把自己騙倒。

文字可以騙人。

搞個course畀班富二代fu er die, 等佢地擴闊人脈以便他日互相勾結巴結，我寫成：
讓業界翹楚聚首一堂分享營商心得。

搞個活動推廣歷史古蹟畀有錢人，等佢地閒時揸車去到此一遊打打卡，以示自己好脫俗出塵好有品味，我又寫成：
回望我城我根，重溫被遺忘的歷史一隅，在物慾橫流的社會中，上一節慢活歷史課。

真係自己都打個突，假到跳舞。

樓盤廣告更加信一成都失明。
“前迎海峽“只代表該樓盤近海，並不表示有海景，因為有其他樓比你更近海。
“熱鬧與寧靜之間“，根本個盤就係嘈到拆天既超級鬧市，寧靜？凌晨三點打後可能會有既。

不過呢，玩字係幾好玩既。