- 全劇(電影版都係)我最鍾意一開場起身化妝唔想返工個段, 好有舞台效果
- 之後開始變成棟篤笑, 內容有共鳴, 要帶阿婆三寶出街.
- 頭半好睇，彭秀慧同觀眾互動反應快又搞笑，但自從欣宜角色出現後我覺得好漫長好想快d完
- 舞台劇彭秀慧要做埋欣宜角色，佢扮cute我真係覺得好一般好違和，鳩角色都係留返畀欣宜做好了
- 舞台劇個劇本已經演左十年，假如佢target 30歲左右既人睇，當年既人而家都40歲，鍾意既野同經歷既年代明顯唔同而家先30歲既人，但套劇仲講緊迷戀黎明同郭小霖，我嚴重懷疑今年30既人有幾多個識郭小霖愛情蝙蝠俠兼且會有共鳴. 友人建議可以將黎明改為謝霆鋒.
- 是否場地問題? d人一笑我就完全聽唔到下幾句對白, 完全被笑聲掩蓋, 但明明個幾句先係真正重點
- 都係覺得電影版好睇d
