之前搵工，我忽然覺得，好似做乜都差唔多。做副刊其實都不過係寫鱔稿sell野；寫廣告又係sell野。好似份份工本質都一樣。所謂理想既工，其實係咪只係蜜月期長啲，最終殊途同歸？

返了工一星期，還好。能夠在法拉生日那天返新工，多麼榮幸，是個好開始。暫時唔多野做，但唔知點解寫個百二字都可以搞好耐，時間過得好快。由於終於有用腦，放工係會眼訓。目前每個禮拜都要返五日半，過左probation先可以長短周。星期六都要返工啊唉。

阿頭和同事幾好人，不過我個post得我自己一個，同上一份工同埋我呢世人第一份工一樣，次次都係咁，難道我命犯天煞孤星嗎。

公司電腦好討厭，我淨係開晒d野係度，在youtube按左play後就冇郁過部機，但首歌仍然不停跳跳跳窒室窒，我不得不流露成蟲的表情。

雖然我講到咁，但總的來說工作其實真的還好，是獲益良多的。但教我如何工作至退休？我不想跟aoc的農民一樣，成世就係耕住塊田，直到gg。