你唔好好去侮辱, 卻來侮辱觀眾智慧, 我真是受夠了.


8. 炒完老闆之後半個鐘做乜好呢? 就去瓦努阿圖做義工呀, 陽光與海灘呀, 咁先係人生呀呵呵~~~
做乜姐你, 又孖生又做義工, 義工個段句句都在洗腦式說教, 包裝到係冇煩惱係天堂一樣. 我想住既地方! 唔知做乜鳩. 頭半就鳩負能量, 後半就鳩正能量. 小二! 同我拎碗心靈雞湯黎, 要新鮮滾熱辣的, 我愛黎潑編劇. 除非編劇係中學生, 否則我會兜頭潑佢.

9. 成套戲都係相當正經非常老正, 以致頭半猶如防止自殺會宣傳片, 後半似NGO義工宣傳片, 諗諗下仲有d似瓦努阿圖投資移民廣告. 不停說教, 頭半想自殺個陣就叫你諗下屋企人, 諗下d孤兒既笑臉, 人地做到你都做到嫁~~

我對呢d說話好反感. 呢D道理想自殺既人應該都知道, 如果諗完都仲係開心不了好想死, 咁係咪連弱勢社群都不如? 係咪好撚廢? 想死但係仲要諗家人好大壓力啊, 不開心就不開心啦, 你仲要成個唐僧咁係度說教咿咿哦哦. 煩死了, うるさい! 善心啦福心啦, 講少句ok?

10. 後半都係繼續說教, 不過係洗腦式咁講世上有個充滿希望既地方, 個度D人都掛住真摯笑臉, 生活好開心無憂, 我想這種鳩正能量, 無論你現實生活如意或是潦倒, 都很難代入而且很想吐槽吧. 實在夢幻到以為自己睇緊科幻片.

11. 公道D講, 中段男主媽媽出場我有少少感動既, 我都試過工作唔如意, 有家人支持真係溫暖既. 不過呢個炒老細題材應該可以拍得更好睇.

在咖啡冷掉之前

1，作者第一次寫小說，文筆實在太那個，我好快睇完，因為飛左好多廢話


2，在穿越玩到爛掉之前，呢個故同一般既穿越唔同，更多規矩同限制：
無論回到過去/未來做乜，都無法改變事情
逗留時間只有一杯咖啡由熱轉凍咁少
唔可以離開指定座位
諸如此類，既然無法改變任何事，穿越仲有乜意義？呢個切入點幾有趣


3，雖然設定有趣，但係本書已經短，仲要分四個故，蜻蜓點水，唔夠深入。仲要每個故都花篇幅重覆講一次穿越守則，好煩，ching我知道了哪不用再說了，我見一次飛一次


4，穿越後對方既反應亦太過自圓其說，為左帶出「不能改變事實但能夠改變自己的心」這訊息，設法將穿越包裝成美好的事，太過順利和大團圓


5，都好睇既，有可取之處，但唔會高度推薦

美麗有毒

睇左套正經(非搞笑非喜劇)既戲《美麗有毒》，但劇情實在太好笑。

話說打仗時期，哥連法路隻腳受傷，畀班女人執左入去寄宿學校養傷，好返先至走。學校裡面有2個女人，5個女仔，成套戲就係講呢7個飢渴姣婆日日姣鳩哥連法路。姣婆品種相當廣泛，由13歲到50歲，屬性有傲嬌、腹黑、高飛車、元氣、天真嬌、姐姐、蘿莉、鬢辮，任君選擇。

姣左一段日子後，哥連法路隻腳好返了，進擊的四十路趁夜晚搵佢Happy Happy，當我思疑哥連法路何解少女唔鋤愛阿婆個陣，四十路就撞破哥連法路鋤緊少女！四十路好嬲，錯手將哥連法路推左落樓梯，哥連法路隻腳又斷過！明明件事好正經但係呢下全場爆笑，套戲係咪可以斷腳發姣斷腳發姣無限loop？

面對一班姣婆losers，少女即刻扮弱氣博同情，傲嬌Nicole Kidman借故切左哥連法路隻腳，哥連法路從此好憎呢一屋姣婆。四十路仍然好飢渴，主動送上門同哥連法路大玩強姦play。最後其他姣婆Losers設計毒死哥連法路，完！

呢套戲同美貌其實零關係，根本有西便是娘，香港譯名《美麗有毒》同台灣《魅惑》都太美化姣婆了。

哥：蘋果批好味
姣婆甲：係我整既
姣乙：個recipe係我既
姣丙：個蘋果係我摘既

傲嬌：我地要諗下點樣整死哥連法路
蘿莉：(人畜無害語氣)哥連法路鍾意菇菇，我地可以叫emily摘d特種菇菇返黎

本來想買godiva黎飲，諗諗下最後都係買朱奶算，平好多

好像回到了學生時代左度右度嫌貴的感覺，而且朱奶也是學生時代常喝的東西

星野源從生命的車窗眺望

1，一向沒有煲劇的習慣，文字裡的星野源是我對他第一印象，寫的都是淡淡的生活軼事，卻有著滿滿的生命濃度，好像只要活得像他一樣平凡老實，就會得到很多愛。


2，明明是好天曬落雨淋，但仍能說出「乘風奔馳時可以感受到季節」這樣的話，一定是個溫柔又敏感的人呢。曾經我也有過一段跟自然清風很親近的日子，憑著強風拂面的勁度就知道時速多少，這是冷氣無可攀比的。

玩蠟燭無法立足

為甚麼現在的細路都不玩蠟燭，因為會被趕盡殺絕啊，保安企正係你隔離望住晒，你個鐵盒蠟燭多又話你插太密，燒到一半個火開始旺又話你大火，風大吹倒了一支蠟燭又話你咁樣係構成煲蠟，乜癮都冇，玩蠟燭玩到過街老鼠咁，我係細路都返去玩電話撥撥掃算。

為甚麼現在的細路不去公園玩，因為公園只剩一d都唔跣啜實屎忽既硬膠滑梯，尿片形狀既鞦韆，都唔係畀人玩既，當人戇鳩既，我係細路都返去玩手機算，企係度打鞦韆既技術可能就黎失傳。

以前公園仲有氹氹轉，古時d細路一上左去就唔駛返落地，好似住左係上面咁，又唔會頭暈好勁勁。

今朝開始睇新一本書，打開正文第一頁，竟然狠狠叉中我個心，呢本死物太有人性，教我不知所措。